Минзәлә

Бу вакыйга моннан берничә ел элек, Минзәлә районының Бикбау авылында булды. Әкрам абый бала чактан ук атларны бик яратты. Атларны яратып, тиешенчә тәрбияләү, аңа буыннан-буынга күчеп килде. Бабасы– Ризаэтдин бабайның атлар утары булган, ә инде әтисе Кираметдин колхоз атларын караган. Атларны ярату Әкрам абыйга нәселдән килгән. Ул үсмер чактан үк ат җигеп, кырык ел гомерен фермада эшләп үткәрде. Ә ул пенсиягә чыкканда, колхоз таралды, ферма малларын иткә суеп бетерделәр. Әкрам абый пенсиягә чыккач, үз утарында үз аты булу бәхетенә иреште. Чаллының атлар заводыннан бер яшьлек нәселле тай сатып алып, аңа Буян кушаматы бирде.

Буян ел саен колынлап, тугайларны иңләп, куанып чабулап йөргәндә, Әкрам абыйның да күңеле шатланды. Ниһаять, ул үзенең нәселеннән килгән ат үрчетү йоласын үтәүгә ирештем дип уйлады. Атның матур гәүдәсенә карап, кешеләр сокланды. Нинди генә ерак болында йөрсә дә, хуҗа тавышын ишетүгә, ялларын җилфердәтеп, очкан кош кебек чабулап килде ул. Ә инде Әкрам абый кулыннан шикәр дә капкач, сөенеп, кешнәп җибәрде.

Җәйнең бер кояшлы көнендә, Әкрам абый Буянны, һәрвакыттагыча, елга аръягына, атлар янына озатты. Күперне чыгарып, шикәр каптырып, иркәләп, яңагыннан сыйпап иркенгә җибәрде ул аны. Буян иркәләүне бик ярата, үзе дә башын хуҗаның иңенә салып, башы белән битләрен сыйпап, чабып китте. Ә берничә сәгатьтән аның башка атлар белән кемнеңдер люцерна чәчкән басуына керүе һәм Буянны атулары турындагы хәбәр килде. Әкрам абый килгәндә, ат инде үлгән иде. Ул, ат янына утырып, атның башын тезләренә салып елады. Атка кем атканын да, кем кушуы белән атылганын да әйтүче булмады, җинаять ачылмый калды.

Әкрам абыйның утарында тае да, колыны да бар. Югалтуны авыр кичерсә дә, ул ат үрчетүдән баш тартмады. Алар картаеп килгән гади генә авыл кешесенең күңеленә нур өсти, яшәргә көч бирә. Бу нәсел атларының чибәр гәүдәсенә, җирән кашка, ак маңгайларына карап та куанырлык иде.

Буяннан калган тайга Әкрам абый Атаман кушаматы бирде, чөнки ул бик чабулыйсы килгәндә, капка өстеннән дә, койма өстеннән дә сикереп чыгып китте, хуҗадан башка үзенә беркемне якын китермәде. Атны тәртә арасына кертергә, җигәргә никадәр сабырлык, түземлелек кирәк булды. Әкрам абый атны шундый итеп өйрәтте, кирәк урында бер генә эндәшүдән ат туктады яки кузгалып китеп барды. Өч яше тулганда, май ае башында колынлады да ул. Майның җылы көнендә Әкрам абый Атаманны, җиде көнлек колыны белән, су буендагы тау асты тугаена, яшел үлән ашарга атлар янына төшерде һәм үзе, эш белән, барасы җиренә китте. Ә инде бер сәгатьтән, алты атны берьюлы атып үтерүләре турында ишеттерделәр. Атылган атлар арасында Атаман да бар иде. Әкрам абый ерак басуга йөгерде, ул әле бу хәбәргә ышанмады. Ничек инде аның яраткан җирән кашкасына, җиде көнлек колынлы атка атарга була? Әгәр бу хәбәр хак икән, атларга атарга кулы күтәрелгән кешенең куллары череп аксын иде, дип уйлады Әкрам абый. Ул ат янына килгәндә, хайванкай әле үлеп җитмәгән, кечкенә колын, нидер сизенгән кебек, егылып яткан анасы янында әйләнеп-әйләнеп, ачынып кешнәп йөри, имәргә сорый. Хуҗасының кулы кагылганны сизеп, ат күзләрен ачты һәм ике күзеннән мөлдерәп яшьләре коелды. Ат белән бабай бер-берсенә сыенып еладылар, ә колын, анасы үлгәнен сизенеп, әрнеп, кешнәде дә кешнәде. Берничә минуттан атның күзләре йомылды, ә хуҗа әле озак кына атны кочаклап елап утырды. Бу җиде көнлек колынны ничек үстерермен, әллә чалып кына ташлыйммы, дигән уй да башыннан үтте аның, тик кулы тыңламады.

Әкрам абый, ат үлгән көннән үк, колынга имезлек белән сөт имезде. Колын үсте, хуҗа кая барса да, гел артыннан ияреп йөрде. Үсеп тай булгач, Әкрам абый аны сугым малына алыштырды, чөнки ул тагын бер фаҗигале хәлне күтәрә алмаслыгын белде. Малны, бигрәк тә атны яратып тәрбияләгән кешеләр моны аңлый. Атаманны һәм башка атларны аткан кешеләрне хөкем итмәделәр. Ни өчендер, авылда беркемнең дә ул кешеләрне фаш итәсе килмәде. Алты атны атып та, җинаятьне ачучы булмады, әллә ачасылары килмәде… Басуда, машина белән атлар арасында, чабыш оештыручылар турында белмибез түгел. Бәлкем, монда да машинаны узган бер хайванны ата барганнардыр һәм атучылар арасында хөкем карары чыгаручылар үзләре дә булгандыр?! Атаман колыны белән булса да, машинаны узган һәм башына ядрә тигән.

Бу вакыйгага инде берничә ел узды. Әкрам абый берүзе генә яши, утарында әле дә маллары үрчи, ләкин ул атларны бик сагына. Телевизор караганда атлар күрсә, күзеннән яшьләре тама. Атның һәм бабайның күз яшьләре кемгәдер төшәрме? Төшәр, әлбәттә… Җиде буынга кадәр төшәр. Атларны аткан һәм кушып аттырган кешеләргә төшмәскә дә мөмкин, әмма балаларына, оныкларына төшәр әле. Чөнки һәр явызлык җәзасыз калмый. Дөньялык хөкеменнән акча биреп котылып калып булса да, Аллаһы Тәгалә хөкеменнән беркем дә котыла алмый. Әтиләре кылган җинаять өчен балалар, оныкларның җавап тотуы бик кызганыч. Ә рәнҗү һәм күз яшьләре төшәчәк, әлбәттә, төшәчәк.

Гөлсинә ФӘСХЕТДИНОВА.

Калморза халкы аллага шокер шул чаклы рэхет яши кем эйте аны интеге диеп

и мттм

исэнмесез.Зинхар очен мина дорес жавап бирегез эле мэктэп фельдшерлары сез вредность аласызмы прививка эшлэгэн очен хэм ул сезнен карешокта ничек дип языла хэм модернизация тулэнэме? рэхмэт эйтеп калам сезгэ алдан ук!!!!!!!!

Көрпә,жом,комбикорм сатыла.Китереп бирү.Тел.:89172695211

Конбикорм,жом,көрпә сатыла.Тел:89172695211

нигэ ул икенче этажда?

управлениедэ ящик доверие эшли.2этаж.

Дөреслек!Син дөрес язгансың.Мин синең белән килешәм.Бу фикерне кая җиткерергә була икән?

Эшсезлэр оешмасы житэкчесенэ
Мэктэп балаларын интектереп сыннар
ясатканчы биржада торган эшсезлэрегезне эшкэ жиксэгез бушка акча алып ятмаслар иде,алган акчаларынын кадере булыр иде,эшлэп ашарлар иде

Казан да урыс шәһәре!
Яңа бистә генә чын татарныкы иде,аны да җимереп бетерделәр...

вэт,малай анламайлар,Минзэлэ,урыс шэхэре.

Кичә, Азатлык радиосына кереп, башкорт фалсификаторлары Татарстанның Минзәлә, Азнакай, Менделлевск һ.б. районнарында мең “башкорт”лары яши дигән сенсасия сөйләп яталар.
Меңнәр – саф татарлар, Чыңгыз татарлары, аның алдынгы гаскәрләре. Аннан соң алар Казан ханлыгы составында да, нугай урдасы составында да булганнар, хәзерге татарларның Менделеевск районыннан башлап, Дим буе татарларына кадәр таралганнар. Бу исә, бездә - Чыңгыз татарларының шактый гына булуын да раслый. Имеш Азнакай белән Минзәлә районнары авылларында бу мистикаторлар “мең башкорт”лары шәҗәрәсен тапканнар икән. Безнең тарихчыларга авылларга экспедисия үткәрергә акча юк, республика шуңа да акча таба алмый. Башкыртлар бар Рәсәйне йөреп, барысын да башкырт дип хисапка кертеп йөриләр, Себердән башлап, Татарстанның үзәгенә кадәр кереп. Мәскәүгә каршы иң күп каршылык күрсәтеп, шул юлда башын салган, меңнәр юлбашчысы Канзафар бине – Уфа алдакчылары Мәскәүгә үз ирке белән кушылучы беренче башкорт дигән чи ялган язарга да оялмадылар.
Меңнәр кай заманнан башлап “башкорт” булып киткән соң әле?
Нишләп безнең тарихчылар, безнең дәүләт, милли җитәкчеләр шулкадәр дә ялганга, Менделлевск районына кадәр башкортлар яши дигән ялганга бер сүз дә әйтми, нишләп әле википедияне тутырып барысын да, мәсәлән шул ук меңнәрне башкорт итеп язуга берсе дә бер генә сүз дә әйтми?
Нигә кирәк безгә андый тарихчы кисәкләре?
Нигә ул авыл халкы ул алдакчыларны куып җибәрмәде микән?
Тарихчылар йоклаган вакытта аның тарихын башка дәүләтләр урлап ала. – Камил Әбләзев.

Аю клубында дискотека 90х була.

ВНУТРЕННЯЯ ОТДЕЛКА ДОМА,БАНИ И Т.Д 89625744282