Балык Бистәсе

← Бөтен районнар

Нур-улы

№39300 / 31.12.2011 01:28:26

Чуртаннарны Яңа ел белән котлыйм!

Нур-улы

№38264 / 13.12.2011 21:56:13

15 декабрь Зур Мәшләк мәктәбендә конференция була.

Яңа Арыш

№38207 / 13.12.2011 13:30:21

Авылдашларга сэлам! )

Кигәвен

№38179 / 13.12.2011 02:21:59

Йөрим, бу дөньяда, Ходай биргән җиргә басып, качып,
Шактый картмын, авыртсам да, йөрим, Аллаһыдан качып,
Белмим, миңа күпме калганын да, ялган белмәсәм дә,
Алдый алам, юньсезләрне, бер тап тамдырмыйча, керсезләргә.
Белә алмыйм, күпме агуымның агып чыгачагын өсләренә, юньсезләргә.
Ходай һәм кешеләр арасына ялган түкмәсәмдә,
Читен, ансат кына үлеп булмый икән, китеп булмый икән.
Бу дөньяда шактый гомер кичеп киткән аксакаллар.
Киткән чакта, нәрсә диеп, әйтте микән?!.

(Экспромт) төзәтеп укыгыз!

Нур-улы

№38176 / 13.12.2011 01:32:07

Әхмәтзәки!

Бу әсәрегез белән балачагымны искә төшердегез. Әти читән үреп тотканда, мин дә (5-6 яшьлек бала) үземчә булыша идем, ул әзерләгән куакларны кирәкле урынга якынрак китереп тора идем.

Нур-улы

№38175 / 13.12.2011 01:21:31

Әхмәтзәки!

Әсәрегез тирән мәгънәле. Чулак останың кадак какканын күзәтеп торганым бар. Кадакның эшләпәле башын чүкеч сабына терәп куя иде һәм тактага суктыра иде. Кадак кадалып кала, аны тотып торасы түгел. Шуннан соң кадакны кагып бетерәсе генә кала.

Бу ысулны, бер кулым буш булмаганда, үзем дә еш кулланам.

№38174 / 13.12.2011 00:45:38

Кичер, пятачёк, язмам дигән идем инде, сорыйм : " Бу каналда шакшы сүз дә түгел, бернинди сүз язмаган идем, нигә соң сез: татар, урыс, һ.б. калар күтен саклап, үз халкыңны - сатып, йөрү, чесез?!

әй

№38162 / 12.12.2011 21:39:29

Әхмәтзәки, шакшы борын түгел - пятачёк борын,шакшылыкта да казынмый - тамыр казып ашый.
ник үз язганыңны шакшы дип әйтмисеңдер бит,Әхмәтзәки, укыгание шул. борын тертүем дип исәпләгәч ярар инде ,килешәм.

Әхмәтзәки

№38158 / 12.12.2011 21:22:58

әй
Инде, уйламаган идем, Дөньяда шулкадәр мәнсезләр булганы турында. Шакшы борын таба икән, шакшылыкны - казынырга.

Син дә бит соң, бу дөньяга кеше карнын ярып, тик, киләсең!
Биралмады, бирмәдеме: атаң-анаң, мәктәп, урам - тотырыклы тәрбиясен?

Борын астың сөртәлмыйча, олы кеше булып булмый.
Савыт тишек, синдәйләргә акыл тулмый, ага - тормый.

гафу, төзәтү

№38155 / 12.12.2011 21:04:44

Әхмәтзәки, Бер куллы кеше,
1969 ел түгел - 2009 ел.

әй

№38153 / 12.12.2011 21:00:02

Әхмәтзәки, ул очлаган вакытта шунда карап торгансыңдыр бит? ничек бер куллап эшләгәнен,ә?
шулай ук мәнсез идеңмә?

Әхмәтзәки

№38152 / 12.12.2011 20:59:43

Гафу, язганнарым реклама өчен түгел.
Бүгенге заман артыннан өлгерә алырдай чагым түгел!

Ошамаса, бигайбә!

Әхмәтзәки

№38151 / 12.12.2011 20:48:04

Таптым бугай, Рәхмәт, Нур-улы

БЕР КУЛЛЫ КЕШЕ

Сугыш(1941-1945) беткәннән соң, унөч ел узган.
Әнкәем белән \"паҗба\" тотарга киттек. Аңа илле дүрт яшь, миңа ун ике. Икебез дә, кечкенә гәүдәле. \"Уфалла\" арбасы, чиләк, комган, бау әсәре, минем үтәр-үтмәс балта, аз-маз ризык алдык. Барасы җир өч чакрым ераклыкта.
\"Паҗба\" дигәне, урысча пастьба дигәннән алынгандыр инде ул.
Авыл көтүен йөртү өчен урманда биләмә бүлеп бирелә иде. Шул биләмәне киртә яки читән белән \"тотарга\" кирәк, маллар читкә таралмасыннар өчен. Һәркемгә, малының(сыер, тана, бозау ...) күпме булуына карап, өлеш бирелә: егерме, утыз, илле, йөз ... метр.
Безгә, ике басу арасындагы тыкрыкның бер өлешен тотарга кирәк. Киртә белән тотсаң, урманнан корыган агачларны гына кисеп алырга ярый. Аларны җитәрлек табып булмый. Читән белән тотсаң, куакларның барысын да алырга ярый.
Үзебезгә бүленгән өлеш урынына, ярты чакрым ераклыкта булган урманнан, көч- хәл белән, куаклар җыештырып, \"уфалла\"га төяп, ташып куйдык.
Хәзер, казыклар кагып, читән үрәсе калды. Мин, ир заты бит, казык кагарга тиеш. Бер казыкны үтәр-үтмәс балтам белән карандаш сыман очладым да, җиркә кагарга маташтым. Аның тәртибен, бераз, әңкәй өйрәтте миңа. Башта, очланган казык очы белән өстән аска( бер үк урынга, төгәл) таба бәреп, чокыр ясыйсың. Аннан, шул чокырга су салып, өстән аска казык белән бәрә-бәрә, казык нык булып унашканчы дәвам итәсең. Эшләп карыйм, булмый гына бит. Әнкәй дә булышып карый - булмый.
Көтмәгәндә ярдәм килде ... Карыйм,урманнан \"уфалла\" тартып, бер ир-ат кайтып килә. Арбасына коры-сары төягән. Коры-сары дигәнем: корыган куаклар, череп егылган агачларның тазарак ботаклары. Куаклары - казан астына, ирерәкләре - кышын мичкә ягарга ярый. Арбасына бик күп түгел, уртача төягән. Якын килеп җиткәч кенә игътибар иттем, ул кешенең бер кулы төптән үк юк иде. Аңа кырыклап тирәсе булыр. Безнең янда туктады, уфалласын юл читенәрәк куйды. Үзенең балтасын алып килде дә, бер казыкны шоп-шома итеп, өч яклап очлады. Аннан соң, су сорады. Казыкны, мин иңдерә алмый торган урынга иңдерде. Өр яңа урынга да кагып күсәтте.
Мине, казык очлау һәм кагу серләренә өйрәткәч, арбасын алып, кайтыр юлына юнәлде. Ә кайтасы юлы аның, байтак ерак, анда әле, текә тау менәсе дә бар иде.
Ул өйрәтеп киткәннән соң, мин, казык кагу остасына әйләндем. Үземнең үтмәс балтам белән өч яклап очлап, казыкларны чумдырдым гына. Читән үрү тәртибен әнкәй белә иде, анысын ансат башкардык.
Күп еллар үткәч, алтмышның аргы ягына чыккач, шул, бер куллы кеше искә төште. Ул бер куллы абыйны үз гомеремдә кабат очрата алмадым. Әле ул, безгә ерак туган да иде бугай.
Хәзер уйлап утырам ... Ничек итеп ул: бер кулы белән урманнан утын әзерли алды икән; ничек итеп, беркемгә дә тоттырып тормыйча, шундый шома, өчкырлы казык очлый алды микән? Ничек, казыкны, бер кул белән, җиргә нык итеп беркетә алды икән? Кайтасы юлындагы текә тауны, ничек итеп менде икән?. Аннан соң, озак яшәде микән? Әллә, тормыш авырлыкларына сыгылып, сынды - вакытсыз вафат булды микән???
Бу сорауларга инде, бүген, берничек тә җавап табу мөмкин түгел.Бүген, мин аны - бер куллы кешене, бары тик хөрмәт белән искә төшерә генә алам. Каберенә барып дога кылыр идем, каберенең кайда икәнен белсәм , дога укый белсәм ...
Рәхмәт сиңа, бер куллы абый, урының оҗмахта булсын!

1969 нчы ел.(язылды)

Гафу, хаталары булса, төзәтеп укыгыз, уңышлар!