поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
08.03.2014 Бәйрәм

Бәйрәмнәрегез күңелле, ашларыгыз тәмле булсын!

Менә көтеп алынган яз да килеп җитте. Яз безнең өчен тамчылар тыпырдавы, кошлар кайтуы, гөрләвекләр агуы белән генә түгел, гүзәл хатын-кызларыбыз бәйрәме – 8 Март белән дә кадерле. Ни өчен дигәндә, бу көнне аларга игътибар аеруча арта. Күз алдыгызга гына китерегез: 8 март иртәсендә күп кенә ирләр, чәчләрен дә тарарга, чәй дә эчәргә өлгермичә, кибеткә – бүләк эзләргә чыгып йөгерә. Бер кибеттән икенчесенә чабып йөреп, ниһаять, бүләк алына.

Инде чәчәк кирәк! Берәр тәмле әйбер дә пешерәсе була! Торт алырга онытмаска! Менә ул – чәчәген култык астына кыстырган, ике кулына ике авыр пакет күтәргән, торт бавын тешләре белән эләктергән, үзе елмайган – кайтып килә. Болар барысы да шул гүзәл хатын-кызларыбыз өчен бит. Котлау сүзләре әйтелде, бүләк тапшырылды. Инде хәзер, традициягә хөрмәт йөзеннән, кичке аш әзерлисе була. Бәйрәмгә нәрсә пешерергә инде дип аптырап калмагыз, чөнки без сезгә кулай вариантлар әзерләп куйдык та инде. «Шәһри Казан» газетасы укучылары өчен махсус мастер-классны «Чын мирас» журналы мөхәррире Ләбиб Лерон, TMTV каналында «Тәмле көрәш» тапшыруын алып баручы Булат Бәйрәмов һәм җырчы Фирдүс Тямаев үткәрә.

Ләбиб Лерон:


– Без бүген солянка ашын пешерәбез. Зур кәстрүлгә су тутырабыз, сыер һәм тавык итен турап салабыз да утка куябыз. Итне жәлләмибез, күп итеп салабыз. Ит кайнаган арада ысланган һәм пешкән казылыкны токмачлап турыйбыз. Кәстрүлдәге ит пешкәч, суытабыз да шулай ук токмачлап турыйбыз. Казылыкны һәм итне шулпага салабыз. Ике-өч баш суганны чистартып турагач, майлы табага салып кыздырабыз. Угычта озын итеп уылган кишерне дә майда кыздырабыз. Алар өстенә бер банка томат пастасын (250 граммлысын) бушатабыз. Бер ун минут кыздыргач, ашка салабыз. Алардан бушаган табада өч-дүрт тозлы кыяр кыздырабыз. Кыздырганчы, аны токмачлап турыйбыз. Кызган кыярны да кәстрүлгә озатабыз. Әзер ашка борыч, ваклап туралган укроп, петрушка сибәбез. Консервланган зәйтүннең суын саркытабыз да шулпага салабыз. Аннары лимон согы сыгабыз. Табынга исә каймак салып чыгарабыз.

Булат Бәйрәмов:


– Мин үзем хашлама әзерләргә яратам, чөнки ул минем аеруча яхшы килеп чыга. Үзем яратып ашаганга да шулай тәмле итеп пешерәмдер инде аны. Менә сез дә пешереп карагыз әле. Моның өчен безгә казан кирәк була. Казан төбенә телемләп туралган сарык ите салабыз. Аның өстенә, чиратлаштырып, кызыл төстәге болгар борычы, кишер, суган, помидор түшибез. Бу бер катлам була, аның өстенә кабат шул тәртиптә ит һәм яшелчәләрне түшәп чыгабыз. Яшелчәләрне боҗралап турыйбыз. Тоз, түгәрәк кара борыч һәм аз гына су салып, утка куябыз. Суны күп салмагыз, яшелчәләрдән бүленеп чыккан су парында ит тәмлерәк һәм йомшаграк булып пешә. Кайберәүләр хашламага бәрәңге дә сала, әмма мин аны аерым пешерергә тәкъдим итәм, чөнки бәрәңге хашламаның тәмен үзгәртә. Кәбестә салучылар да бар. Аны салатка тураган кебек нечкә итәргә кирәкми, ә яфракларын икегә генә бүлеп, иң өскә салып калдырырга киңәш итәм. Хашламаны учакта пешергәндә дә әйбәт. Без бервакыт аны хәтта чиләк асып та пешердек. Бик тәмле чыкты, чын ирләр ризыгы инде менә (!).

Фирдүс Тямаев:

 – Минем иң яраткан ризыкларымның берсе – бишбармак. Ничек пешерергә икәнлеген дә өйрәтә алам. Кәстрүл төбенә кисәкләргә бүленгән ярты килограмм сарык ите салабыз. Аның өстенә әрчелгән уртача зурлыктагы бәрәңге (бик зур булса, икегә ярырга мөмкин), боҗралап туралган суган салабыз да өстенә су агызып, тәмләткечләр һәм тоз сибәбез. Ул пешкән арада камыр җәеп, аны ромбик формасында кискәләп чыгабыз. Итле бәрәңге бер сәгатьләп пешкәч, аның өстенә өч кат итеп камырны тезәбез. Ун минуттан ут өстеннән алабыз. Кемдер камыр белән итне аерым пешерә. Ә безнең якта аны барысын бергә кушып әзерлиләр.

Чәй янына коймак пешерергә тәкъдим итәм. Гадәти коймак камыры ясыйбыз, белмәүчеләрнең исенә төшереп үтик инде: сөт, аз гына су, күкәй, тоз, шикәр комы, чәй содасы салып камыр әзерлибез. Хәзерге табаларга камыр бик ябышмый, май салмасагыз да була. Элекке чуен табада пешерсәгез, аз гына май салырга кирәк. Камырны болгаткач, бер аш кашыгы какао салабыз. Чәй янына бу коймак бик тәмле була. Коймак камырына тары боткасы кушып та пешерәм әле мин. Әзер коймак камырына алдан пешереп куелган тары боткасы салып болгатасың да гадәти коймак кебек пешерәсең. Сез дә пешереп карагыз әле, телеңне йотардай була. Гомумән, мин һәр иртәне коймак пешереп ашау яклы. Иртән коймак исенә уянганда, өеңә нур кергән кебек була. 


Дилбәр ГАРИФ
Шәһри Казан
№ |
Шәһри Казан печать

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»