• 25.02 Гөлсирин Абдуллина , Азат Абитов . " Туйның 5 нче көне". ДК Ленина.
  • 29.02-09.03 Фирдус Тямаев. Ялгыз торна. КСК "Уникс"
  • 02.03-03.03 "Казан" бию ансамбле концерты. Г.Камал театры. 19.00
  • 03.03 Айдар Габдиновның юбилей концерты. Филармония. 18.30
  • 05.03 "Микулай" спектакле. Кариев театры 18.30
  • 12.03-13.03 "Карурман" спектакле премьерасы. Тинчурин театры
  • 18.03 Рузия Мотыйгуллинаның иҗат кичәсе. Камал театры. 19.00
  • 26.03 Казан шәһәр филармония концерты. 18:30
  • 09.04 Казан шәһәр филармониясе артистлары концерты – "Поющие сердца"(Р.Асаев, Н.Коновалов, Г.Имамиева, А.Шәрипҗанова) Филармония. 18.30
  • 14.04 "Безнең җыр". Филармония. 18.30
  • 15.04 Казан шәһәр филармониясе артистлары концерты – "Без танышбыз сезгә җыр аша" (Рөстәм Закиров, Эльвира Хәйруллина, Вәис Бәйрәмов)
  • 15.04 Казан шәһәр филармониясе артистлары концерты – "Без танышбыз сезгә җыр аша" (Р.Закиров, Э.Хәйруллина, В.Бәйрәмов, А.Вәлиуллина, А.Хәсән
  • 20.04 Вәис Бәйрәмовның иҗат кичәсе.Филармония. 18.30
  • 29.04 Фердинанд Фәтхинең юбилей концерты. Филармония. 18.30
Туган көннәр
  • 25 Февраль Райнур Әгъләметдинов
  • 25 Февраль Дилә Мөхәррәмова
  • 25 Февраль Люция Галләмова
  • 25 Февраль Әнәс Тумашев
  • 26 Февраль Ганс Сәйфуллин
  • 26 Февраль Гөлзада Бәйрәмова
  • 27 Февраль Гайнан Кормаш (1919-1944)
  • 27 Февраль Зәйнәп Солошина
  • 27 Февраль Динияр Биләлетдинов
  • 27 Февраль Шәриф Камал (1884-1942)
  • Сдается 3-х комнатная квартира, по адресу проспект Ибрагимова 45 кв.84 на длительный срок.В шаговой доступности находятся остановки общест. транспорта. В квартире чисто,уютно. Имеется все для проживания- холодильник, стир. машина, мебель. Не дорого 17 тысяч рублей. Не риэлтор. 8 937 585 91 72
  • Сдается однокомнатная квартира в Салават купере (пр.Шакирова, 13). 30 кв.м. Есть: гарнитур, двуспальная кровать. Привезём шкаф стиралку и холодильник. 8 тыс+счёт-фактура. 89050257974 собственник.
  • Казан, Дементьев ур., 31 йорт адресы буенча коммуналь фатирда уңайлыклары булган бер бүлмә "сдавать"ителә. Аена 7,5 мең сум. Собственник. 89519056330
  • Нарат агачыннан мунча бурасы сатыла. Комплектлап биру момкинлеге дэ бар. Балтач р-ны. тел . 89083357408.
  • Казань шэхэре. Новоселья урамы з булмэленен залына керергэ телэучелэр юкмы. 1 марттан. 89277896680
  • Мтз 82 тракторына алгы мост Хэм ЗУР кабина сатып алам тел 89274931646
  • Казан шәһәре Портовая урамында 2 бүлмәле квартира 49 кв.м. озак вакытка сдавать ителә. Туалет, душевая кабина үзендә. 4 квартирага бер кухня. Речной порт тукталышыннан 2 км ераклыкта. Бәясе 13000 квартплата белән бергә. 89272439077.
  • Арча районы Татар Кәдрәге авылында 2 катлы йорт сатыла.170 кв.м, 20 сутый җир.Йортта газ, су, санузел, пластик тәрәзләр, биметалл радиаторлар.Яхшы мунча, гараж, хуҗалык корылмалары бер түбә астында.Аерым гараж да бар. Җиләк-җимеш агачлары, куаклары, чәчәкләр утыртылган бакча, бетонланган бакча юллары,су сибү өчен зур бак бар.Шәһәр ыгы- зыгысынган туйган, өлкән яшьтә табигать кочагында яшәргә хыялланган пенсионерларга да, яшь гаиләгә дә менә дигән вариант. 2км да мәктәп, балалар бакчасы бар, 8км Арча шәһәренә, 800 м тимер юлга.Казанга бик якын, автобус йөреп тора.Ашыгыгыз.Тел.89600832277.
  • Авыл кукэе сатам. Казанга алып килу момкинлегебез бар. Тел: +7 937 525-51-46
  • Сдаю комнату девушкам в 2-х комн.кв по улице Гарифьянова на длительный срок. В шаговой доступности находятся остановки общественного транспорта, Медучилище через дорогу. В квартире имеется всё для проживания - холодильник, стиральная машина, микроволновка. Санузел раздельный. Недорого. 7 тысяч рублей. Не риэлтор. 89178738213 (ватсап)

 

 
Архив
 

               

20.11.2013 Мәдәният

Киләчәгең бармы, татар китабы?

Беләм, арагызда бар дию­челәр дә шактый, юк дию­челәр дә аз түгел бүген. Кем хаклы? Бүген бу сорауга берьяклы гына җавап биреп булмастыр, мөгаен. Әйе, көн­нән-көн электрон чараларның активлашуы, алар­га кешенең тартылуы арта бару татар басма кита­бының юкка чыгуына бер дәлил булып тора сыман.

Ләкин басма китап юкка чыкса да, электрон версиясе барлыкка килә бит. Димәк, Интернетка тоташкан һәркем укый ала. Ләкин һәркемнең дә мөмкинчелеге юк, кем­неңдер Интернетка керү чарасы юк, ә кемгәдер сә­ламәтлеге рөхсәт итми. Дө­ресен әйтергә кирәк, электрон китапның уңай яклары (кайда ничек телисең – шулай уку, китапханәгә ка­дәр барырга юл чыгымнары тотылмый, вакытны әрәм итәсе түгел, шактый китапларны уку бушлай һ.б.) күп булса да, тискәреләре дә юк түгел. Экранга озак вакыт текәлеп утыру күз басымын арттыра, шуның нәтиҗәсендә тиз арыйлар, компьютер экраныннан алынган нурланыш табигый яшьне киптерә, корылык эффекты барлыкка килә. Экраннан хәреф чүпләп утыру баш миенең файдалы эш коэффициентын киметә, баш мие алынган бар мәгъ­лүматны да эшкәртеп, анализга дучар итеп җиткерә алмый.

Сүз башым бит – шүрәле дигәндәй, язмамның темасы да – татар басма китабының киләчәге. Беркөнне шулай, Бауман урамында йөргәндә, Татарстан китап нәшри­я­ты­ның “Нур-Маркет” фирма ки­бете­нә сугылдым. Яңа китап­ларның “каймагы” шунда бит инде. Ишекне атлап керүгә, күзем кызылга ак белән язылган “Распродажа” язуына төш­­те. Кайчандыр барон Рот­шильдның: “Мин очсызлы әйберләр алу өчен бай түгел”, – дигән сүзләрен искә алып, кайчак андый язулы җир­ләрдән үтеп китәргә туры килә. Ләкин бу юлы тукталып калдым. Барсам, ни күрим: Гаяз Исхакый, Әхсән Баян, Әбрар Кәримуллин кебек олпат язучыларыбызның, ша­гыйрьләребезнең, галим­нә­ребезнең китаплары – 10 сум! Бүгенге көн өчен көлке бәя, әлбәттә. Җәмәгать транспортында йөрүдән дә азрак. Китаплары таушалгандыр, склад­­та тузан җыеп ятканнардыр әле диярсез, юкка гына бу бәядән сатуга куймаслар иде.

Юк, китаплар өр-яңа. Үзем күреп кайттым. Гаяз Исхакыйның “Публицистика һәм әдәби тәнкыйть мәка­ләләре (1902-1914)” җыен­тыгын эләктердем дә әле.

Гомумән, бүген татарча укучыларга нинди товар тәкъ­дим итәргә? Классикага әве­релгән әсәрләр инде күптән тар даирә укучылар өчен генә булып кала бирә. Алары да көннән-көн сирәгәя. Бәлки язучыларыбыз үз эшләрен җиренә җиткереп башкармыйдыр? Әнә бит Нәбирә Гыйматдинова, Зифа Кадыйрова әсәрләре “ә” дигәнче сатылып бетеп бара. Әдә­биятыбызда ир-атлар да көн­нән-көн кими. Без кү­бесенчә хатын-кызны романтик, фан­тазиягә бай зат итеп, ә ир-атны реалист буларак күзал­лый­быз. Бәлки, бү­генге катлау­лы җәмгыяте­бездә дөнья­ны башкача күрү кирәктер?!

Тагын бер очракка тукталасым килә. Шул ук кибетнең китап рәтләре буйлап сайлап, карап йөрешем. Янымда гына бер ханым кулына бер кочак китап җыйган, кызлары да янында. Миңа шулкадәр кызык булып китте ки, ханым янына барып сүз катмыйча булдыра алмадым. Рушания ханым Минзәлә якларыннан икән. Әдәбият укытучысы. Кулындагы бер кочак китапларны күреп, үзеннән-үзе: “Мәк­тәбегездә татар китапларына кытлыкмы әллә?” – дип сорап куйдым. “Әй, энем, бу китап­лар мәктәпкә килеп җит­кәнче әле”, – дип куйды Рушания апа. Ул балаларга китапка мәхәб­бәтнең гаиләдән килүен искәртте. Минемчә, татар халкы булганда, татар китабының киләчәге бар әле. 

Раил САДРЕТДИНОВ
Ватаным Татарстан
№ 189 | 20.11.2013
Ватаным Татарстан печать

Фикерләр

Исем:
E-mail:
Текст:
 
№81 (861500) / 30.11.2013 22:01:40

78-гә: Исемеңне мулла дөрес кушкан.

№80 (861499) / 30.11.2013 22:01:12

Тукай да, картаеп каткач буыннар, эш белү уңайсыз ул, дигән түгелме соң?

№79 (861498) / 30.11.2013 21:45:06

Вәт,тебе!

Анда Нияз белән Нияз телләште. Башта Нияз яза, ә аннан соң Рифә исеменнән янә Нияз язды. Бер актер тиәтрен уйнады!

№78 (861497) / 30.11.2013 21:43:27

75-кә:Пауло Коэльо романнарының һәркайсы-философик фикерләрнең шигъри тукылышы - күләм ягыннан зур хикәя кадәр генә. Су буе озынлыгындагы роман-бәяннарның чорыбыз өчен зарурлыгы юк дип саныйм .
76-га.Демократик илләрдә тән төсе, җенес яки яшькә карап иҗади бәйгеләргә чикләр куелмый.
http://rustemzaripov.blogspot.ru/

№77 (861494) / 30.11.2013 20:35:09

Теге Нияз белән Рифә телләшкәннәр иде.Шулар булды мени татар тәнкыйтьчеләре?

№76 (861493) / 30.11.2013 20:32:01

Син санаганнар барысы да пинсиянирләр мени?

№75 (861492) / 30.11.2013 20:20:09

Хикәя буенча бит бу җинучеләр , романны, бәянны әдәбиятка санамыйсын штоли?

№74 (861491) / 30.11.2013 20:13:55

Габит Фәрхетдинов _Сабада яши, баш ветврач булып эшләде,Татарстанның атказанган ветврачы биографияле, демократия тарафдары!
Икенче урында, Башкортстаннан кайткан, китап авторы, укытучы булып эшләгән.
Өченче урында -Рифә Рахман, шагыйрә, тәнкыйтьче, КДУ да укыта.
Җиңүчеләргә афәрин!

№73 (861487) / 30.11.2013 18:48:47

Вәт,тебе!
Әле генә уяндың ахрысы. Хәерле иртә, тебе!

№72 (861486) / 30.11.2013 18:36:26

Бу авыл тормышын яктырткан проза әсәрләре конкурсында җиңүчеләрнең роман һәм повесть номинациясендә җиңүчеләре таныш исемнәр.Язучы Берлегеннән...Ә менә татарның хикәячеләре белән хәлләр мөшкелгә ошаган.Беркемгә таныш булмаган өч исем: 1 нче урын ,әллә Саба ветераны,әллә ветеринары Габит Фәрхетдиновка,икенче урын-,башкорт район гәҗите үзешчән хикәячесе Кәримов Һадига,өченче урын ниндидер Рахманга бирелгән.Мин шушы яшькә җитеп бер генә -Муджибур Рахманны гына ишеткәнем бар ые..

№71 (861470) / 30.11.2013 15:15:51

Укыдым. Да-а-а...Инде дә әдәбиятыбыз тәрәккый итмәсә!

№70 (861450) / 30.11.2013 12:36:06
№69 (861449) / 30.11.2013 12:28:07

Татар прозасы конкурсында кемнәр җиңеп чыкканны беләсезме? Авыл темасына...

№68 (861420) / 29.11.2013 21:45:02

Китап дигэннэн,буген Камалда Калеблелэр кичэ оештырды бит.Анна Ахматова шигырьлэре тэржемэ ителеп китап итеп чыгарылды.
Берэттэн,тэржемэ ителгэн, Пушкин белэн Гоголь китаплары да куренде сатуда.
Ахматова жыентыгы куплэргэ тулэусез элэкте элбэттэ,чонки кичэнен сэбэпчесе Ахматова бит.Тик,Пушкин Гоголь белэн артык кызыксынучыны курмэдем.Китап бэясе-100 сум гына. Мондый эдэбият очен,арзан дип уйлыйм.
Югыйсэ,гел яшьлэр иде фойеда.
Чеховны татарча укыган бар,э менэ Гогольне укыган юк.(Тэржемэ А. Шамовныкы булып чыкты.Димэк,янартып бастыралар.Минем кунелдэ,эллэ хэзерге эдэбиятчылар тэржемэсе микэн,дигэн омет тэ бар иде.)
Менэ шулай,хэзер башка нэрсэлэр кирэк кешегэ. Китап укучы чынлап та бик аз шикелле.

№67 (861369) / 29.11.2013 16:50:21

//"КУ" әдәбиатын прапустил.\\ - мин зур әдәбиәт белгече түгел,Вам веднеее...

№66 (861367) / 29.11.2013 16:36:35

Талчыккан рухны тән саулыгы төзәтә
(Марсель Галиев)
Бөкерне кабер генә төзәтә.
татар халык мәкале шулай ди.

№65 (861365) / 29.11.2013 16:33:55

"КУ" әдәбиатын прапустил.

№64 (861363) / 29.11.2013 16:13:31

бүген, Язучылар берлегендә тормаганнар да китап бастрып яхшы сатылганга, үзенә юк акылны сатып, тәрбиче роленә претендовать итүчеләрнеке макалатурага гына киткәнгә көнләшүләре.

№63 (861362) / 29.11.2013 16:07:51

Онытканмын.
Бар худая литература.
Бар научная литература.
Бар татар әдәбиаты.
Кайсы турында сүз?

№62 (861361) / 29.11.2013 16:04:27

"Китап" тапшыруында, Камил исемле әдәм (Шәленеке) акыл сата. Язучылар, халыкта, Китапка мәхәббәт тәбиәләргә тиешләр ди.
Ә үзенә кайсы язучы китапка мәхәббәт тәрбиәләде икән? Ул елларда язучылар да хәттин ашмаган иде. Әммә белемгә омтылыш бар иде. Бүген дә белемгә омтылыш зур. Әмма белем чыганагы бераз үзгәрде...
Худуй литература укырга вакыт юк - Кина, ТВ карыйбыз
Мин белмим ул язучыны.Өстәл өстендә яткан китапларнын күреп,шактый гына китаплары басылып чыккан булса кирәк.

Нууу акыл сатарга булдыра да индеее. Янәсе язучылар күбәйде,Язучылар берлегендә тормаганнар да китап бастра башлады,Ветнам базарындагы киемнәр шиелле,чутсыз затсыз китаплар басты дөньяны дип утыра.

Тел төбеннән,"неззә,не пущать,запрещать"лар сизелә.

Кем соң ул кеше? Нинди "урындык" занимает?

№61 (861354) / 29.11.2013 15:03:15

Талчыккан рухны тән саулыгы төзәтә
(Марсель Галиев)
Рух саулыгы көрлектән бәйсез.

№60 (861353) / 29.11.2013 14:58:16

Наданлыкка бату өчен бердәнбер юл, исән авторларның татарча китапларын уку.

№59 (861324) / 29.11.2013 08:49:03

Бар!!!
ТАТАРНЫҢ үзеннән тора,милләтенең КИТАПЛы булуы булмавы!!
Язучылардан да тора!

Гүмер гүмергә татар китаплы,укыган,акыллы,китап бастыручы(!!) иде ерак бабаларыбыз.
Неуҗели бүгенге буын китапсыз калып наданлыкка төшәр! Ә?

№58 (861092) / 28.11.2013 09:49:43

- Киләчәгең бармы, татар китабы?
- Юк, әлбәттә.Пчамуптамышта.

№57 (860896) / 26.11.2013 19:34:58

Рәхмә т, Соры корт! Аңла шылды.

№56 (860891) / 26.11.2013 19:11:52

Кигәвен

Абзас, баш хәреф һәм тагы әллә нинди язу тәртипләренә өйрәтсәгез дә, үзегез бик игтибарсыз укыйсыз икән.
Чын Соры корт язганда корт сүзе тулы килеш языла, ә инде шуңа охшеш НИК белән язучы, буталмас өчен кор т дип язганда, "Р" белән "Т" арасында бушлык калдыра.)))

№55 (860889) / 26.11.2013 18:53:55

Соры кор т № 56

Белмим,әлегә, сез чын Соры корт мы? юктыр.
Тыйнаксызлык берәүне дә бизәми.

№54 (860879) / 26.11.2013 18:00:27

Ул "Бердәнбер"еңне бөтен кеше ятлап бетергәндер инде, син һаман куясың.

№53 (860875) / 26.11.2013 17:52:15

///Халыкның зәвыгын такмакчылар бетерә///Шигырь!!! (№2)

Әйткән сүзләреңне дәлилләр өчен Такмакчылар исемлеген монда яз. Ә болай сүз чыксын өчен лыгырдап утыруың һавага пуф-ф-ф ясап утыруга тиң.

№52 (860820) / 26.11.2013 10:25:01

Рөстәм Зарипов, сез Соры корт белэн Соры кор т ны бутагансыз ахыры. Алар икесе ике кеше. Соры корт кичэ коне буе Казанда булды

№51 (860819) / 26.11.2013 08:57:00

Соры кортка.Яугир-шагыйрь Рамазан ага рухын рәнҗетүдән туктыйсы иде. Егерме елга сузылган җырдан гимн ясау мәрәкәсе китереп чыгарып, бүгенге нәтиҗә белән аңа нокта куйган бөек солистлар исемелеген элү гаделрәк булмасмы?
http://rustemzaripov.blogspot.ru/2013/03/blog-post_9.html

№50 (860785) / 25.11.2013 18:59:35

Сорыйм әле!
Берсе - Байтимеров.
Икенчесе - Гәрәй Рәхим.
Өченчесе - Пираев (исемен белмим).
Дәвам итимме?!

№49 (860766) / 25.11.2013 14:26:25

солист дигәнең сало сыптыручымы, салырга яратучымы? Кем ул классик музыка уйнаучылар? Огласите список.Көлик бер.

№48 (860761) / 25.11.2013 13:12:33

Мокытым, ул диалектика буенча оркестр булып житэ алмый, тик, классик музыка уйнаучы шэп солистлар бар. Монысы инде бэхэссез, монын белэн бары "фикер сай, белем амбарлары такыр, мантыйк юк, үз-үзләрен әлләкемгә куялар" гына бэхэслэшэ ала...

№47 (860737) / 25.11.2013 07:13:50

Татфак чыгарган "әдип"ләрдан симфоник оркестр тумый. Лушчем случаи Крылов мәсәлендәге куартет. Чөнки фикер сай, белем амбарлары такыр, мантыйк юк, үз-үзләрен әлләкемгә куялар, кешелекләре ташка үлчим.

№46 (860704) / 24.11.2013 21:08:28

39!

Самолетта улучелэрнен исемлеген укыгач та куздэн яшьлэр килде.
Аллахе Тэгалэ хозурына акыллы,житди,эшчэн яшьлэр киткэн...
Ахырысы чуп оере монда кала,тегендэ яхшыраклар кирэк.
Кыйммэтлеклэр узгэрде шул.
Телемыло укучы хатыннар,Кызлар-йолдызлар, Кипарислар жыры,Газинурларны укыган кешелэр булмавына иманым камил.
Налог тулэр очен телэсэ нинди "шедевр" ярый инде алайса!
Эйе,хэзер суррогат куп ашыйбыз шул.
Корсакка тошкэч барыбер тугелмени?

№45 (860665) / 24.11.2013 19:16:09

Капкасын чит кеше ачкан саен мичкәсенә су тутыручы галимгә охшатып ялгышканмын сине,РЗ, ягъни страницаңда рекламаларың булмагач, әмриктән фәлән мәртәбә, хытайдан төгән тапкыр ачып карадылар дип, куык очырудан ни ләззәт,җә?
(стиль синеке)

№44 (860650) / 24.11.2013 18:32:24

Авыл хуҗалыгы нинди дотациядә булсын?. Продукт җитештерүчеләргә тиен дә бирелгәне юк. Төрле холдинглар, инвестиционный компания учредительләре, посредниклар паразит кына түгел, паразит в квадрате!

Добавка: продукт җитештерүче белән обслуганы чагыштыру өчен "барысының да өйдә булмавы" кирәктер инде ул.

№43 (860648) / 24.11.2013 18:18:57

Серьезно, авыл хужалыгы да дотациядэ, ул да паразитмы?

№42 (860642) / 24.11.2013 17:45:08

Дотациядә, башкалар исәбенә яшәгәч, паразит булмыйча, кем була соң инде, я әйтеп кара. Белик паразитның нинди синонимнары барын.

№41 (860640) / 24.11.2013 17:41:32

№40, симфоник оркестр "паразит" була аламы? Хәтта иң танылгыннары да дотациядә! Кирәк алар! Моны сиңа аңлатырга кирәк икән, белмим нәрсә әйтергә дә...
Ахры, сиңа жвачка кирәгрәкткр...
Это не несерьезно.

№40 (860638) / 24.11.2013 17:35:54

Күрерсез бер ун елдан, кем хәтерләр ул "елата торган" "шедеврларны"...

Акыл сата торган "үлмәс әсәрләрне" бүген дә белмиләр, 10 елдан аларның булганлыгы турында да уйламаячаклар. Шушыларның кайсысы яхшырак, ә Рәниф?

Һәр илдә симфоник оркестр дотациядә тора... Ә попса күп сатыла...

Во, во, кемгә кирәк ул дотациядә тора торган симфоник оркестр? Сорау юк икән, аның паразит булып яшәргә хакы да юк. Ә дотация-это чистейший паразитизм!

№39 (860633) / 24.11.2013 17:13:26

Бөек классикларыбызны әдәби жвачкалар авторы белән янәшә куеп сөйләшә башлагансыз...

Әлеге чүп автор – өч көнлек мода, әдәбиятка мәхәббәт түгел.

Күрерсез бер ун елдан, кем хәтерләр ул "елата торган" "шедеврларны"...
Күп сатыламы? Шулмы сәнгатькә бәя?
Һәр илдә симфоник оркестр дотациядә тора... Ә попса күп сатыла...
Шуңа барып җиттеләр ки, имеш, ул эшләп биргән акчага хәзер чуть ли ни бөтен татар әдәбияты яши... Киресенчә, ул үтерә...

Рәниф Шәрипов

№38 (860627) / 24.11.2013 14:17:45

Зифа начар язучы да булсын ди. Ә китапларына бернинди спрос юк бөек саналучы,журналларда әсәрләрен даими тыгучы, дәүләт акчасына том-том китап чыгаручылар аннан күпкә түбән булуын да таныйк, алайса. Ә аларның чи надан иярченнәрен әйткән дә юк.

№37 (860623) / 24.11.2013 12:57:35

син әле дөнья көндеге түгел,"Менэ язсын Зифагыз,мин укырлык тэлаплэргэ жавап бирерлек итеп." дип әйтергә. татар халкының укымаган наданы бер син геәдер. бар халык укый,синга ярамый. сорау туа.әднәке...

Зифаны хурлау,мәхәрәгә калдырырга тырышу күз алдында. юк эшкә тотынгансың.
эт өрә,карван бара бирә ди татар халкы.

шушындый мәнсезләр диплом АЛЫП,хәреф язарга өйрәнгәннәр бит. җитмәсә татар халкы исменнән дигән булып йөриләр!!
һәр язучының үз укучысы!!!

№36 (860619) / 24.11.2013 11:59:35

"Менэ язсын Зифагыз,мин укырлык тэлаплэргэ жавап бирерлек итеп."

))))Соң, син мактаган "бөек"ләрне укымаучылар да, "менә язсын "бөегегез", мин укырлык тәлапләргә жавап бирерлек итеп, сатып алып укырмын" диләр. Һәм алар СЕЗДӘЙЛӘРГӘ караганда күпкә артык!))))) Иң кызганычы, СИН укый торган, әмма күпчелеккә бер кирәге булмаган акыл сатуыгыз, шул, сез хурлый торган китапны сатканнан килгән налог акчасына басыла. Кыскасы, ашаган табагыгызга кәкәй итәсез. Шулай булса да акыл өйрәтергә, ХАЛЫКны тәрбияләргә хакыгыз бар дип саныйсыз.

№35 (860617) / 24.11.2013 11:37:30

Синең Зифаны яратмавыңа Билгесез гаепле түгелдер ич?))))))
Билгеле гаепле тугел. Тик бу минем жавабым.
Андый китапны укый алмыйм, все бетте!
Вакыт,исендэ калдыр.
Исхакыйга килгэндэ,анын укыласы чоры эле алдарак дип уйлыйм. Вакыт курсэтер,исэн булсак нэтижэсен курербез. Инкыйразы Исхакыйнын язучы буларак кыйммэтен курсэтте бит. Димэк язучы,нэрсэ курэ,ни тели шуны гына язмаган. Уйланган,дэлиллэгэн узенэ,хэм нэтижэлэрен безгэ язып калдырган.
Заманны узгэртуче кешелэр узлэре.
Проблемалар узгэрми,ана караш,ана монэсэбэт узгэрэ.
Мэхэббэт-нэфрэт,ата-ана-балалар, акча, мал,дан-дэрэжэ,явызлык-шэфкать,- бу проблемалар мэнгелек!
Тик аларнын алшартлары гына узгэрэ.
Буген ата-ана проблемасы-кызынын кыска итэктэн йоруе тугел.Хэзерге ата-ана очен катлаулыраклары да бар.

Сонгы жомлэне син эйттен.
Алайса башка мисал белэн китерэ алам. Мин жырлаганны ошатмасан,син сэхнэгэ менеп жырла, мин тозегэн йортны ошатмасан, узен тозе!-дигэн сыман бу.
Э мин гап-гади укучы.Тик сайлап укучы.
Мин башымны чуп-чар белэн тутырырга тиеш тугел бит,язганнар хэм сатыла дип кенэ.
Менэ язсын Зифагыз,мин укырлык тэлаплэргэ жавап бирерлек итеп.
Элегэ язганнары-уз гомерлэрендэ беренче тапкыр китап тотучылар очен.
Кемнендер ире,икенчегэ киткэн,аннан кайткан,аннан ул хатыннан конлэшкэннэр кебек урам гайбэтенэ нигезлэнгэн эсэр.Анын очен ни фантазия ни белем кирэк тугел.Авылда куз алдында булган хэлне кучереп яздын да бетте.Жомлэ този белсэн шул житэ.

№34 (860600) / 24.11.2013 07:54:42

Бер кемне дә кимсетми Р.З., ә рухлары рәнҗетелгән өлкән шагыйрьләрне яклый. Хамить ни нады."Бөек"ләр яшьлектә хата киткән дип тәүбә итмәде бит. Рамазан Байтимеров белән нишләделәр.

№33 (860585) / 24.11.2013 00:11:15

Кортларга билгесезлэргэ, бу синеке: "
Менэ анын булдыра алганын мин укымаганга гаеплэмэсен"
Бусы Билгесез сүзләре: " Кем өчендер иң яхшылар рәтендә йөргән әсәр башкаларга кызыксыз булып тоелганын гаепләмәсен, аңларга тырышсын."
Син нигә дип әле Билгесезне кабатлап утырасың? Синең Зифаны яратмавыңа Билгесез гаепле түгелдер ич?
Сиңа сорау: Исхакыйлар чорыннан бирле заман үзгәрдеме әллә кешеләрме, әллә инде берни дә үзгәрмәдеме? Күзеңә гөмбә үсмәгәндер, Билгесез классиклар турында да язган. Ләкин алар яшәгән чорны хәзергесе белән чагыштырып тәңгәлләштерү сәер булыр иде. Ул чакта ни ашаганнар да хәзер ни ашыйлар, ничек яшәгәннәр, хәзер ничек яшиләр, халык ни белән кызыксынган, ни укыган, ә хәзер ни белән кызыксына да ни укый я укымый? Аерманы сизәсеңме бераз? Әби патша чорына кайтып ни кырасың? Һәртөрле үсеш булырга тиеш. Милли үзаң да бер урында гына тора алмый.
Соңгы җөмләңдәге чагыштыру бигрәк мәгънәсез үпкәләү сыман килеп чыккан синең. Ни язганыңны үзең дә аңламагансың. Ни өчен укытучы, тукучы я тегүче түгел соң ул?

№32 (860582) / 23.11.2013 22:46:16

РЗ-29,
"Флаг кулына" дигәнең "..так ..тенә" дигәннән дә көчлерәк чыккан!
Чын шаир икәнең!

№31 (860581) / 23.11.2013 22:24:13

Бу Рөстәм Зарипов Рәзилнең шигырен мыскыллап, Фәрит Мөхәммәтшинны түбәнсетә.

№30 (860580) / 23.11.2013 22:23:19

бик хитрый клон булды ул.

№29 (860579) / 23.11.2013 22:22:08

Бу Рөстәм Зарипов №29 (860578) дип язучы мин түгел, клон. Бәгъзе клоундыр
http://rustemzaripov.blogspot.ru/2012/12/1.html

№28 (860577) / 23.11.2013 22:10:37

Китап калды товарга -
Кәнис битте татарга!

№27 (860576) / 23.11.2013 22:08:31

Беренче баскыч - Гаяз Исхакый!
Икенче баскыч - Зифа Кадыйрова!
Өченче баскыч - Янгал Язучов!
http://www.kitap.net.ru/yazuchov/
Дуртенче баскыч - Татар Бәдрәфи!

№26 (860571) / 23.11.2013 21:18:47

*!
Минем ул китапны укыганда сынар бортек яшем дэ таммады.
Мин бары тик, аны "егылып укучылар" сузенннэн чыгып кына укырга азапландым.
Булмады,болгап аттым.
Элбэттэ,бу укучылар Айтматовны,Ибрагимовны,Еникине,хэм башка классикларны, Бунинны,Булгаковны кулларына да тотып караганннары юк.
Алар очен элифба ул-Сагынырлар! Ну ярар бэлки, шуннан сон китап кибетлэренэ кергэлэрлэр бэлки!

үзе булдыра алганча яза. )))))0
Менэ анын булдыра алганын мин укымаганга гаеплэмэсен!

Шуңа гади халыкны көн кадагындагы проблемалар яктыртылган әсәрләр кызыксындыра. Зифа шул проблемалар эчендә кайнаган халык өчен генә иҗат итсә дә, моны начар дип әйтеп булмый, әлбәттә)))))

кайда ул эсэрдэ-проблемалар?Юк анда проблема,бер илэс-милэс хатын,хэм шул хатынны улеп яратучылар гына бар!
Заман проблемалары белэн шэхес проблемалары бергэ урелеп барганда гына кызык була ул. Э болай ниндидер хатыннын сэбэпсезгэ елап утыруы,эсэрнен мэгънэсен кутэрми.
Укучы зэвыгына иярергэ ярамый! Укучынын зэвыгын югарырак кутэрэ торган эсэрлэр язарга тырышырга кирэк!
Бу китап-сэнгать эсэре дэ,эдэби кыйммэткэ ия булган нэрсэ дэ тугел!
Бу бары тик -ТОВАР!!!!!!
Одноразовый савыт-саба,хэм тиз болгатыла торган ДОШИРАК токмачы шикелле ук!

Исхакыйлар чоры бүгенге чор белән аваздаш түгел))))))))
Ничек кенэ аваздаш эле, Билгесез.
Сез анын бер генэ эсэрен анлап укысагыз да бу сузлэрне язмас идегез!
Миллэт проблемалары,татар гаилэсе проблемалары эллэ бездэ юкка чыктымы?

Әйтик, кемдер кайсыдыр ки авторның иҗат җимешен кабул итә алмаса, үзе шедеврлар тудырсын)))))
Ха,нигэ авызны ябасын?
Бу бит, кибеттэ нидер алып та кэнэгатьсез калган укытучыга,- ошамаса,кил дэ кассага узен утыр,узен сат!-дигэне шикелле!

№25 (860570) / 23.11.2013 20:49:33

Зур хакка сатылучы Зифалар халыкта зәвык булмауга дәлилме? Халыкның нинди һава сулавын тирән тоемлаган психолог буларак Зифа кебекләр күпчелек ихтыяҗларын күздә тотып язалармы? Ни генә булмасын, Исхакыйлар чоры бүгенге чор белән аваздаш түгел. Шуңа гади халыкны көн кадагындагы проблемалар яктыртылган әсәрләр кызыксындыра. Зифа шул проблемалар эчендә кайнаган халык өчен генә иҗат итсә дә, моны начар дип әйтеп булмый, әлбәттә. Әгәр ул ошый икән, теләгән кеше рәхәтләнеп укысын, укыйсы килмәгәннәргә көчләп такмасын. Кем өчендер иң яхшылар рәтендә йөргән әсәр башкаларга кызыксыз булып тоелганын гаепләмәскә, аңларга тырышсын.
Зифаны түгел, бәлки классиканы(Исхакый, Насыйри, Тукай, Такташ һ.б.) өстен күрүчеләр күбрәк эчтәлеккә, формага, теориягә басым ясап бәя бирәләр. Аларны коры вакыйгалар, тормышчан образлар, гади хикәяләү теле генә канәгатьләндерми. Чын сәнгать әсәре, үрнәк булырдай татарча әдәбият булдыру максатыннан алар да, һичшиксез, хаклы.
Язучы әсәрен тормышны үзе күзаллаганча, үзе булдыра алганча яза. Әсәр язып караган һәрбер авторны, яхшы язамы ул, әллә начармы, барыбер яшәешнең яңа баскычына күтәрелгән шәхес булуын танырга туры килә, чөнки мондый шәхес аң ягыннан, рухи яктан да югарырак үсешкә ирешкән иҗат кешесе дип атала. Әйтик, кемдер кайсыдыр ки авторның иҗат җимешен кабул итә алмаса, үзе шедеврлар тудырсын. Димәк, моңа аның сәләте дә, мөмкинлеге дә җитәрлек дигән сүз.

№24 (860554) / 23.11.2013 18:45:13

Ул Зифаның герое ни очен елатуын да анлап булмый хәтта!

Синең шуны аңларлык та мөмкинлегең булмау, бар кеше дә шулай дигәнне аңлатмый.

Гомумэн,ТЭРБИЯ турында суз бара! Бер "тәрбиялүче" монда язышты бит инде. Нууу, үзе тәрбиясезлекнең ар ягында булган кешенең тәрбиясе ни чама була инде? Шуны аңлый ала башлагач, Зифаның герое ни очен елатуын аңлый башларсың.


№23 (860552) / 23.11.2013 18:08:29

Хахаха!!!!! Син корт кына икэнсен шул!
яхшы язганны гына укыйлар димэкче буласынмы?
Партия кушканчы тэрбиялэу туырнда суз бармый мондый!
Гомумэн,ТЭРБИЯ турында суз бара!
Китап укучы очен нидер бирергэ тиеш!
Поты бер тиен мина,елатып та кунелдэ кала алмаган геройлар! Ул Зифаның герое ни очен елатуын да анлап булмый хәтта! Гамэллэре эшлэре бернинди логика буйсынмыйча, бары Зифа шулай теләгәнгә генэ язылган.

Халык тәрбиягә ничек кенә мохтаҗ әле корткаем! Сонгы еллардагы котларың очарлык хәлләр шуны күрсәтмиени?

№22 (860551) / 23.11.2013 17:52:38

"Җүнләп язылганны укучы бармы сон хәзер?"
"Зур хакка сатылучы Зифалар"

Шушы ике цитата үзе генә дә кемнең яхшырак язуын күрсәтә түгелме соң?

Так, еще. "бүгенге татар язучысы нинди укучы өчен язарга тиеш соң?" укый торган Укучы өчен. Зур хак булса да катап сатып ала торган укучы өчен. Привыкли, партия кушканча тәрбияләргә. Халык тәрбиягә мохиаҗ түгел ул. Күпме күкләргә чөйсәгез дә, үзенә юк акылны сатучы түгел, УКУЧЫ өчен язучы укылачак.

№21 (860550) / 23.11.2013 17:50:41

нишләп әле ниндидер Исхакый укылырга тиеш. )))
Әгәр дә без, сәбәп чыккан саен анын инкыйразын искә алабыз икән,татар очен укылырга тиешле китап шул тугелме сон)))))????
Укылмый, ә искә алабыз???Анын китаплары кайта-кайта уйландыра торган бит,беренче биттән үк күңелеңне биләп алмаса да!
Э бүгенге сабын язучылардан ни килгән? Укыганда кемнэрдер кызганыч,күздән яшь тә агыза,тик манкаңны сөртү белән ул геройлардан күнелдә берни дә калмый!
Ә Кәримуллинга килгәндә,аның галимлеген миңа үзең ачтың,дип уйлыйсынмы?
Фәнни хезмәтләрне бөтен кеше аңламаска да мөмкин,тик анысы икенче нәрсә.
Андый китаплар электэн үк аз тираж белән, басыла иде. Ул китапларнын таралып бетмәве,татарның үз тарихы белән кызыксынудан туктауда яисә галимнәрнең бер-берсен укымавында.

№20 (860547) / 23.11.2013 17:31:43

Торып-торып исем китә, нишләп әле ниндидер Исхакый укылырга тиеш. Үз заманының "бөеге" ул вакытта да укылмаган, киләсе буыннар укыячак дип йөргән. хәзер дә укылмый. Әбрар Гыйбадулла улы Кәримуллин турында икән сүзең, ул бит ӘДИП түгел, ГАЛИМ!!! Фәнни хезмәт белән әдәби әсәрне бутаучы китап турында сөйли икән, шул гонарардан артык нәрсәне белмәүче икәне керпегә дә билгеле инде.

№19 (860540) / 23.11.2013 17:04:36

Җүнләп язылганны укучы бармы сон хәзер?
Исхакый белән Кәримуллиннар укылмау шуны күрсәтә түгелме?
Зур хакка сатылучы Зифалар Исхакыйларны кысрыклый башлагач,бүгенге татар язучысы нинди укучы өчен язарга тиеш соң?

№18 (860534) / 23.11.2013 16:53:15

Шул-шул менә, үзең дә беләсең икән, Мәрьям!))))

№17 (860523) / 23.11.2013 15:55:28

Да, Лира, җыен акый тукый язмаларны аңлап бәяли белмим - үсеп җитмәгәнмен әле!
Аларны әсәр дип әйтергә телем әйләнми - мин зәвыксыз!
И язган сүз боткаңны да разбирать итеп бетерергә башым җитми - Аңгыра!
Сөйләшеп торма минем белән. Үзең кебек БӨЕКләр белән аралаш!
Бик авыр булыр инде дә... ничава, түзәрмен. Мин һавалы бит - пофик миңа!

№16 (860520) / 23.11.2013 13:55:08

Теге егеТ №11 "Аларның гонорарларын да әйтим инде, ташка үлчим генә!" Хакны товарның кирәклеге билгели. Значит, кирәксез товар. З. Кадыйрова китабын хакына карап тормыйлар, алалар бит. Язу эше белән тамак туйдыра алмыйсың икән, ЯХШЫРАК үзең эшли ала торган эш белән шөгеллән. Буш вакытыңда язарсың. Прокурор Г.Бәширов җаны кушканга язып, үлмәс әсәрләр иҗат иткән бит. Мин профессиональ дип йөрүче яштәшләреннән кемнәр генә билгеле? Юк исә, аның чорында да, төрле "бөек"ләр күп булган.
килешеп №12 (860372) / 22.11.2013 08:11:16 язганнар дөп-дөрес!!!

№15 (860519) / 23.11.2013 13:37:58

Рөстәм әфәнде! "Идел" №10 һәм 11 дә синең белән минем өчен яхшы "азык" бар.Карап чык әле! Мин үзем өчен шактый гыйбрәт таптым. Сезнең дә фикерне ишетәсе килә.Әйдә,берәр гәҗиттәме бу турыда үзебезнең сүзне әйтеп карыйк?! Сез ничек уйлыйсыз?

№14 (860518) / 23.11.2013 13:19:17

Рөстәм Зарипов бу йөзлеккә керми,юкса,99га гына калырлар иде.Чөнки "Бердәнбер"е дә урланган.

№13 (860477) / 22.11.2013 21:42:19

килешеп!
Шул 300 язучының кемнәр икәнен башта анализ яса. Шуннан соң фикереңне төзәтебрәк язарсың. Сиңа уйланулар өчен шуны искә төшерәм, шуларның өчтән икесе пенсия яшен узды инде. Актив язучылар 100гә кала. Дәлше үзең суубраҗай, син, татар китабын яклаучы бәндә!!!
http://rustemzaripov.blogspot.ru/2012/12/1.html

№12 (860372) / 22.11.2013 08:11:16

бетеп булмый синең белән,Теге егеТ. җүнләп яза белмәгән язучыларның,базар көнне, кирәкләре бер тиен.

татар китабының киләчәген,татар язучылары,төгәлерәк,язучылар союзы кайгыртырга тиеш!!!
бүген һәр кеше яшәү өчен көрәшкәндә,нигә язучылар әзергә-бәзер булып утырырга тиешләр?
китабыңны яз,сат,акчасына яшә. сатылмаса инде уйлан, нишләп сатылмый? эшләп ашар вакыт җитте...

татар китабы бетсә - сез гаепле!!!

№11 (860302) / 21.11.2013 17:49:49

Язучылар кирәкле кешеләр. Бөтен Татарстанга 300 язучы бар. Бу бик аз. Чукымагыз шуларны, зинһар! Аларның гонорарларын да әйтим инде, ташка үлчим генә!

№10 (860300) / 21.11.2013 17:35:22

Мәрьям, син үзеңне генә бөтен яктан килгән, талантлы дип санап һаваланасың, күрәм. Ләкин әдәбиятны тар кысаларга салып фикерләгәнгә күрә, син аны киңрәк масштабта күзалларга әле үсеп җитмәгән. Шуңа күрә сүзләреңә аерым әһәмият бирмәбез.

№9 (860297) / 21.11.2013 17:27:33

интернет хэзер ботен матбугатны алыштыра.

№8 (860296) / 21.11.2013 17:25:34

Путин назвал цифровые технологии причиной отказа от чтения
http://news.rambler.ru/22305429/

№7 (860286) / 21.11.2013 15:30:18

Да... Эдэбият турында мондый фикерлэр булгач барып чыктык дигэн суз...

№6 (860271) / 21.11.2013 14:15:20

Сайтка куйганнар бит, чәйнәсеннәр. Чәйнәлерлеге бар икән, димәк, игътибарга лаек дигән сүз. Халык арасында каршылыклы фикер тудыра алган әсәр иң яхшы әсәр дигән сүз. Графоманнар, рифмоплетларның күп булуы тагын да яхшырак. Ул халыкның аң ягыннан югары стадиядә торуы турында сөйли. Хәленнән килгән һәрбер кеше иҗат итсен, яңадан-яңа иҗат төрләрен, җанр формаларын, ритмик буыннар ачсын. * хаклы: " халыкның зәвыгын бетерә дә алмыйсың, арттыра да алмыйсың, ничек бар, ул шулай бар".

№5 (860268) / 21.11.2013 13:58:42

халыкта китап кайгысы беткэнгэ эллэ кайчан инде,буген уянып нэтижэ ясыйлар имеш!
Укымаунын сэбэбе талантка гына бэйлэнмэгэн!
Эллэ ин куп укучы илдэ,ин талантлылар гына басылганмы?
юк элбэттэ!
Сэбэбе- кешедэ ышаныч бету!

№4 (860262) / 21.11.2013 12:11:10

Ичмасам шундый ил белән кайгы кичергән вакытта булса да авызыгызны ябып торыгыз инде!Нинди ул бертуктаусыз чүбек чәйнәү!

№3 (860261) / 21.11.2013 12:06:04

Шигырь!!!, Cин укрык шигырь яз башта. Конкурентлар тәнкитләп кенә чын шагыйрҗләрнең иҗаты булмый инде ул Халыкны зәвекын бетерә дә алмыйсың, арттыра да алмыйсың, ничек бар, ул шулай бар. Бер көтү "профессионал"ның бер-берсен макташу өчен язган чүпләре пэзия үрнәге түгел, кешенең укыйсы килеп укыган поэзия үрнәге була.

№2 (860259) / 21.11.2013 11:52:05

Халык китаптан бизде.Сайтларда өчле-тугызлы язган графоманнар шигырҗ укудан биздерә.Чын шагыйрҗләрнең иҗатын да укыйсы килми башлар,алга таба да сайтларны чүп белән тутырсалар.Халыкның зәвыгын такмакчылар бетерә.

№1 (860252) / 21.11.2013 00:01:48

Ул "подвалга" төшкән саен кәефем югалып, өметем өзелеп менәм мин...
Җырчылар даирәсен, эстраданы сүгү модада инде хәзер, но татар әдәбияте белән татар эстрадасының аермасы нәрсәдә соң? Анда да монда да тулы зәвыкъсызлык, чүп әсәрләр, примитив темалар, талантсыз авторлар (башкаручылар)...
Ә ул подвалда, язучылар, җырчылар турындагы истәлекләрдән и күүүүп санлы кызыксыз шигырь китапларыннан башка бернәрсә дә юк!
Кызыксыз дип тутырып әйтәм, чөнки таныш түгел шагыйрьнең китабын алганда барыбер урта бер җиреннән ачып бер-ике шигырен булса да укып карыйсың - но юк анда җүнле әйбер! Ә анда булганнары миндә бар уже...
Ул распродажадан мин дә алдым бер ике әйбер... Гаяз Исхакый томнарын распродажага куйгач, калган классикларны да куймаслар микән дип өметләнеп йөрим үзе...

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
Милли Музей
Фирдүс Тямаев
Шаян
Татаркино
Ханский дом
Балмай
Раяз Фасихов
MINBAR