• 30.08 "Болгар радиосы" бәйрәм концерты. Пирамида. 18:00
  • 29.09 Лилия Муллагалиеваның "Мин" концерты. Пирамида. 17:00
  • 30.10 ШТК югары лигасы. Уникс. 19:00
Туган көннәр
  • 20 Август Гази Заһитов (1921-1953)
  • 20 Август Ринат Нуруллин
  • 20 Август Рәшит Абдуллин (1951-2004)
  • 20 Август Альберт Исмаил
  • 20 Август Равил Вәли
  • 20 Август Наил Зыятдинов
  • 21 Август Ләлә Миңнуллина
  • 21 Август Харрас Әюпов (1946-2008)
  • 21 Август Фәнис Кәлимуллин
  • 22 Август Энҗе Басыйрова
  • Сдаю 1ком квартиру в Авиастроительном районе, 47 кв.м., с мебелью и техникой. Очень удобное расположение, рядом метро, магазины, школа, дет.сад. 16000 все включено. 89274271211
  • Корбанга сарык, халяль бройлер. 89270460272, 89274571977
  • Ямашев 25 адресы буенча моселман гаилэсенэ 2 булмэле фатир озак вакытка тубэн бэягэ арендага бирелэ. собственник. 89869175115
  • Чуйкова урамында бер булмэле тулай торак эзлим, примерно 4000-5000гэ, узем генэ керэм, 89991695025
  • Натяжной потолок урнаштырабыз. Килеп улчэу хэм консультация бушлай. Шулай ук электоромонтаж эшләре башкарабыз. КАЗАН. 89046768348
  • Песок, щебень, чернозём, торф, навоз.+79274286667 Айрат. Актаныш
  • Русча рәсми текстларны татар теленә тәрҗемә итәм. Тел. 89033446774, Гүзәл.
  • 2ая Азинская урамында 2 булмэле фатир арендага бирелэ. Академия правосудияга якын. ( т. 89172873213)
  • Казан хэм Татарстан буенча грузоперевозка. тел.89377752225
  • Совет районында барлык уңайлыклары булган 2 бүлмәле фатир озак вакытка арендага бирелә. Собственник 8-98-72-976-453

 

 

 
Архив
 

13.07.2013 Мәгариф

Русия тарих җәмгыяте Татарстан бүлеген ачмакчы

Галимнәр арасында бу бүлек Мәскәү сәясәтен үткәрү өчен һәм тарихны язганда юнәлеш биреп торучы оешма буларак оештырылмый микән дип шик белдерүчеләр дә бар.

Русия думасы рәисе Сергей Нарышкин (ул Русия тарих җәмгыяте башлыгы) җитәкчелегендә бер төркем галимнәр 16-17 июль көннәрендә Казанда булачак. Алар арасында Русия фәннәр академиясенең Этнология һәм антропология институты директоры Валерий Тишков, Гомум тарих институты җитәкчесе Александр Чубарьян, Русия тарихы институты мөдире Юрий Петров, Археология институты директоры Николай Макаров та булачак.

Русия тарих җәмгыяте бүлеген оештыру җыелышында Татарстан ягыннан дәүләт киңәшчесе Миңтимер Шәймиев, дәүләт шурасы рәисе Фәрит Мөхәммәтшин, КФУ ректоры Илшат Гафуров, университетның Тарих институтыннан Рамил Хәйретдинов һәм КФУның башка институтларыннан вәкилләр катнашачагы әйтелә.

Азатлык бу бүлекнең кем теләге белән оештырылуын, аның эшчәнлеге нидән гыйбарәт булуны белү өчен Рамил Хәйретдинов белән элемтәгә керде. Ул пәнҗешәмбе: "Иртәгә шалтыратыгыз, бөтен документлар да алдымда булачак", дип белдерде. Инде җомга көнне билгеләнгән вакытта телефонын алмады.

Татарстан фәннәр академиясенең Тарих институты җитәкчесе Рафаил Хәкимов исемлеккә кертелмәгән һәм аңа бу киңәшмәнең үтәчәге турында хәбәр итмәгәннәр. Ул әлеге җәмгыятькә әллә ни зур өметләр багламый.

"Җәмгыятьләр күп бит алар, монысының мәгънәсе инде нәрсә икән? Русиядә зурлап оештырсалар да бу тарих җәмгыяте бүгенге көнгә кадәр үзен әллә ни күрсәтә алмады. Мин тарихчы буларак, аңа каршы була алмыйм, булып торсын ул, әмма андый җәмгыятьләрне күп күрдем, үземнең дә катнашканым бар, шуңа күрә өметләр багламыйм", ди Хәкимов.

Русия тарих җәмгыяте 1866 елда оеша һәм октябрь инкыйлабына кадәр эшли. Ул вакытта аның максаты рус тарихына караган документларны, мәгълүматны җыю, эшкәртү һәм тарату була.

2011 елның июль ахырында ул вакыттагы президент Дмитрий Медведев тарихчы галимнәр белән очрашып, Русия тарихына караган күренекле даталар турында сөйләшкәндә, әлеге җәмгыятен яңадан торгызу турында да сүз күтәрелә. Владимир Путин президент булып алгач аны булдыру эшләре зур тизлек белән башланып китә. 2012 елның май аенда оештыру җыелышы үтә, җәмгыятьнең рәисе итеп Нарышкин сайлана.

Соңгы вакытта Русиянең төп җирле халыклары мәнфәгатьләрен канәгатьләндерүгә, аерым алганда, аларның телләре үсешенә киртә салучы мәгариф кануны кабул иткән дума рәисе Нарышкин бу җәмгыятьне оештырган вакытта тарихның вакыйгалар чылбыры гына түгел, ә “хәзерге сәясәтнең әһәмияткә ия өлеше” дип белдергән иде.

Җәмгыять Русия фәннәр академиясенең тарих-филология бүлегенә карый. Бу бүлек сайтының җәмгыятькә багышланган битендә аның максатлары да күрсәтелә. “Ватан һәм дөнья тарихын объектив өйрәнү, яктырту һәм таныту нигезендә гомумрусия тарихи мәдәниятен булдыру өчен җәмгыятьнең, дәүләтнең, галимнәрнең, иҗат хезмәткәрләренең һәм тарихны яратучыларның тырышлыкларын берләштерү, тарихи хәтерне саклау”, дип әйтелә.

Тарихчы галим Дамир Исхаков фикеренчә, әлеге җәмгыятьнең Татарстанда бүлеген оештыру Мәскәү алып барган сәясәткә генә туры килгән тарихны күтәрү өчен, тарих язганда юнәлеш биреп торучы оешма буларак та эшләнергә мөмкин.

“Хәзер менә бердәм тарих дәреслеге төзү процессы бара, бу оешма да фикерләрне контроль астына алу өчен кулланылачак. Мин Нарышкин артыннан шунда ук чапмас идем. Бу федераль структураның бер өлеше генә һәм ул татар тарихына бернинди файда да китермәячәк. Татарстан ягыннан оештыручылар төркемендә Рамил Хәйретдинов булгач, бу оешма Мәскәү структурасыныкы булып чыга. Миңтимер Шәймиевнең катнашуыннан гына хәл берничек тә үзгәрмәячәк. Әгәр Татарстан фәннәр академиясе галимнәре, Тарих институты директоры Рафаил Хәкимов катнашса башка төрлерәк булыр иде”, ди Исхаков.

Аның фикеренчә, Татарстанның үзенең Мәскәү белән бәйләнештә булмаган тарих җәмгыяте булырга тиеш.

“Әгәр Татарстан фәннәр академиясе сакланса, мондый оешманы без үзебез дә төзи алабыз. Аның өчен сәяси ихтыяр кирәк булачак. Минемчә, мондый оешма безнең үзебезнеке аерым булырга тиеш. Аны тарихыбызны һәм төбәк тарихларын өйрәнү җәмгыяте буларак эшләп булыр иде. Ул вакытта бу оешма тирәсендә читтә яшәгән татар тарихын өйрәнгән галимнәрне һәм төбәкләрнең тарихларын өйрәнүче шәхесләрне дә тупларга мөмкин”, ди Исхаков.  

Наил АЛАН
Азатлык
№ | 12.07.2013
Азатлык печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Себерке
Өмет
Диләфрүз
Татарстан Язучылар берлеге
comments powered by HyperComments