|
|
Бүген кемнәр туган
|
|
Архив
|
08.02.2013 Җәмгыять
Түбән Новгородта "Татарча Яңа ел" кичәсе эшлекле уздыНижгар татарларының милли-мәдәни автономиясе Түбән Новгородта «Татарча Яңа ел» кичәсе оештырды. Мондый кичәләр «Шатлык» клубы тарафыннан ел саен оештырыла. Гадәттәгечә, очрашу җылы мөнәсәбәттә үтте. Быелгысында башка милли-мәдәни автономия вәкилләре дә катнашты. Әлеге чараның тагын бер мөһим әһәмияткә ия булган вакыйгасы – бәйрәм табыны артына җыелган якташ-милләттәшләребез, кунакка килгән дин-кардәшләребез өлкә хөкүмәтебезнең эчке эшләр сәясәте министры белән дә җылы аралаштылар. Сезгә кайбер катнашучыларның бәйрәм турында фикерләрен тәкъдим итәбез: Ольга ШУМАКОВА, Түбән Новгород өлкәсе эчке сәясәт министр-лыгының җәмгыять эшләре буенча идарә җитәкчесе: - Бер дингә табынган, әмма төрле милләт вәкилләренең бер табын артында Яңа елны бергәләп каршылау – тарихи вакыйга. Бәйрәм рухы бигрәк ошады. Милли көйләр, төрле сәнгать осталары чыгышлары күңелемә хуш килде."Татарча Яңа ел» - милләтләрне берләштерүдә зур адым. Һәм моның өчен татарларның автономиясенә аерым рәхмәт. Гаяз ЗАКИРОВ, Нижгар татарларының милли-мәдәни автономиясе рәисе: - Әйтергә кирәк, бу кичәләрне уздыру бездә яхшы гадәткә керде. Быел Урта Азия һәм Кавказ диаспоралары вәкилләренең катнашуы, эчке сәясәт министры Анатолий Мигуновның килүе кичәбезгә ямь өстәде. Анатолий Александрович үзенең чыгышында шундый бәйрәмнәрнең оештырылуы бик мөһим роль уйный, дип белдерде. Ул ачыктан-ачык безнең белән дә аралашты. Милләтара мөнәсәбәтләрне ныгытуда яңа министр үзенең сәясәтендә милләтләрнең үзенчәлекләрен исәпкә алыр, дип ышанасы килә. Рамил САЛИХҖАНОВ, Спас районы башлыгы урынбасары: - Бу чарада күп кунаклар белән аралаштым, фикер алыштым. Минемчә, барысы да канәгать. Чөнки оештыручылар дуслык, җыйнаклык атмосферасын булдыра алганнар. Бәйрәмгә төрле һөнәр ияләре, иҗтимагый оешма эшлеклеләре җыелган иде. Алар арасында кызыклы әңгәмәләр туды. Өлкә хакимияте вәкилләренең игътибары, катнашуы кичәгә дәрәҗә өстәде. Үземнең исемемнән шундый кичәләрне оештыручы Рәзилә ханым Ахмадуллинага ихлас күңелдән олы рәхмәтләремне белдерәм. Кичә аукцион белән тәмамланды. Аны уздыруда Р.Абдуллин, Ш.Нуриманов, З.Зайров, К.Иксанов, Р.Салихҗанов, Р. Исаков кебек милләтпәрвәр якташларыбыз аеруча активлык күрсәтте.Җыелган акчалар Диния нәзарәте каршындагы Хәйрия бүлеге җитәкчесе Зөһрә ханым Идрисовага тапшырылды. Алар ничек, нинди максатларга кулланылды, газетабызның киләсе саннарында укырсыз.
И. САДЕКОВ |
Иң күп укылган
|