поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
16.01.2013 Мәдәният

“Җырлыйк әле” үзгәрә

Татарстанны иңләп-буйлап талантларны эзли һәм халыкка таныта торган “Җырлыйк әле” тапшыруы җитди үзгәрешләр кичерә. Ул хәзер бәйге форматында эшли башлаячак. Тапшыру ни өчен кыйбласын үзгәртә? Ул тагын нинди яңалыкларга баеган? Бу хакта “Җырлыйк әле” проектының авторы Нәҗип Бәдретдинов менә ниләр сөйләде:

– Барлык тапшырулар кебек үк “Җырлыйк әле” дә үзгәрә, бу исә – ул бер урында таптанмый дигән сүз. Берен­чедән, тапшыруның йөзе –алып баручылар алмашынды. Икенчедән, бизәлеш үзгәрде. Ул хәзер элегрәк паркларда булган кабырчык сыман ясалган сәхнәне хәтерләтә. Шулай ук җырларга әзерләнгән видеосюжетны карар өчен экран да эленде. Билгеле, режиссерларга эш өстәлде. Аларга һәр җырга туры килә торган видео әзерләргә кирәк. Әлегә бу өлкәдә камил­ләштек дип әй­теп булмый. Видеосюжетлар базасы булдыру исә көнүзәк мәсьәләгә әйләнде. Бу проблемалар хәл ителмәслек түгел, киләчәктә тапшыру тышкы бизәлеш һәм техник яктан тагын да камил­ләшер әле. Шулай ук мине эчтәлекне яңарту ягы да борчыды. Мәсьәләнең чишелешен таптык та кебек. Җитәк­челек бе­лән берлектә Яңа елдан тапшыруны үзеш­чән башкаручы­ларның телевизион конкурсы итеп игълан итәргә булдык.

– Аның асылы нидән гыйбарәт булачак? Безнең “Татар моңы” дигән телевизион конкурс бар бит инде, ул аны кабатламасмы?

– Конкурсантлар исемле­генә күз салсак, барысы да аңла­шы­лыр. Бәйгедә яшьләре буенча өч төркем катнаша. Беренчесе 7 яшьтән 17 яшькә кадәр­геләр арасында бара. Аңла­шыла ки, болар – мәктәп укучылары. Икенче төркемгә – ве­тераннар, ә өченче төр­кемгә урта буын вәкилләре, ягъни 30-60 яшьлек җыр сөючеләр керә. Ни өчен катнашучылар арасында 17дән 30га кадәр булганнар төшеп калды дип сорасагыз, алар өчен нәкъ менә сез искәрткән “Татар моңы” һәм башка күп кенә конкурслар каралган. Тапшыру җыр­чылар белән генә чикләнми, ул халык музыка уен коралларында оста башкаручыларны да эзли. Бүген алар бик аз калып бара. Булганнарын, ачыклап, халыкка күрсәтәсе иде. Бу җәһәттән Яңа ел көннә­рендә берничә тапшыру әзерләргә дә өл­гердек. Анда Әтнә һәм Мамадыш районы үзешчәннәре кат­нашты һәм шушы ике районның осталары аерым тапшыруда кара-каршы җыр­лады.

– Димәк, “Җырлыйк әле” бәйгесе берничә этаптан торачак?

– Нәкъ шулай. Беренче этап районда уза. Анда мә­дәният бүлеге җитәкчеләре белән берлектә сайлап алу туры үткәрәбез. Бу турдан үткәннәр белән районның талантларын тәкъдим итүгә багышланган тапшыру әзер­ләнә. Аннан жюри алдагы этапка чыгучыларны сайлап ала. Әйтик, беренче тапшыруда Әтнәдән 15 кеше катнашса, икенче тапшыруга аннан 6 кеше сайлап алынды, Мамадыш үзешчәннәре дә шушы ук юлны үтте. Өченче, ягъни кара-каршы җырлау этабы телевизор караучыларга билгеле бер җирлектә мәдәниятнең торышын бәя­ләргә дә мөмкинлек бирә. Ул шунысы белән кызыклы да. Соңгы турда иң яхшы җыр­­чылар белән бергә эс­трада сәхнәсендә гала концерт үтәр дип уйлыйм.

– Бәйге нинди вакытка исәпләнгән?

– Мин бер елдан да ким булмас дип уйлыйм. Чөнки Татарстанда дүрт дистәдән артык район бар. Һәрбер­сендә талантлар һич югы ике дистәгә җыелыр. Аннан район белән район ярышыр. Нә­тиҗә 2014 ел башында ясалыр дип планлаштырып торабыз. Шунысын да ис­кәртик әле: бу бәйге талантларны ачыклау йөзеннән генә үткә­релми. Ул барыннан да бигрәк хезмәт кешесенең күңелен күрер өчен оештырыла. Чөнки җырлый белгән кеше өчен хис-кичерешләре белән зур сәхнәләрдә уртак­лашу – зур бәхет. Тапшыру гади кешегә, авыл кешесенә шундый шартлар тудыра да. Аңа миллионлаган тамашачы алдында осталыгын күрсәтү җае чыга.

– Бәйгенең шартларын тагын да ачыклап китик әле. Катнашучылар нинди җыр­лар башкарырга тиеш? Эч­тә­лекне халык җырлары гы­на тәшкил итәчәкме, әллә заманча җырларны да алырга ярыймы?

– Тапшыруның төп максаты – халык җырларын һәм элегрәк популяр булган, әмма бүген онытылып барган ретро җырларны яңадан ха­лыкның исенә төшерү. Ретро җыр­ларга мин сиксәненче елларга кадәр иҗат ителгән әсәр­ләрне кертәм. Аларның текстлары чын шигърият үр­нәге бул­са, көйләре татар халкы тради­цияләренә нигез­ләнеп иҗат ителгән. Шуңа күрә алар­ның кайберләре бүген дә яши. Әмма күбесе яңгырамый. Әле күптән түгел Мамадыш үзеш­чәннәре “Кыр казлары киткән­дә” (Р. Гәрәй сүзләре, Ә.Бакиров көе) җырын башкарды. Ул 12 яшьлек тапшыруда беренче тапкыр яңгырады. Югыйсә нинди матур һәм заманында бик тә танылган җыр иде. Ә шундый тирән мәгънәле һәм онытылган җырлар шактый безнең. Халык җырлары исә – безнең ядкәрләребез, үткәне­без, тарихыбыз. Аларны көн саен җырлатып торсаң да артык булмас иде. Бу җәһәттән мисалга башкорт телевидениесен китерергә була. Башкорт дәүләт телевиде­ниесен­дә халык иҗатына бик зур игътибар бирелә.

– Талантларга бәя би­рүче жюри турында бер­ничә сүз.

– Жюри рәисе Татар­стан­ның һәм Россиянең атказанган сәнгать эшлеклесе Мәсгут Имашев була. Әмма төп сүзне барыбер тамашачы әйтәчәк. Өченче этапта ике район ка­ра-каршы ярышканда җиңү­челәр смс тавыш бирү юлы белән ачыкланачак. Кайчан һәм нинди номер белән тавыш бирү турында алдан хәбәр ителәчәк.


Гөлинә ГЫЙМАДОВА
Ватаным Татарстан
№ 7 | 16.01.2013
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»