|
|
Бүген кемнәр туган
|
|
Архив
|
05.01.2013 Мәдәният
“Татарча инженерлар” сынатмадыТүбән Новгород дәүләт инженер-экономика институның безнең Кнәген филиалында татар егет-кызлары күпләп укый һәм алар, гадәти буларак, укуда да, спортта да, җәмәгать эшендә дә һәрвакыт алдынгылар сафындагы иң актив студентлар. Менә күптән түгел генә “Битва хоров” дигән мәдәни чара уздырылды. Анда төрле факультетлардан хорлар катнашты. Безнең инженерлар факультетын "Татарча инженерлар” дип аталган татар егетләреннән торган хор лаеклы итеп күрсәтте. Хорның составында Марат Хөсәенов, Фердинанд Сәйфелмлюков, Марат Жамалов, Рөстәм Фатехов, Рамис Хәсәнов һәм Максим Скатов иде, барысы да Кызыл Октябрь һәм Сергач районнарыннан. Хорлар дүрт номинациядә – “Иң яхшы видеоролик”, “Иң яхшы башкаручы”, “Иң яхшы солист” һәм “Иң яхшы хор” номинацияләрендә ярыштылар.
Безнең татар егетләре матур, моңлы татар җырлары башкарулары белән ки-чәнең йөзек кашы булдылар. “Татарча инженерлар” беренче номинациядә беренче, ә калган өчесендә икенче урыннарны алдылар. Әмма, тамашачылар фикеренчә, “Иң яхшы хор” номинациясендә алар беренче урынга лаек иде һәм тамашачылар симпатиясе призы да “Татарча инженерлар”га тапшырылды. Бусы инде җиңүдән дә мөһимрәк булды.
Найлә ЖИҺАНШИНА |
Иң күп укылган
|