• 14.10 "XXI гасыр тавышы" аудиокитабының презентациясе. Калеб - Кариев театрында. 19.00
  • 15.10 Әнвәр Нургалиев. УНИКС. 18:30
  • 25.10-28.10 Ришат Төхвәтуллин. УНИКС. 18:30
  • 26.10-27.10 "Сәлам, Актәпи!" спектакле премьерасы. Кариев театры. 13.00 һәм 17.00
  • 11.11-12.11 "Казан" бию ансамбле концерты. Камал театры. 19.00
  • 23.11 "Тәртип"радиосының 5 яшьлегенә багышланган концерт. Филармония. 18:00
Туган көннәр
  • 14 Октябрь Раил Садриев
  • 14 Октябрь Ирек Хафизов
  • 14 Октябрь Фәнис Зыялы
  • 15 Октябрь Ландыш Харрасова
  • 15 Октябрь Мәгъсүм Насыйбуллин
  • 15 Октябрь Ришат Хаҗиәхмәтов
  • 15 Октябрь Зилә Вәлиева
  • 15 Октябрь Гөлсем Болгарская (1891-1968)
  • 15 Октябрь Әхмәт Юныс (1916-1976)
  • 16 Октябрь Марсель Әхмәдуллин
  • Тэртипле, начар гадэтлэре булмаган 1 кызга Гарифьянова урамындагы 2 булмэле фатирнын 1 булмэсен вакытлыча яшэп торырга бирэм. 8917 8738213 (ватсап)
  • 3 яклы карандаш бура 6 3 ле утын бэясеннэн бирэм арча районында бужа авылы 89869031182
  • Регпалата янында бер бүлмәгә кеше кертәм. 6 мең сум. 89172618276
  • Эш эзлим. Казан кызы. Югары белемем бар. 89625485476 Лэйсэн. Секретарь, офис эшлэрен белэм. Начар гадэтлэрем юк.
  • Казанда квартира эзлибез снимать итергэ,без чшь парлар,икебез дэ эшлибез,вакытында тулибез Ноябрь башында кучергэ карыйбыз,на долгий срок Предложениялар булса ватсапка языгыз!! Риелторлар зинхар шалтыратмагыз!!!! 89063243260
  • Казанда Проспект Победа 139 Жк Победада ике булмэле квартира озак вакытка арендага бирелэ.89375724787
  • Озак вакытка бер булмэлэе фатир сдавать итэм. Казан шэхэре, Карбышева урамы. Барлык унайлыклар да бар (суыткыч, кер юуу машинасы). Якында гына остановка, ТЦ "Горки Парк", метро. Бэясе: аена 16 мен (квартплата кергэн). Телефон: 89276778632 (Watsup).
  • Угез итенэ клиентлар эзлим. ботлата сатабыз. 280,290 сум кг.китереп биру момкинлеге дэ бар. 89520347319
  • Нурлат шәһәрендә Западный(Көнбатыш яки Әфган) микрорайонында йорт сатыла. Бәясе 2 500 000 сум. Җир мәйданы 11 сутый. Йорт мәйданы 98кв метр. Мунча, сарай, теплица бар, индивидуальная канализация бар.Үзәк суүткәргеч, газ тоташтырылган. Бакчада кое 8м.лы, алмагачлар, груша-2. сливалар, кура җиләкләре, карлыганнар, облепихалар, җир җиләкләре бар. Йорт җиһазларыннан кухня гарнитура, караватлар кала. Кем шәһәр ыгы-зыгысыннан туйган-бу йорт шулар өчен.Шалтыратыгыз! Тел. 89179152168
  • Казан шэхэре ,Мавлютова ост.да общ.дэ булмэ сатам12кв.м керергэ дэ яшэргэ 750 000. реелторлар-зинхар борчымагыз! 89272469637

 

 

 
Архив
 

07.12.2012 Җәмгыять

Аккан сулар кире кайтмый (“Очраклыклар очраклымы?” рубрикасы)

Һич уйламассың язмыш синең белән берәр вакыт шаярып алыр, яки сынап карар дип. Кайчагында авыр хәлгә каласың, көтелмәгән шатлыклы вакыйгалар була, күктән бәхет ява дигәндәй... Шунда менә шулай килеп чыкса кайсы юнәлешкә каерылыр иде икән минем тормыш дип тә уйлап куясың...

...Төзелеш институтының архитектура факультетына керү имтиханнары тапшырып йөрим. Бик нык әзерләндем, әлбәттә. Рәсем ясауны булдырам анысы. Тәҗрибә бар. Мәктәптә укыганда да барлык бизәү эшләре миңа йөкләнә иде. Математикадан әлләни мактанырлык чамам юк югын, әмма укытучыбыз Вера Павловнаның безне интектерүе белемгә гаять файдалы нигез салгандыр дип уйлыйм. Татарча диктант язуны чүпкә дә санамыйбыз инде.

Менә математикадан имтихан бара. Мәсьәлә, мисалларны тиз генә чишеп, имтихан алучы япь-яшь кыз алдына иң беренчеләрдән булып килеп утырдым. Чибәр дә инде, нәгаләт. Миннән яшьрәк тә бугай. Кай арада югары белем алып, бездәй ломоносовларны сыный бит, әй. Институтлар ташлап, төзелештә эшләп йөрсәң, шулай була ул, Хәмзин. Менә яшь кызлар үзеңнән сынау алалар хәзер. Яңаклар уттай яна, колаклар кызыша. Тирли-пешә чибәркәйнең минем кәгазьдәге мәсәлә-мисалларны тикшерүен күзәтәм. Алай сызгаламый тагын, ялгышлар юк, күрәсең. Менә тотынды бу өстәмә сораулар бирергә. Логорифмнар, ди, интеграллар... Соңгысын гомумән ишеткән дә юк. Үтмәдек без аны мәктәптә, мин әйтәм. Шундый чибәр кыз сораулар яудырганда җавабын да тиз генә табып булмый бит әле аның. Тотлыгам гына, күз алларым томаланып китте. Томан артындагы әлеге кыз убырлы карчыкка да әверелә, сихерче сурәтләренә керә, аждаһа төсле дә күренә. Агулы сорауларын чәчеп бетергәч: «Дүртле!» — диде бу. Дүртле? Нишлим мин ул «дүртле» белән? Конкурстан үтмим бит. Димәк, армиягә. Шагом марш! Нишлисең, юри батырды инде бу мине, юри. Конкурс зур, кемнедер сызарга кирәк.

Хезмәт итеп кайтсам кайтам, әмма «бишле» куегыз инде дип ялынмаячакмын. Гарьлеген кая куярсың. Татарның башы иелми аның!..

Еллар үтте. Армия хезмәте дә артта калды. Сөйгән ярлар без кайтканчы безне көтмичә кияүгә чыгып беттеләр. Яңалары күренми. Әллә акылга ныграк утырганбыз, әллә тормышка аеграк, төплерәк карыйбыз. Өйләнергә уйлаган юк. Дуслар бер-бер артлы башлы-күзле булып беттеләр. Менә соңгысын өйләндерәм. Мин — шаһит егет. Инде күпмесендә бу вазифаны башкарганмындыр, санаган юк. Дустым Азат өйләнә. Булачак җәмәгате Хәдичә искиткеч сөйкемле, булган кеше. Каян табалар шундыйларны, миңа берәү дә очрамый. Шулай да Хәдичә колагыма киртләп, туйга үзенең менә дигән сердәше шаһит кыз булып киләчәген әйтеп куйды. Кара аны, ычкындырасы булма, ялгышырсың, дип тә өстәде. Ярый, килсен, китәр әле. Инде миңа өйдәгеләр дә күп кандидатуралар күрсәттеләр, күнегелгән.

Менә туйга җыелалар. Кемнәр генә юк. Барысы да бәхетлеләр, парлылар, мин генә дуадак ата каз кебек басып торам. Әле кызмаганмын. Кызсам, туктатып булмый тагын үземне. Баянны алып уйный да, җырлый да башлыйм. Дөресен генә әйткәндә, шуның өчен чакырылам да инде мин туйларга. Карыйм, Хәдичә, Азатыннан вакытлыча аерылып, минем янга бер кызны җитәкләп килә. Ерактан ук сүзен таныштырудан башлый.

— Менә бу — Алмаз, шаһит егет, безнең дустыбыз. Ә бу кыз — минем сердәшем, Төзүчеләр институтының яшь доценты — Галия, — ди.

Мин күземә күренәме, бу — өнемме-төшемме дигәндәй авызымны ачып әлеге Галиягә карап каттым.

Шул бит, шул, әйе... Теге вакытта имтиханда мине батырган кыз.

Хәдичә сүзен дәвам итте.

— Нәрсә өнсез калдың, башка вакытта бик кыю бит үзең, — дип, миңа гына күзен кысып, кызның сыйфатын баш бармагы белән бәяләп, Азаты янына йөгерде.

Мин каушаган килеш торам. Әйе, ул мине белми, хәтерендә калмаган. Минем кебекләр аның күз алдыннан йөзәрләп, меңәрләп үтәләр ич...

Ниһаять, Галия сүзен башлады.

— Хәдичә сезнең турыда миңа бик күп сөйләде. Төзүчеләр институтын тәмамлый алмыйча армиягә алынуыгыз турында да. Карагыз әле, нигә шунда миңа мөрәҗәгать итмәдегез. Мин бит еш кына керү имтиханнарын кабул итәм. Хәзер яңадан бездә укырга теләгегез юкмы? Мин барында сезгә уку бик җиңел булыр иде. Сезнең талантлы икәнлегегез йөзегездә үк чагыла. Сезнең кыяфәтегез зыялы, сез музыкант, сез шагыйрь, композитор — бу күркәм сыйфатларыгыз арасында архитекторлык юнәлеше аеруча калку күренә. Әйдәгез, бергә булыйк.

— Рәхмәт сезгә. Менә бит мине тормышта нинди бәхетле борылыш көтә икән. Сез иреклеме?

— Әйе. Гафу итегез, мин сезгә һич яшерми әйтә алам: инде бер мәртәбә ялгышлык белән кияүдә булдым. Яшьлек хатасы. Бер студентым белән яшәп карадым. Институтка керттем, укыттым, хәзер качты. Ә сез акыллы, һичшиксез акыллы.

— Шулай шул, инде миңа акыл керде. Әйдәгез, бүген ул турыда сүз кузгатмыйк. Бүген бәйрәм — дусларыбыз тантанасы. Биик, җырлыйк.

 

Ага сулар, ага сулар,

Ага сулар ник болай?

Аккан сулар кире кайтмый,

Яшь гомерләр дә шулай. 

Алмаз ХӘМЗИН
Казан утлары
№ 12 |
Казан утлары печать

Фикерләр

№19 (834594) / 31.03.2013 12:07:03

Хэмзиннен хатыны Галия булдымы инде,аааайй матур язма,эллэ нишлэп киттем,тэнемнэн рэхэтлек йогерде

№18 (824114) / 04.01.2013 14:49:12

Яшь Cэмюэл Клеменс (алга таба бао дөньяга Марк Твен исеме белән танылачак кеше) газета редакциясенә репортер булып эшкә урнашкач:
-Газетада фактлар, яки документлар белән исбатланмаган бер генә җөмлә дә булырга тиеш түгел. Әгәр, фактлар, яки документлар белән исбатлый алмыйсың икән, кемгә дә булса сылтама ясагыз, бер нәрсәне дә турыдан-туры үз сүзегез белән әйтмәгез, берәр ни була калса, судка бирү мөмкинлеге булмасын,- дип колагын киртли редактор.
Клеменсның иң беренче репортажы менә болай була:
" Күпләр фикере буенча, җәмгыяттә күрнекле урын тотучы, үзе әйтүенә караганда, миссис Джоунс исемле ниндидер хатын, кичәгенәк югары катлау хатын-кызлары өчен кичә үткәрде. Кичә үткәрүче хатын, үзен күрнекле яклаучының хатыны дип әйтә"

Ә бездәге язу-сызу белән шөгелләнүчеләр, узган гасырның 70 елларындагыча: "без 4 нче әкимият, ни әйтәбез, шул дөрес итеп кабул ителергә тиеш. Чын дөреслекне берничә кеше белә икән, куркыныч түгел, аны бит киң җәмәгатьчелеккә бездән башкалар җиткерә алмый,"- дип уйлап, ялганны сибә генә, ИНТЕРНЕТ дигән нәрсә барын онта, яки аны күпләр кулланмый дип уйлый. Интернетны сирәк куллана торган җирләрдә тарала торган газета-журналларга да, итәк-җиңнәрен җыештырырга кирәк, тагы 2-3 елдан, интернет үтеп кермәгән урын калмастыр мөгәен.

№17 (824112) / 04.01.2013 12:46:16

Менә шушындый, башкаларны дуракка санучы (бер дүртле аркасында КИСИгә керә алмаган имеш. Әле кайсы факультетка диген? Архитектурага кергәндә, рәсем ясый белсәң, башкаларына толком внимание да обращать итмиләр бит) недоучлар http://www.matbugat.ru/news/?id=7166 битендәге ТАТАР ГОРУРЛЫГЫ булган кызларыбызга пычрак ыргытып утыралар.

№16 (822158) / 09.12.2012 21:13:28

Соры корт, күршем Рәхимәттәй, мәрхүмә, гөрнадыйр дип сөйли торганые гренадерны...

№15 (822124) / 09.12.2012 13:06:23

микән

"ач бет түгел микән" бик мөмкин, гадәттә. ач хәлсез кешеләр бетли бит...


№14 (822066) / 08.12.2012 16:19:09

Сүзлектә ач кернә дигәнне генә таптым - головная боль - дип тәрҗемә иткәннәр - ач бет түгел микән,ә,Сорыкорт

№13 (822065) / 08.12.2012 16:08:56
№12 (822063) / 08.12.2012 14:41:38

гернә дип, гадәттә арык (ябык) кешене атаганнар, гөрнә дигәне, мөгәен урыстан алынган гренадер дыр, таза, нык кешене атаганнар...

№11 (822062) / 08.12.2012 14:15:22

Нәрсә аңлата ул гернә,гөрнә дигән сүзләр?

№10 (822060) / 08.12.2012 13:51:19

суң

Татар халык сүзе: Ач гернә булганчы, тук гөрнә булуың яхшырак.
)))

№9 (822058) / 08.12.2012 13:05:42

Хәмзин "Казан утлары" дигән картлар йортына керде дә,сәхнәдән сөйләп йөргәннәрен журналга тутырамы тутыра ///

№8 (822053) / 08.12.2012 10:18:26

дөрес сукалыйсың соры,тамагың туйгач,нәрсәгә сиңа картиналар... сартир җиткән...

№7 (822027) / 07.12.2012 16:37:48

соң

)))Сантехник художникка караганда, кирәгерәк профессия инде анысы.))) Аннан, КИСИдә укып, анда сантехника факултеты барын белми идем, агартуыгызга рәхмәт инде.))) Бәлки ФИСиСне (факультет инженерных систем и сооружиний) шулай атый торгансыздыр? ))) Аңа конкурс һәр вакыт архитектура факультетына караганда зуррак булды.
Мактана дип уйлый күрмәгез, мин ФИСиСне түгел, СФ (строительный факультет) бетердем.)))

Мңа өч белгечлек кирәкми бит, төпле берәү дә җитә. Кай берәүләр кебек, бер профессиягә укып, аны булдыра алмыйча, теләсә кайда сугылып йөргәнче, яштән үк, үземә ныклап ошаганын сайладым инде. Ялгышлыкларны, яралгы хәлендә үк төзәттем.)))

№6 (822022) / 07.12.2012 14:33:19

Соры син бер-юлы 9 вузга кергән булыр идең, өчесен тәмамлаган булыр идең ул чакта, бәлки югары белемле сантехник та булган була алыр идең.

№5 (822021) / 07.12.2012 13:48:15

сиңа соры,архитектор факультетына диләр бит!

өч вузда укый алмадын? сантехника вузын тамамладың.
күренеп тора баш бит, баааш синең....
сантехника факултетына бүген дә недоборррр,соры.

№4 (822019) / 07.12.2012 12:44:01

Аллага шөкер, өч ВУЗга кердем, төзелеш институтын тәмамладым. Бер генә ВУЗ да да, бер дүртле, язмышны хәл итүен хәтерләмим. Без кергәндә (узган гасырның 70еллары азагы, 80еллар башы), КИСИгә керү өчен, 4 экзаменга 16,5-17 балдан артык кирәк булуы искә төшми...

№3 (822018) / 07.12.2012 11:58:47

Almazga, архитиктурныйга һәрвакыт конкурс зур булды,керү авыр иде,үзебез керә алмадык 7ел элек.

өлгереп җиткән икән бу катын еллар узгач. теге елда күрмәгән. хәзер күзе ачылган. егет тә сукыр түгел...

//Сезнең талантлы икәнлегегез йөзегездә үк чагыла. Сезнең кыяфәтегез зыялы, сез музыкант, сез шагыйрь, композитор — бу күркәм сыйфатларыгыз арасында архитекторлык юнәлеше аеруча калку күренә.//

№2 (822017) / 07.12.2012 11:39:16

Дүртле белән дә үтәлмәслек конкурс кайсы елны булды икән ул? Тем более архитектура факультетына. Анда бит рәсем ясый белүчеләрне, гел өчкә тапшырсалар да алалар иде бугай.
Рөстәм Зарипов, син анда укыган бугай, андый чакны хәтерлисеңме? Әллә калган бар экзаменнарың да өчле идеме?

№1 (822014) / 07.12.2012 09:40:12

язмыш бит,язмыш.
тормышта андый хәлләр күп була инде ул Алмаз. бар да хәерлегә булсын дип әйтә белми идек ул вакытта.
аңа карап тормышлар аллага шөкер бит. кем күбрәк югалкандыр әле...

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Шаян
Ханский дом
Татаркино