поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
21.11.2008 Милләт

ТИМАТИ – МИРГАЗИЯН ЮНЫСНЫҢ ЭНЕСЕНЕҢ ОНЫГЫ БУЛЫП ЧЫКТЫ

Русиянең гламур репперчысы Тимати Казанга концерт куярга килгәч, аны үлеп тыңлаган яшүсмерләр каршында чыгыш ясап: “Я – татарин! Я – ваш! Мои корни отсюда!” – дип кычкырып, тамашачыны кыздырып, тәмам исертеп бетергән иде. Тамырлары каян соң аның, чыннан да?!

“Фабрика звезд-4” телевизион проекты аша танылган җырчының чын исеме Тимур Юнысов. Шәт, монысы күпләргә билгеле. Мәскәү татары дип беләләр аны. Кемдер “Менә бу җырчы да татар бит!” дип тел шартлаткан булса да, үзенең татарлыгына Тиматиның әллә ни исе китми. Казанга килгәч кенә Татарстан яшьләрен эйфориягә кертүеннән ары китмәде татарлыгы. Матбугатта булган интервьюларында да ул Марат Бәшәров кебек милләте, дине турында сөйләми. Гаиләсе турында әйткәндә дә күбрәк әнисен, энесе Артемны искә ала. Әтисе турында сүз ычкындырганын абайлаганым булмады.

 

Баксаң, Тиматиның Казанда “Мои корни отсюда!” дип кычкыруында да дөреслек бар булып чыкты. Ул үзе Мәскәүдә туып, Лос-Анджелеста үскән бала, ә менә бабасы Баулы якларыннан. Төгәлрәк әйтсәң, Баулы районының Исәргәп авылында туып-үскән Вахит Юнысның оныгы булып чыга Тимоти. Ә Вахит Юныс танылган язучы, публицист Миргазиян абый Юнысның энесе. Димәк, Тимати Миргазиян абыйның энесенең оныгы булып чыга.

 

Вахит ага үзе дә әдәбият өлкәсендә шактый билгеле кеше, оста публицист иде. Мәскәүнең халыкара мөнәсәбәтләр буенча дәүләт институтын тәмамлап, 35 ел дәвамында СССРның Чит илләр белән икътисадый элемтәләр министрлыгында, Гыйрак, Мисыр, Сүрия, Әфганстан кебек шәрык илләрендә илчелекләрдә эшләгән кеше. Лаеклы ялга чыккач, иҗат белән шөгыльләнә. Татар сәнгате турында аналитик мәкаләләр, әдәби тәнкыйть язмалар авторы ул. Соңгы елларында татар авыллары буенча йөреп, халык җырларын һәм бәетләр җыйган. “6000 көн чит илләрдә” дигән китап язып калдырды. 2006 елда вафат була. Туган Исәргәп авылында җирләнгән.

 

– Без ишле гаиләдә үстек, – дип сөйли Миргазиян абый. – Вахит миннән өч яшькә кече иде. Безнең хатыннар да бертуган. Башта Вахит Зәйнәпкә өйләнде. Аннары мин Зәйнәпнең сеңлесе Рәйсә белән никахлаштым. Вахит белән Зәйнәп ике ул үстерделәр. Илдар һәм Фәрит. Безнең бер кызыбыз туды. Камилә дип исем бирдек. Бүген ул безне тәрбияләп карый.

 

Тимати – Илдарның өлкән улы. Кечесе – Артем. Тимур йөзе һәм холкы белән әнисе ягына охшаган. Ә Артем безнең якка тарткан, бик чибәр егет. Миңа охшаталар аны, холкы йомшак. Артем бүгенге көндә Женевада белем эсти.

 

Тимати – катнаш никах җимеше. Әтисе татар, әнисе – яһүдә. Җырлау сәләте дә әнисеннән. Ул пианистка булган.

 

Тиматины бүген яшь җырчылар арасында иң бае диләр. Үзенең төнге клубы, кибет челтәре бар, үз исеме маркасындагы киемнәр җитештерә, ресторан бизнесы белән шөгыльләнә. 25 яшенә күпкә өлгергән булып чыга егет. Үзенең интервьюларында бу казанышлар төбендә тырышып эшләү ята дип ышандыра ул. “Да я в “Макдональдсе” официантом пахал!” – дип сөйли җырчы. Моңа өстәп хип-хоп башкаручы спортинвентарь сатканын да, тиргә батып автоюгычларда машиналар юып йөргәнен дә искәртергә онытмый. Бу казанышлар артында әтисе Илдар Юнысов та тормый микән?

 

– Илдар бик акыллы, тырыш егет булды, – ди Миргазиян абый. – МДУны тәмамлады, берничә чит тел белә, шул исәптән гарәпчәне дә су урынына эчә. Сәләте аркасында зур-зур урыннарда эшләде. Ул БМО трибунасыннан чыгыш ясаган кеше. Тимурга да зур мөмкинлекләрне ул ачты.

 

Тиматиның балачагы Лос-Анджелеста узган, шунда хип-хопка гашыйк була да инде ул. Әтисе берничә тапкыр дөньяның иң мәртәбәле университетларына урнаштырып караган, ләкин улы ташлап киткән аларны. Дипломат булыр дип хыялланган әтисе, ә ул шоу-бизнесны сайлаган.

 

Миргазиян абый беренче биттә Тиматиның фоторәсеме урнашкан ялтыравыклы журналны күрсәтә. Тышлыкта Тиматиның сүзләре: “Я никогда не плачу за секс”.

 

– Йә, шундый сүз буламы инде?! – ди ул. – Тәненә әллә нәрсәләр төшереп бетергән. Кеше кыяфәте юк. Ничек диләр әле алар үзләрен?! Гламур дип атыйлар шикелле... Мин кешеләргә Тимати турында әйтмим, хәтта яшерәм дә... Ләкин белүчеләрнең балалары аңардан автограф алырга дип ялваралар. Каян күрим ди мин аны?!

 

Миргазиян абый Тиматига көлемсерәп, юмор белән карый. Барысын да яшьлек юләрлегенә  сылтый.

 

– Татар икәнен таныймы ул?

 

– Татарлыгын ташка үлчим! Татарлыгы түгел, иманы да юк бит аның! Аның урыс булуы да шул кадәр генә инде. Бәлки, соңыннан килер аңа ул хис. Казанда йөреп кайткач, “Я был на своей родине”, – дип әтисенә сөйләгән. Илдар бер әйткән иде. Тимур килгән дә: “Әти тизрәк урамга чык әле”, – дигән. Туган көненә машина бүләк иткәннәр үзенә, шуның белән мактанып, сөенече белән уртаклашасы килгән. Нинди машина булгандыр инде ул, белмим, ләкин Русиядә андый маркалы машина нибары икәү генә икән. Берсендә Тимати йөри. Үзенә шундый тормыштан тәм табып йөри, нәрсә дип әйтим инде?!

 

Тимати белән Миргазиян абый аралашмыйлар. Җырчының әти-әнисе аерылышкан булса да, атасы белән мөнәсәбәтләрен югалтмый, араларын суытмый. Илдарның башка гаиләсе, Анастасия һәм Анна исемле ике кызы бар икән. Кечесе Миргазиян абыйның әтисе Закир бабайга охшаган. Икесе дә акыллы, тәртипле дип соклана алар белән язучы.

 

– Илдар күбрәк чит илдә яши, – ди Миргазиян абый. – Ләкин ел саен Мәскәүгә кайтып, хатыны Ирина белән минем туган көнне зурлап уздыралар. Вахитның малайларын үз улларым урынына күрәм. Фәрит тә бик нечкә күңелле, мөлаем. Кызганыч, икесе дә бәхетләрен татар кызлары белән таба алмады.

 


Римма БИКМӨХӘММӘТОВА
Ирек мәйданы
№ 21 | 21.11.2008
Ирек мәйданы печать

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»