|
|
Бүген кемнәр туган
|
|
Архив
|
16.10.2012 Мәдәният
Ришат Төхвәтуллиның беренче альбомы дөнья күрде.Шушы көннәрдә яшь җырчы Ришат Төхвәтуллинның “Язмыш - минем кулларымда” дип аталган беренче CD - дискы дөнья күрде. Аны Рәшит Ваһапов фонды әзерләп чыгарды. Альбомга нигездә Ришат өчен махсус язылган эстрада җырлары (“Өлешемнең көмеше”, “Карамалы Гөбәй”, “Гөмерем буе көттем”, “Язмыш бураны”), Рөстәм Яхин кебек бөек композиторның классик әсәрләре, шулай ук халык көйләре дә тупланган. Аларны Ришат үзенә генә хас ягымлы тавыш белән башкарып, тыңлаучыга чын рухи ләззәт бүләк итә. Инде шунысы да бәхәссез: татар – башкорт сәхнәсенә үз тавышы, үз моңы булган затлы, зәвыклы җырчы килә!
Ә бу CD - альбом тамашачыга Ришат Төхвәтуллинның беренче концертларында тәкъдир ителәчәк. Исегезгә төшерәбез: алар 26 октябрь көнне Уфада (Башкорт дәүләт филармониясе) һәм 29 октябрьдә Казанда (Татар дәүләт филармониясе) үтәчәк.
Рәхим итегез!
|
Иң күп укылган
|