|
|
Бүген кемнәр туган
|
|
Архив
|
28.06.2012 Җәмгыять
Мәскәүдә Муса Җәлилгә 200 мең долларлык һәйкәл куяларОзакламый Муса Җәлил һәйкәлләренең саны артырга мөмкин. Мәскәүнең «Царицыно» паркында татарның бөек шагыйре, каһарман-сугышчының сыны куелачак. Монументның куелу урыны очраклы рәвештә сайланмаган - парк Муса Җәлил һәм Братеевская урамнары кисешкән урында урнашкан. Һәйкәлнең авторлары - скульптор Злотя һәм архитектор Калмыков, биеклеге - 4,6 метр, авырлыгы - 1,5 тонна булачак. Сын граниттан эшләнгән нигездә, гранит дивар янында басып торачак, дип планлаштырыла. Һәйкәл һәм аның урыны инде әзер булса да, аны кем урнаштырачагы әлегә төгәл генә билгеле түгел. Әлеге мәсьәләне хәл итү максатыннан махсус бәйге игълан ителгән. Җиңүчеләргә һәйкәлне урнаштырып кына калмыйча, аны яктыртырга, сынның тирә-янын тәртипкә китерергә дә туры киләчәк. Контракт бәясе 6,4 миллион сум тәшкил итә. Мәскәүдә Муса Җәлилгә һәйкәл урнаштыру идеясе 2006 елда ук туган иде инде. Тик 2009 елдагы кризис сәбәпле, әлеге монументтан баш тарттылар. Яңа омтылыш исә тулысынча тормышка ашырылыр, дип ышанасы килә.
Рәмзия ЗАКИРОВА |
Иң күп укылган
|