|
|
Бүген кемнәр туган
|
|
Архив
|
13.03.2012 Мәдәният
Баумандагы Матбугат йорты төзекләндерелә башлыйБүген исә республиканың Матбугат йортында әлеге үзенчәлекле тарих һәм мәдәният һәйкәлен саклап калу мәсьәләсенә багышланган киңәшмә узды ТР Дәүләт Советы депутатлары ТР Президенты Рөстәм Миңнеханов инициативасы белән башланган мәдәни мирас объектларын саклау буенча актив эшчәнлек алып бара. Билгеле булганча, узган елның декабрь аенда ТР Дәүләт Советы Рәисе карары белән, һәр депутатка сакланырга, өзекләндерергә тиешле һәм киләчәктә кулланып була алырлык архитектура-тарихи һәйкәле беркетелде.
Бүген исә республиканың Матбугат йортында әлеге үзенчәлекле тарих һәм мәдәният һәйкәлен саклап калу мәсьәләсенә багышланган киңәшмә узды. Подрядчы оешмалар һәм ТР Мәдәният министрлыгы вәкилләре катнашындагы җыелышны бу объектта реставрация эшләре уздыру өчен җаваплы ТР Дәүләт Советы депутаты Ислам Әхмәтҗанов үткәрде.
Бауман урамындагы 19 нчы йортта урнашкан Матбугат йорты утызынчы елларда архитектор Пэн тарафыннан конструктивизм стилендә төзелгән архитектура һәйкәле булып тора. Бу бина республиканың матбугат һәм китап нәшер итү тарихы белән тыгыз бәйләнгән. Монда төрле елларда Татарстан китап нәшрияты, Матбугат министрлыгы, шәһәрдәге иң зур китап кибете, республика газета-журналлары редакцияләре һәм башка оешмалар урнаша. Озак вакытлар дәвамында биредә Тукай исемендәге клуб эшләп килә. Бу бинада танылган язучылар Муса Җәлил, Алексей Толстой, Александр Фадеев була. “Матбугат йорты – Казанның архитектура энҗесе, шәһәребезнең горурлыгы ул”, - дип белдерде Ислам Әхмәтҗанов.
Бүгенге көндә бу бина “Связьинвестнефтехим” ачык акционерлыгына бирелеп, “Бауман урамындагы Матбугат йорты” җаваплылыгы чикләнгән бүлендек предприятие төзелгән. Ул һәйкәлне төзекләндерү белән шөгыльләнәчәк һәм аннан файдаланачак. Тарихи һәйкәл статусына бары тик Бауман урамында урнашкан биналар гына карый.
Милек хуҗалары уйлаганча, бу биналар тиз арада өч рестораны һәм беренче катта кибете булган өч йолдызлы кунакханәгә әйләнәчәк. Бу эшләр барысы да 2013 елга – Универсиадага кадәр тормышка ашырылырга тиеш.
Бина хуҗалары мәдәният һәйкәленең тарихи йөзен сакларга тырышачагына ышандырды, дип хәбәр итә ТР Дәүләт Советының җәмәгатьчелек һәм массакүләм мәгълүмат чаралары белән үзара хезмәттәшлек бүлеге. Планнарда – Матбугат йортында булган танылган кешеләрнең портретларыннан торган картиналар галереясе яки музей эшләү. Моннан тыш, бишенче катта урнашкан Тукай исемендәге язучылар клубын ничек булган шулай торгызырга ниятлиләр. Аны конференц-зал буларак та кулланып булачак. Реставрация эшләре, тарихи-мәдәни экспертиза уздырылып, барлык килештерү процедуралары тәмамлангач башланачак.
Хәзерге вакытта элекке типография цехлары урынында эш бара инде. Монда 275 урынга исәпләнгән паркинг төзелә.
Барлык биналар да бер стильдә, соры төстә булачак. “Без, архитектур ансамбльнең бербөтенлеген саклап калыр өчен, аңлы рәвештә заманча материалларны кулланмыйбыз. Барлык биналар да, штукатурланып, соры төскә буялачак”, - дип белдерде “Бауман урамындагы Матбугат йорты” директоры Виталий Большаков.
|
Иң күп укылган
|