• 18.02-20.02 "Казан" бию ансамбле концерты. Камал театры, 19.00
  • 21.02 "Туган тел" әдәби-музыкаль очрашу. 15.00
  • 25.02 Ваһапов йолдызлары фестивале. Филармония. 18:30
  • 27.02 "Бәхет кошы" мюзиклы Әтнә дәүләт театры. Казан. "Әкият" курчак театры сәхнәсе. 18.30
  • 28.02 "Туган тел" телеканалы концерты. Казан. Филармония. 18.30.
  • 02.03-04.04 Фирдус Тямаев "Җиде малай идек". Уникс. 17:00
  • 02.03-07.03 Фирдус Тямаев "Җиде малай идек". КСК "Уникс"
Туган көннәр
  • 16 Февраль Рузилә Сафина
  • 16 Февраль Гакыйль Сәгыйров (1938-2009)
  • 16 Февраль Люция Шәрәфиева
  • 16 Февраль Алексей Морозов
  • 16 Февраль Фәнзаман Баттал (1939-2015)
  • 17 Февраль Айгөл Хәйруллина
  • 17 Февраль Галимҗан Баруди (1857-1921)
  • 17 Февраль Айрат Фаррахов
  • 18 Февраль Константин Глазачев
  • 18 Февраль Фуад Халитов (1909-1981)
  • Лаеш, Имәнкискә. Үгез ите сатыла: ботлап та, өлешләп тә. Телефон: 89178754552
  • Казанда Мавлютова тукталышында тулай торакта 13 кв.м булмэ сатыла. 89274718157
  • Восстание остановкасында тулай торакта 21 кв.м булмэ озак вакытка арендага бирелэ.Булмэдэ жылы,салкын,душевая кабина,кер юу машинасы,электр плитэсе,телевизор,ике йокы урыны,ош остэле,кухонный гарнитур,шкаф,суыткыч бар.Тулэу бер айга 12500 (бу суммага квартплата кергэн) 89393937375
  • Казан яна матур туй сондыгы сатыла. т.89655808912
  • Лаеш районынынң Бимә авылында 2015 елда төзелгән, бүген үк кереп яшәрлек йорт сатыла. Ашыгыч. Ике катлы, бростан, тышланган. Газ, су, канализация үздырылган. ике контуралы котел, салкын һәм кайнар суларны бирә. Мунчага өйдән генә чыгасы. Зур гараң, погреб Җире 6 сотый. үсентеләр утыртылган. Шалтыратыгыз, алыгыз. 8 917 279-10-83
  • Авиатөзелеш районында тулай торактан 13 кв. м. (фатир статусы) бүлмә сатыла. Янәшәдә 3 балалар бакчасы (берсе ишегалдында), мәктәп, метрога кадәр 10 минутлык юл. 200 метрда Максимово тукталышы. Барлык җиһазлар һәм кер юу машинасы кала. Тел.: 8-937-289-18-63.
  • Казанда ирлэр өчен куртка сатам, кара тестэ 50-51 размер, яна. 4 менгэ сатыла 89179275753
  • Мэжлеслэргэ мантыйлар, шаурма,Кош-теле, бавырсак,чэк-чэк,пироклар,ойдэ киселгэн токмачлар, муравейник, Пицца,Балеш,Тортлар,катлитлэр ясап бирэбез.89393307899
  • Казанын Оренбургский трак урамында урнашкан тулай торакта 12 кв.метрлы булмэ сатыла. Тулай торак остановкага якын.Якында гына мэктэп, поликлиникалар бар. Куршелэре тыныч, тэртипле кешелэр. Булмэдэ яхшы ремонт ясалган. Телефон: 89375777554
  • Дәүләт архивлары чыганаклары буенча шәҗәрәләр төзим. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 6 елдан артык. Тел./Ватсап: 8–917–874–16–40 Tongekuk@gmail.com Дамир Шәйхетдин. Чаллы

 

 
Архив
 

27.09.2008 Җәмгыять

“СӘЛӘТ” МИЛЛИ ЭЛИТА ТУДЫРА

“Сәләт” турында күп сөйләнә, языла, күрсәтелә. 15 ел элек барлыкка килгән бу хәрәкәт киң колач җәйде. Бүген “Сәләт” аланнары Казанда, Әлмәттә, Биләрдә, хәтта Адлер һәм Прагада да үтә. “Сәләт”тән үсеп чыккан яшьләр катламы барлыкка килде, алар бер мохит булып яши бирә. “Бу – безнең “Сәләт” кешесе!” дип горурланырлык шәхесләре дә бар. Тиз генә башка килүчеләр арасыннан шагыйрә Йолдыз Миңнуллинаны, балет биючесе Нурбәк Батулланы, җырчы Илназ Сафиуллинны, “Саф хисләр” квартетын оештыручы Ильяс Камалны атап була. Үзләренең китап-җыентыкларын да бастырып чыгаралар, узган ел “Җисем” исемле кинофестиваль дә оештырдылар.

“Сәләт” исемле дәүләтне барлыкка китергән  Җәүдәт Сөләймановны бер яктан үтереп мактыйлар, шул ук вакытта тәнкыйтьлиләр дә. Эшләмәгән кешене генә сүкмиләр. Ничек кенә булмасын, Җәүдәт абыйның сайлаган юлы бар. Сәләтле балаларны туплап, үстереп кенә татар милләтенең алга китеше булачак дип саный ул. Алар башкача итеп.

 

– Җәүдәт абый, “Сәләт”нең уникальлеге нәрсәдән гыйбарәт?

 

– Ел дәвамында интеллектуаль олимпиадаларда, иҗади бәйгеләрдә катнашып җиңү яулаганнарны бергә туплау – иң кыйммәтлесе. Моңа кадәр сәләтле балаларны ниндидер бер чарада җыеп, аларны җиңүләре өчен бүләкләү белән генә чикләнелә иде. Ул бәйгеләрдә бер-берсе белән танышып та, аралашып та өлгермиләр. Ә бер-берсенә тиң төрле яшьтәге, төрле төбәкләрдә яшәүче балаларны аланнарда җыеп, интеллектуаль рухи мохит тудыру беренче чиратта аларның үзләренә кирәк.

 

Икенчедән, безнең максат – ул аланнарны кулдан килгәнчә татар итү. Бу бары тик татар телле акыллы башларны җыю түгел. Бездә урыс, чуваш һәм башка милләт балалары да ял итә. Менә шул  интеллектуалларны татар теленә якынайтырга, татарча сөйләштерергә тырышабыз. “Сәләт”кә андыйларны бер шарт белән алабыз: алар, һичшиксез, татар теленә өйрәнергә, татар мохитенә күнегергә, бер ел эчендә татар телен аңлау дәрәҗәсенә җитәргә тиеш. Кемгәдер бу ошый һәм ел саен килә. Ә берәүләр “Миңа ошамый бу мохит” дип баш тарта.

 

Татар телле мохит тудыру бер. Бер яктан, ул интеллектуаль булса, икенче яктан, ул әхлаклы. Безнең аланнарда тәмәке тарту юк. Әгәр дә кешенең моңа теләге бар икән, ул безнең арадан китә. Кычкырып сөйләшү дә  әхлаксызлык булып санала. Без тәрбия белән шөгыльләнмибез, ә тәрбияләнгәннәрне үстерәбез.

 

Моңардан тыш тагын бер төп максат – ул татар телле фән тудыра алырлык  белгечләрне үстерү. Без әхлаклы милли элита тудырабыз, үстерәбез.

 

“Сәләт”тә, башкалардан аермалы буларак, ял итүдән бигрәк укыту системасы каралган. Төрле юнәлештәге дәресләр уза. Биредә бала төгәл һәм гуманитар фәннәрдән белемнәрен эсти ала. Моңардан тыш “Сәләт”тә конкурентлыкка чыдам булган шәхесләрне тәрбияләүгә зур игътибар бирелә. Безнең балалар җәмгыятьтә үз фикерен курыкмыйча әйтә алып, үз-үзләренә ышанып, планнарын тормышка ашырып үсәргә тиеш. Һәр аланга үз өлкәсендә уңышка ирешкән шәхесләрне чакырабыз, балалар алар белән аралаша, мастер-класслар уздырыла. 15 ел эчендә “Сәләт”тә үзебезнең әйдаманнарыбыз үсеп чыкты. Хәзер алар белем бирә. Моңа кадәр аланнарда өлкән яшьтәге балаларны гына туплау булса, хәзер үз яныбызга башлангыч сыйныфларда укучыларны да җыя башладык.

 

– 15 еллык эшчәнлекнең нәтиҗәсе күренәме?

 

–  “Сәләт”тән чыккан бер катлам кешеләр барлыкка килде. Мин авыз тутырып татар телле “Сәләт” мохите бар дип әйтә алам. Күбесенең шушы аланда кайнашып дөньяга карашы үзгәрә, татар теленә ихтирамы үсә. Кечкенәдән бер-берсе белән аралашып үсәләр, дустанә яшиләр. “Сәләт”тә 40 лап гаилә барлыкка килде. Бу да зур эш.

 

– Җәүдәт абый, татар милләте алдында торган иң беренче булып хәл ителә торган мәсьәләләр нинди?

 

– Шәхсән үзем татар милләтенең лидер булмаса да, башкалардан ким булмыйча, конкурентлыкка чыдам үсүенең, көчле милләтне булдыру юлын таптым дип саныйм. Мин моны сәләтле балаларны үстерүдә күрәм. Татарның аякка басуының бүтән юлын белмим. Башкалар башкарган эшне инкарь итмим. Әлбәттә, татар милләтен берләштерергә тырышу яхшы гамәл, ләкин моның перспективасы юк. Бу тамыры киселгән агачны су сибеп, ашлама белән тукландырып, яңартырга тырышу гына. Мондый агач үсмәячәк. 35-60 яшьтәге татарларның җыелышып “Нишлик икән?!” дип бер-берсенә сораулар биреп, еллар дәвамында матур итеп җырлашып утыруы мәгънәсезлек. Бу икенче, өченче буында ук татарларның юкка чыгу юлы.

 

Без телебезне, милләтебезне бары тик фән аша гына яшәтә һәм үстерә алачакбыз. Дәүләтара, халыкара аралашу теле булып үсәргә тиеш ул. Аны актив куллансаң, ислам илләренең телләре дәрәҗәсенә кадәр үстерергә мөмкин.

 

– Бу бит утопик хыял. Татар теле инглиз, урыс, алман яисә гарәп кебек дәүләтара тел буларак үсә алачагына чыннан да  ышанасызмы? Татар теле хәтта Татарстанда да дәүләт теле буларак урыс белән бертигез дәрәҗәдә түгел.

 

– Ышанам. “Сәләт” белән без аны кайчан да булса барыбер булдырачакбыз. Әлбәттә, бүгенге халәттә, телгә булган мөнәсәбәттә бу авыр. Безнең татар теле инфокоммуникацион даирәдә, фән, мәдәният өлкәсендә тиешле урын алырга тиеш. Бу – безнең максат. Үзебезнең телдә чыккан җимешләрне башкалар да татып карагач, аларның татар телен өйрәнергә теләге туачак, һичшиксез. Без башкаларда шул теләкне тудырырга тиеш. Татар теле шул дәрәҗәгә җитүенә ышанмаган булсам, бу эшкә тотынмас идем, чөнки яшәүнең мәгънәсен күрмим. Без бит моңа кадәр булмаган, ясалма телне гамәлгә чыгаруны максат итеп куймыйбыз. Телебез борынгы, цивилизациянең концептуаль төшенчәләре телебездә бар. Татар телен бүген кулланып һәм аны киләчәктә кулланучы балалар үстерү кирәк. 30 яшьтән арткан кешеләр инде “авырулар”, аларны телгә өйрәтү, мәхәббәт уяту мөмкин  түгел һәм бу кирәкми дә. Бүген эшне балалар бакчалары, мәктәпләрдә  алып барырга кирәк, чөнки эшнең нәтиҗәсе булачагына өмет бар. Балаларның потенциалларын күреп, татар телендә үз фикерләрен әйтеп, фәнни эшләрен шул телдә язарлык итеп әзерләргә кирәк аларны. Тел мәңгелек, мең еллар дәвамында ул яшәргә сәләтле. Ул – “тере” организм. Бәлки, мин үзем бүген башкарган эшебезнең җимешләрен күрә алмам, чөнки бу тиз барлыкка килә алмый. Имәнне дә утырткач, аның зур агач булып үсеп җитүен күрү насыйп булмый, чөнки ул 500 ел яши. Без бүген орлык салабыз, аның үсенте килеш саклап калырга кирәк.

 

– Татар теленең борынгы, матур аңлашыла. Ләкин бүген яңа буында телгә ихтыяҗ әллә ни сизелми.

 

– Ул сезнең буын. Мин ул яшьләр белән хәтта сөйләшмим дә, чөнки бу үтелгән этап. Мин бары тик “Сәләт” мохитендә булган яшьләр турында гына сүз алып барам.

 

– Сез яшьләрне сызып ташлыйсыз. Ләкин “Сәләт”тә йөрүче әйдаманнар, шушы аланнарда тәрбияләнгән яшь егет һәм кызлар, үзара урысча аралаша. Аланда үткәрелгән татар теле дәресләренә йөрүче булмаган диярлек. Испан белән инглиз теленә йөрүчеләр күбрәк.

 

– Татар теле ел дәвамында мәктәпләрдә өйрәтелә. “Сәләт”тә татар мохите. Әгәр дә балада татар теленә тартылу бар икән, бу зур алга китеш. Кеше татар телен белә икән, анда вакыт уздырып йөрмәү хәерлерәк. “Белмәгәнне белергә тырыш, башка телләрне өйрән” дигән принцип яши. Ә менә татар телен белмәүчеләргә анда йөрү мәҗбүри.

 

Әйдаманнарның үзара урысча сөйләшүенә килгәндә, ашыгыч нәтиҗә ясамыйк, булыр әле, алар да татар телендә аралашыр. Аннары тәнкыйтьләү бер эш, һәр кеше шәхес буларак бу эштә катнашырга тиеш. Китек якларны күрә икән, кушылсын безнең хәрәкәткә. Елына бер биш көн бу эшкә бирсәң дә, алга китеш булыр иде. Мине күп тәнкыйтьлиләр, ләкин хуплаучылар да бар. Ләкин бергә эшләргә кирәк дип ярдәм тәкъдим итүче өченче төркем кешеләр җитешми. 

 

– Тел – мәңгелек дисез, ләкин телләр дә юкка чыга.

 

– Тел үлми, ул бары тик башкачага күчә генә. Мисал итеп Тукай язган телне алыйк. Бүген без сөйләшкән тел Тукай заманында кулланышта булганыннан бик нык аерыла. Ләкин ул бит үлмәгән. Ташта уелып калган Күлтәгин язмасы да борынгы татар телендә язылган. Ул башка калыпка күчеп, яңартылган гына тел булып чыга. Татар теленең 500 ел дәвамында лексикологиясе, терминологиясе рәтләп кулланышта булмаса да, ул һаман да яши. Менә минем авылда (Чувашстан, Батыр районы – ред.) Татарстандагы кебек татарча газета да, журнал да, радио да юк, ләкин халык мең ел дәвамында яшәгән үзенчәлекле телне саклап калган. Тел конкрет бүген яшәгән кешедә үләргә мөмкин. Безнең телнең кулланылмаган потенциалы 99 процент тәшкил итә. Бүгенге технологияләрне кулланыр өчен иң уңай телләрнең берсе – татар теле. Мин моны галим буларак әйтәм. Татар теле хәтердә тиз кала, мәгълүматне тиз эшкәртә торган үз закончалыклары, үзенчәлекләре бар.

 

– Татар теле фәнни тел булып үссен өчен безгә нәрсә эшләргә кирәк?

 

– Химия, математика, физика дәресләрен татарча укыта башларга. Фәнни мәкаләләрне татар телендә язуны гамәлгә кертергә  вакыт җитте. Ачышларыбызны да татарча эшләргә кирәк, моның өчен терминология дә җитәрлек. Башка халыклар безнең ачышларны кулланыр өчен татар телен өйрәнергә мәҗбүр булсыннар, үз телләренә тәрҗемә итсеннәр. Ягъни ихтыяҗ тудыру мөһим. Шул вакытта гына алга китеш булачак.

 

– Бу бик амбициоз теләк...

 

– Нинди амбициоз булсын ди?! Әгәр дә моны төньяк халыклары теләсә, моны амбициоз дип әйтергә булыр иде. Ләкин безнең тел әлегә кулланышта. Инглиз теле шул телдә сөйләшүчеләр актив булганга гына кулланышта. Безнең пассивлык аркасында татар теленең минуслары шактый. Телнең үсешенә “Без – татар!” дип кычкырып йөреп татар телен белмәүчеләр, татар теленең бөеклегенә ышанмаучылар да зур зарар китерә.

 

– Сезнеңчә, урыс телле татарларга мөнәсәбәт нинди булырга тиеш, алайса?

 

– Шәхеснең үзеннән тора. Әгәр дә ул үзен татар дип саный икән, ул татар. Саф татарча сөйләшкән, ләкин күңелләре белән урыс булучылар да бар бит. Ләкин татар телле булмыйча, буыннан-буынга татар рухын саклау авыр. Ахыр чиктә анысы да югалачак.

 

– Җәүдәт абый, берәүләр татар телен урамнарга чыгарырга кирәк, кемдер аны “кухня”да, гаиләдә сакларга тиеш дип саный. Сез нинди фикердә?

 

– Барысы да берьюлы булырга тиеш. Система булуы мөһим. Гаиләдә дә, урамда да булырга тиеш ул. Гаиләдә татарча сөйләшәләр икән, тел үсәчәк. Эшнең зурысы да, вагы да юк. Барысын башкарырга кирәк.

 

– Татарны нәрсәләр билгели?

 

– Шәхес, кеше дигәндә – рух, ә халык дигәндә – тел. Тел булмаса, халык юк дигән сүз.

Римма БИКМӨХӘММӘТОВА
Ирек мәйданы
№ --- |
Ирек мәйданы печать

 
comments powered by HyperComments

Фикерләр

№33 (776125) / 25.07.2011 16:12:07

Мин дэ Сэлэтне мактагач быел барган идем! Лэкин миеем очен тугел ул! анда чыннанда сэеррэклэр дип уйлыйм) шулай ук балалардан колу дэ бар анда) 40 градус эсседэ билэрдэ палаткаларда яшэгэн балалар ничек тузэргэ тиеш? житмэсэ ышыкта да торырга ярамый, гел кояшта!шунын остенэ гел кычкырырга, акырырга кирэк! ашау ягыннан да бик начар! кабарлык та тугел) бэлки, кызыктыр да, лэкин чисталык, похтэлек ягыннан БИК тырышырга кирэк эле! билгеле бер тэртиплэр юк! балаларны тонге 12, 1 дэ дэ яткызырга момкиннэр! эйдаманнарны да яхшылап сайлысы бар эле, чонки кайберлэре узлэрен бик начар тота! саный китсэн кимчелеклэр бик куп....

№32 (7637) / 17.10.2008 10:00:41

минем синнән көлүем түгел, барысыннан да көлүем

№31 (7611) / 16.10.2008 13:13:10

Мин колеп язмаган идем

№30 (7601) / 16.10.2008 10:57:15

№29 (7554) / 15.10.2008 16:21:29

Хэсэнов:
Нурбэкне, Йолдызны ата-аналары ясаганнар дисен, алайса бэлки Ильназ белэн Ильясны да ата-аналары ясаганнардыр? Тоже "пустой" гына кешелэр тугел дилэр...

№28 (7505) / 15.10.2008 09:05:04

№27 (7467) / 14.10.2008 13:03:37

Әйдаман! Шул сез гаилэдэ булганны тышка чыгармыйбыз дип, кем чанасына утырып,кемгэдер акча эшләп биргәнегезне дә белмисез. Сезнен ботен аңыгызны томалаганнар инде. Әйе мин үзем китәчәкмен, чонки мин акыллы сукыр булырга телщмим.

№26 (7432) / 13.10.2008 14:34:10

Татарның сәләтле балаларын оештырып, аларның сәләтләрен тагын да үстерүнең ни гаебе бар, туганнар.
Әйе, Сабира дус, мин "Сәләт"тә булганым юк.(Физически не могу, урыс әйтмешли, ерактан күзәтеп шатланып торырга мәҗбүрмен) Тик мин аның башлап йөрүчеләрен, оештыручыларын яхшы беләм, ышаныгыз - ихластан эшләнгән эш бу. Ниятләре изгедә.

№25 (7430) / 13.10.2008 14:12:12

Язвы-пилеш фанаткасы, Ха! Димэк узеннен Сэлэттэ булганын юк. Анда ничек элэгу-элэкмэу турында фикеренне кайдан алып эйтэсен сон? Эйе.Сэлэт чыннан да акыллы ,сэлэтле хэм ПЕРСПЕКТИВАЛЫ(хэлле гаилэдэн, килэчэктэ бала ниндидер казанышларга ирешкэннэн сон "син да Сэлэттэн" диярлек)балаларны жыярга тырыша. Ана карасан, мондый позициянен бернинди начарлыгы юк та кебек.Ну эзрэк шомландыра, ул бит , килэчэккэ эшли торган реаль коч. Да,Действительно очень похоже на массонов.

№24 (7424) / 13.10.2008 13:18:34

Әйдаман 1!Нигә алайса сәләткә бер килгән кешеләр кире әйләнеп кайта? Сәләт - ул зур бер гаилә! Ә гаилә эчендә нәрсә генә булмасын, аны тышка чыгармыйлар!!!Син сәләткә ялгыш эләккәнсең, вакытында китәрсең дә дип уйлыйм...һәм сине чын күңелдән кызганам. Үзем дә инде ничәнче ел сәләт аланнарында әйдаман булып караган кеше буларак, шуны әйтә алам: Сәләт ул үз тирәсендә чыннан да сәләтле, булдыклы, төпле фикерле, акыллы кешеләрне генә җыя, ә менә синең кебек килеп-китеп йөрергә яратучылар вакытлар үтү белән кимерләр дип өметләнәм...

№23 (7370) / 11.10.2008 19:24:32

ускэч барысын да анларсыз, балалар!

№22 (7075) / 07.10.2008 13:13:51

Мин узем сэлэттэн буларак шуны әйта алам:"Сэлэт килеп кит киткэн дэ генэ яхшы,ә җәйге аланнарда эшләп карасагыз андагы бардакны үзегез курерсез!!!!!"

№21 (7043) / 06.10.2008 16:58:44

Башта Сәләт булдырган кадәр булдырырга кирәк, соңрак тәнкыйтләргә!!! Сәләт аланнарында һичьюгы бер мәртәбә генә ял иткән кеше дә биредә гомерлек тәэсирләр алып китә. Ел саен меңәрләгән баланы үз куенына сыендырган, фикерләргә, яратырга, биеккә омтылырга өйрәткән Сәләтемә мин мәңгелеккә бурычлымын! Әгәр УЛ булмаса, бу маңкортлашып барган шәһәр мохитендә ничек яшәр идем икән?! Төшкән кәефне күтәрү өчен нибары Сәләтнең офисына килеп китү дә җитә бит:-))) Ә инде сәлкешләрнең, әйдаманнарның, Җәүдәт абый, Венера апаларның ягымлы елмаюлары турында сүз дә әйтеп торасы юк!!! Тимәгез минем СӘЛӘТемә!!!

№20 (6722) / 01.10.2008 20:00:55

Мин белгән сәлкешләр - югары дәрәҗәдәге намуслы, ихлас, үз эшләренең осталары. Гөлназ Гарипованың, мәсәлән, шулхәтле тирән хисле шигырьләре, ул сүзләргә язылган җырларны гына карагыз сез (кызганыч, ул хәзер Сәләттә эшләми бугай)

№19 (6705) / 01.10.2008 13:18:37

э мин сэлэтне тэнкыйтьлэмим дэ, якламыйм да. ул мона мохтаж да тугел. мин аны ЯРАТАМ! сэлэтнен ин яхшы унышы шуннан гыйбарэт: ул фикердэшлэр тудыра. алар исэ бер-берсенэ ярдэм итеп яшилэр. хэм бергэ зур эшлэр майтаралар

№18 (6621) / 30.09.2008 01:17:06

Дорес суз, мин килешэм

сэлэт тэ, торек лицейлары да балаларны уйларга, эшлэргэ,кузэтучэн булырга, торле олкэдэге мэсьэлэлэрне узлэре чишэргэ ойрэтэ...урысчаласак - самостоятельность.

бер очрак искэ тошеп китте эле...
Садикта рэсем ясаганда бер баланы орышалар, энисенэ рэсемн курсэтеп: ойрэткэнчэ ясамаган,- дилэр.Барлык балаларнын да бэбкэлэре ана казга ияреп, туры юлдан бара, э моныкы кайсы кая сибелгэн. энисе соравына бала болай ди: -эни, ул бит каз бэбкэлэре,туфрактан йормилэр, улэн ашыйлар, -ди.

№17 (6620) / 30.09.2008 01:04:13

ни дисәк тә сәләттәге балаларның күзләрендә хәрчак яшәү чаткысы, киләчәккә омтылу күренә.Ә менә башка ял итү урыннарында балалар роботлар төсле . Үзем күрдем, чагыштырдым, юллар кайчак итте төрлесенә.

№16 (6601) / 29.09.2008 17:02:59

ЯШӘСЕН СӘЛӘТ ДӘҮЛӘТЕ!

№15 (6578) / 29.09.2008 12:15:28

Сэлкэшлэр танрече яки хаббарт сектант, шариклар жэдиди яки суфи сектант, узебезлэр масон сектантлар? Ужас.. яки киресенчэ шатлык? Белмим.. эшлэсеннэр генэ

№14 (6573) / 29.09.2008 10:31:49

Яхшы секта булса, яшәсен! Хәзер ул сектага эләгү өчен яхшы уку гына түгел, блат та кирәк дип ишеттем. Ләкин баламны анда җибәрмәс идем, чыннан да, зомбилар кебек андагылар, Җәүдәт абыйлары "утка керегез" дисә, мөгаен, уйлап та тормаслар, сикерерләр.

№13 (6558) / 28.09.2008 22:23:07

что то от секты там есть. но скорее позитивное. умнички мои друзья - выходцы оттуда.

№12 (6557) / 28.09.2008 22:10:01

1. секта.
2. бюджет акчасы кайда?

№11 (6555) / 28.09.2008 21:50:03

Фикерсез туганым, мин сезне кызганам - Дальше своего носа дисез сез - как раз Сез берни белми яшисез икән бит: "Сәләт" - бүгенге көндә иң прогрессив һәм перспективалы яшьләр оешмасы. Ни кызганыч, үземә туры килмәде "Сәләт" аланнарында ял итәргә - шуңа карамастан, мин горурланам татарларда шундый хәрәкәт барлыгына. Сеңелем берничә кат шунда булды - аның энергетикасы миңа да иярде менә.




Ә сезнең гаепләүәргә килгәндә - неүҗәли Сез уйлыйсыз, что ул миллионнарны дәүләт контрольдә тотмый дип?! Сезнең белән безгә калган тагын дәүләт кесәсен капшарга...

№10 (6554) / 28.09.2008 20:53:46

Если ты утверждаешь штото - то находи и предоставляй ссылки и доказательства сам. Ты видимо далек от юриспруденции. Напрявлю тебя в нужное русло. У нас пока в стране существует презумпция невиновности. Ты что нибудь слышал обю этом? Исходя из этого решается вопрос кто должен находить ссылки и доказательства.

№9 (6552) / 28.09.2008 20:22:35

тo: Явыз пилеш фанаткасына
Существует постановление Кабмина о выделении этих денег, если интересует поищете. Наверняка и существуют и отчеты счетной палаты о целевом использовании этих денег, тоже поищите. Пиар еще не означает факт, а я верю только фактам. Продукта на что выделялись деньги, нет, это факт. А что пишут журналюшки, это ничего не значит, дальше своего носа мало кто видит))

№8 (6546) / 28.09.2008 16:05:20

Фикерсез агай, синдә аның, ул берничә дистә миллион сумның счет-фактуралары - накладнойлары (копияләре)бармы ул?
Үзегезнең хәлдән берни килмәгәнгә генә кешегә яла ягып утырмасагыз ла!
Җәүдәт абый булырга әле сезгә!!!


Әдип-Әлмир - супер!!!




Ә "Сәләткә" эләгер өчен, Ләйлә сеңелем, тырышып укырга кирәк. Белүемчә, анда балаларны республика, регионара фән олимпиадаларында җиңүчеләр арасыннан сайлап алалар.

№7 (6545) / 28.09.2008 15:46:28

ә сәләткә ничек эләгәләр?!ну или эләгергә?

№6 (6540) / 28.09.2008 00:37:20

Ялгышмасам 90 елларда элеге агай татар телендэ операцион система эшлим дип дэулэттэн берничэ дистэ миллион сум алган иде. Нэтижэсе нинди икэн? Берэрегез кургэне, ишеткэне бармы?

№5 (6531) / 27.09.2008 23:30:04

Сэлэт - эйбэт хэрэкэт.Татар телен, татарлыкны устерудэ тырышкан оешмаларны яклау юк бит бездэ. Татар-торек лицейларын нишлэттелэр инде... Балалары шунда укыган ата-аналардан башка кем дэ булса яклаштымы? юк... бар да урындыгын югалтудан курка шул татар турэлэре...

№4 (6525) / 27.09.2008 23:09:50

болар бутыйлар, болардан була

№3 (6517) / 27.09.2008 22:55:54

Ильяс Камал "Саф хислэр" квартетын тугел, Кэеф торкемен оештырды! Бутагансыз ахры

№2 (6508) / 27.09.2008 22:03:16

Йолдыз Миңнуллинаны, Нурбәк Батулланы аталары аналары ясады. Э Илназ Сафиуллинны, Ильяс Камалны чынлап та Сэлэт ясады. Малади син Сэлэт. Бер генэ сорау: Сэлэт Кояшны Алла дип игълан иткэн дилэр? Монысы доресме?

– Химия, математика, физика дәресләрен татарча укыта башларга. Фәнни мәкаләләрне татар телендә язуны гамәлгә кертергә вакыт җитте.

№1 (6505) / 27.09.2008 19:33:45

"Сәләт" бердәнбер, балалар өчен булган хәрәкәт.Уңышлар аңа, кимчелекләре булсада.

▲ Өскә
 
Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Диләфрүз
Татарстан Язучылар берлеге
Түгәрәк уен
Татарстан китап нәшрияты
RAFINA/D