|
|
Бүген кемнәр туган
|
|
Архив
|
17.11.2011 Юмор
БаттализмнарСатирик әсәрләр конкурсы «Айлык пенсияң түзәрлекме?» дип сорамагыз. Түзәрлек! Соңгы егерме тугыз көне генә бик авыр уза...
Аның ишегеннән чыкканда аягыгызны сөртергә онытмагыз!
Без яшь чакта: «Минем хакта нәрсә уйлыйлар икән?» дип сагаябыз. Олыгайгач, нәрсә уйласалар да барыбер сыман. Картайгач ачыкланып бетә: безнең хакта бернәрсә дә уйламыйлар икән.
Иксез-чиксез зур илдә яшәүнең файдасы да бар: качар урын күбрәк.
Кайбер патшаның сәясәте үз шамакаен да көлдерә.
Телевизор—кинотеатрлар каберлеге.
Тешләреңне саклыйм дисәң... телеңне кыска тот.
Уянган милләткә бишек җыры җырлаучылар күбәеп китте.
Фәкыйрь илнең—гимны, начар тауарның рекламасы шәп була.
Ходай хатын-кызны—ирләр өчен, ирләрне хатын-кызлар өчен оҗмах итеп яраткан. Ике арадагы тәмугны алар үзләре тудыра.
Чыбык яшь чакта яхшырак бөгелә—дидек тә, яшь буынны бөкре итеп үстердек.
Фәнзаман БАТТАЛ |
Иң күп укылган
|