|
|
Бүген кемнәр туган
|
|
Архив
|
16.09.2008 Матбугат
ТАТАРСТАН РЕСПУБЛИКАСЫ ЖУРНАЛИСТЛАР БЕРЛЕГЕ ПРЕЗИДИУМЫНЫҢ МӨРӘҖӘГАТЕТР Журналистлар берлеге Президиумы соңгы вакытта республиканың массакүләм мәгълүмат чараларында республикабызда яшәүчеләрнең милли, дини, әхлакый хисләренә кагылучы, җәмгыятьтә әхлакый кыйммәтләрне югалтуга китерүче язмаларның, телевидение һәм радио сюжетларының торган саен ешрак пәйда була баруына борчылу белдерә.
Җенесләрен "бутаган" затларның ничек күңел ачулары турында сюжетлар һәм программаларны, аларның ярым шәрә фотоларын, җенси хезмәт күрсәтүләрне күздә тотучы "ял" турында белдерүләрне эфирга, газета битләренә чыгару халыкның күпчелегендә ризасызлык тудыра. Моның ише язмалар һәм телесюжетларның диндарлар өчен изге айларга (ә бит бу айлар диндарларның югары дәрәҗәдә әхлаклылыгын һәм бөтен җәмгыятьнең толерантлы мөнәсәбәтен күздә тота) туры килүе бигрәк тә аяныч.
ТР Журналистлар берлеге Президиумы мондый материалларның иҗтимагый-сәяси массакүләм мәгълүмат чараларына, гомумән, халык ышанычын яуларга өлгергән газета-журналлар, телеканаллар үтеп керүенә кискен ризасызлыгын белдерә. Без танылган медиа брендларын халыкны фәхешлеккә, шикле күңел ачуларга һ.б. җәлеп итү өчен файдалануга каршы. Чөнки бу гади гражданнарның яраткан басмаларына, теле-, радиоканалларына ышанычларын югалтуга, шулай ук Татарстанның массакүләм мәгълүмат чараларының абруе төшүгә китерә.
Журналистлар берлегенә, укучылар, радио тыңлаучылар, телевизор караучылар хисләрен ихтирам итеп эшлик, дип мөрәҗәгать итәсебез килә. Ялган рейтинг яки тираж артыннан куып, "пычрак" материаллардан "пычрак" акча эшләү дәрәҗәсенә төшмәгез. Безнең газета, журналлар, телепрограммаларның дөньяга карашы әле формалашмаган балалар, үсмерләргә нинди йогынты ясаячагын онытмагыз. Милләтара, динара татулык һәм толерантлык утравы булып торучы республикабыз традицияләренә тугры калыйк!
--- |
Иң күп укылган
|