|
|
Бүген кемнәр туган
|
|
Архив
|
02.08.2011 Шоу-бизнес
«Евровидение»дә катнашкан җырчы Алексей Воробьев татарча җырлаячакҖырчы Алексей Воробьев дусты белән бергә татар телендә җыр яздырырга булган. Аның фикеренчә, бу трек дөнья хит-парадларында алдынгы урыннарның берсен тотачак. Озакламый дуслар Казан һәм әйләнә-тирә республикаларга концерт белән чыгарга планлаштыра. - Мин татар мәдәнияте белән инде күптәннән кызыксынам. Татар халкының кунакчыллыгы мине таң калдыра. Дустым Риналь Мөхәммәтов татарча бик яхшы сөйләшә. Без аның белән бергә иҗади эшчәнлек башлап җибәрергә булдык, - дип сөйли җырчы.
Җыр «Кара күзләр» дип атала. Воробьев аны үзе төшәчәк яңа татар фильмында чибәр татар кызына багышлап җырлаячак. Белгәнебезчә, «Кабан күле хәзинәләре» фильмында актер төп рольне башкарачак.
Тик әлегә Алексейга татар телен өйрәнү бик авыр бирелә. Җырчы тартык авазларның авыр әйтелешенә һаман да күнегә алмый икән әле. Шуңа күрә, җырның сүзләре дә истә калмый. Ләкин Алексей Воробьев әлеге эшне тиешлечә башкарып чыгачагына ышана, дип хәбәр итә Life Showbiz сайты.
Рәмзия ЗАКИРОВА |
Иң күп укылган
|