поиск новостей
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
  • 13.04 Яратам! Бетте-китте! Тинчурин театры, 17:00
  • 14.04 Полиционер. Тинчурин театры, 17:00
Бүген кемнәр туган
  • 29 Март
  • Шәкүр - җырчы
  • Рөстәм Абязов - дирижер
  • Илфат Фәйзрахманов - журналист
  • Мөхәммәт Сабиров (1932-2015) - дәүләт эшлеклесе
  • Айгөл Хәйри - җырчы
  • Ринат Хәйретдинов - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
26.08.2008 Шоу-бизнес

ГӨЛНАЗ СӘФӘРОВА: “ЙОКЛАРГА ЯТАР АЛДЫННАН КЕФИР ЭЧӘМ”

“Татар радиосы” ди-джее Гөлназ Сәфәрова белән аның эш урынында очраштык. Тыңлаучылар белән кичке эфирда аралашканын күзәтәм. Кызу-кызу сөйли, хәтта муен тамырлары бүртеп чыга. Көлеп тә ала. Тыңлаучылардан килгән sms-хәбәрнең исәбе-хисабы юк. Компьютер экранында алар шулкадәр вак, күзләрең яхшы күрмәсә, укырмын димә. Күзгә файдалы булган бер рецептны әйтеп үтте Гөлназ. Ул кара җиләк (черника) кайнатмасы икән. Ниһаять, төнге сәгать уникедә эфир тәмамланды.

 

– Гөлназ, бигрәк күп көч сарыф иттең, аны ничек кире кайтарасың?

 

– Иң яхшысы – салкын душ керү. Су тәндәге бөтен тискәре энергияне юып төшерә. Йокларга ятар алдыннан һәрвакыт кефир эчәм. Әбием өйрәткән догаларны укып, изрәп йокыга китәм.

 

– Эфирдан чыккач, ашыйсы киләдер бит?

 

– Юк, эфир вакытында үтә киеренке халәттә булу ашыйсы килү теләген бетерә. Мин бик аз ашый торган кеше. Җәй көне бөтенләй диярлек ашамыйм. Бүген, мәсәлән, бер өчпочмак белән чәй эчтем.

 

– Нишләп алай?

 

– Гаиләбез белән аз ашый торган кешеләр. Кичке алтыдан соң организм ризыкны гомумән кабул итми. Әниемә 45 яшь, гәүдәсе кызлар кызыгырлык. Ул интуитив рәвештә туклана. Мин дә аңа охшаганмын.

Бабам (әниемнең әтисе) ашау ягыннан бик нәзберек кеше булган. Мин дә ризыкны сайлап кына ашыйм, дөгенең бер бөртеге кара икән, ул аштан баш тартырга мөмкинмен. Итнең маен яратмыйм, сарык ите ашамыйм. Камыр ризыклары да минем өчен түгел. Әллә нигә бер әби пешергән кабартма белән сыйланам. Элек иртән ипигә май ягып ашый идем, хәзер аннан биздем.

Иң яратканым – яшелчә, дөге һәм ит. Элек бәрәңгегә исем китә иде, көнгә өч тапкыр ашаганым хәтердә. Әчкелтем ризыкларга өстенлек бирәм, гранат, әфлисун, яшел алма яратам. Бер лимонны күз дә йоммый ашап бетерергә мөмкинмен.

 

– Син бик озын, буең күпме?

 

– 170 см. Кечкенә чакта бию түгәрәгенә йөрдем. “Кызыгыз озын буйлы булсын дисәгез, аңа кишер согы эчерегез”, – диде укытучы. Әни аның киңәшен истә тотып, миңа гел шуны эчерде. Ул бик файдалы икән.

 

– Сез гаиләдә ике кыз. Кечкенә чакта өй эшләре кайсыгызга күбрәк эләгә иде?

 

– Миңа. Сеңлем Айсылуга 18 яшь, безнең өчен ул һаман бала. Кая барсам да, аңа уенчык алып кайтам. Битеннән үбеп, егетләр янына очрашуга озатам.

Үскәндә дус кызларымның, әни кайтуга ашарга пешердек, дигәнен ишетергә туры килде. Менә ул яктан әни безне бик иркәләде. Савыт-саба янына якын китермәде. Үзем юам, кагылмагыз, дия иде. Әби дә аны шулай тәрбияләгән. Кияүгә чыкканда камыр җәя белми идем, әтиегез өйрәтте, ди. Хәзер нәрсә генә пешерми. Ирем Ленар белән әти-әнием йортында еш кунак булабыз. Әни савытка салып, безгә ризыклар җибәрә. Йә каенанага барып тукланабыз.  

 

– Алай булгач, син өйдә ашарга пешермисеңдер?

 

– Танышларым да шулай ди. Син әзерләгәнне ашарлык түгелдер, дип тә өстиләр. Ялгышалар, вакыт булганда әллә нәрсәләр пешерергә мөмкинмен. Балык эченә фарш тутырам, шашлык кебек ит кыздырсам, Ленар яратып ашый. Кайвакыт әти кебек оста итеп “солянка” пешереп, үзе мине сыйлый.   

 

– Туегыз кайчан булды?

 

– Быелның 18 апрелендә.

 

– Ленарны кайсы сыйфатлары өчен үз иттең?

 

– Ул бик сабыр кеше. Нервлана башласам, мине шундук тынычландыра.

 

– Син усал, ахры?

 

– Мишәрлек бар анысы. Кеше миңа яхшылык эшләсә, рәхмәтне меңе белән кайтарам. Явызлык кылырга теләп бармагын авызыма тыга икән, шартлатып өзәм. Кайвакыт кызып китеп кешегә хәтерен калдырырдай сүз әйтәм, соңыннан үкенәм һәм барып гафу үтенәм.

 

– Нишләп син шундый тынгысыз?

 

– Мин тугач, өшемәсен дип, әти-әнием җәйге эсседә җылы одеялга төреп куя торган булган. Соңыннан китап буенча тәрбияләргә уйлаганнар. 1 яшьлек чагымда, тәүлекнең теләсә кайсы вакытында йокымнан уятып, салкын су белән коендырганнар. Күз алдына китерә аласыңмы? Тынгысыз булуым шуларның тәэсиредер дим.

 

– Бәби алып кайтырга җыенмыйсыңмы?

 

– Аллаһы Тәгаләдән узып, фәлән ел тапмыйм, дип әйтә алмыйм. 21 яшьтә әни булырга иртәрәктер дип саныйм. Каенанам, алып кайт, үзем карыйм, ди. Башта зур киленең (Гөлназ белән җырчы Дилә Нигъмәтуллина килендәшләр – Э.С.) тапсын, аннан миңа чират, дидем (елмая).

 

– Син төнгә хәтле эшлисең. Ленар көнләшмиме?

 

– Кайвакыт булгалый, күп очракта аңлый. Гадәттә, төнге эфирдан соң ул мине килеп ала.

 

– Эфирга чыгасы килмәгән вакытлар буламы?

 

– Булгалый, ләкин андый халәтне, ясалмалылыкны тыңлаучы тиз сизә.

 

– Эфир алдыннан нәрсә тыела?

 

– Ашау. Ашыйсыгыз килсә, су эчегез, ди ди-джей Булат Бәйрәмов. Шуны без бик теләп үтибез. Әгәр ди-джей төкерек йотып сөйли икән, димәк, ул ашаган. Еш тамак кырса, ул баллы әйбер капкан.

 

– Гөлназ, син берара “90х60х90” тапшыруын алып бардың.

 

– Анда ишеткәннәрдән чыгып кына диета тотарга ярамый. Һәр кешенең организмы үзгә. Кемнедер ябыктыра торган диета башка берәүне тазартырга мөмкин. Ябыгам дип, ашыйсы килгән ризыктан баш тартырга ярамый. Күбрәк яшелчә, җиләк-җимеш белән туклансыннар. Яшел чәй эчү бик файдалы. Ашыйсы килгәнне бетерә. Ябыгырга теләгән кешегә шуны тәкъдим итәм.

 

– Кайда ял итү күңелеңә хуш килә?

 

– Авылга кайтып мунча керсәм, бер ай ял иткән кебек булам. Тискәре энергиядән һәм арудан бары тик мунча коткара. 4-6 сәгатьсез аннан чыкмыйм. Бөтен тәнемә, битемә бал сылыйм, чәчемә маска ясыйм. Каты итеп берничә тапкыр чабынам. Аннан чыккач, мәтрүшкә, җиләк чәе эчеп тәнемә сихәт алам.


Эльмира СӘЛАХОВА
Тәмлетамак
№ --- |
Тәмлетамак печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»