Гакыйль Сәгыйровның каберенә истәлек ташы кую өчен ярдәм кирәк

29 июльдә күренекле татар шагыйре, талантлы рәссам, күп еллар Кошки районының Иске Җүрәй (Иске Фәйзулла) авылында яшәп, куллары-аяклары хәрәкәтсез килеш тешләре арасына каләмен кысып, гаҗәеп шигырьләрен язган, рәсемнәрен ясаган каһарман якташыбыз Гакыйль Шәрифулла улы Сәгыйровның 71 яшендә вафат булып, туган авылы зиратында җирләнүенә ике ел тула.

Әле үзе исән чагында ук шагыйрьнең Иске Фәйзулладагы өенә ремонт ясатып, анда музей ачарга кирәклеге турында фикерләр әйтелгән иде.

Тик әлегә алар бары сүздә генә кала бирәләр. Шушы көнгә кадәр бөек шагыйребезнең кабере өстенә истәлек ташы да куелмаган.

Дөрес, Татарстан хөкүмәте, аның Мәдәният министрлыгы, Татарстан Язучылар берлеге бу мәсьәләне уңай хәл итәргә һәм моның өчен матди ярдәм күрсәтергә вәгъдә итәләр итүен. Шулай да бу бик озакка сузылды шул.

Бүген шагыйрьнең каберенә истәлек ташын куярга барлыгы 30-35 мең сумнар акча кирәк.

Хөрмәтле милләттәшләребез! Сезгә хәлегездән килгәнгәчә Гакыйль Сәгыйровның каберенә истәлек ташы куяр өчен акчалата ярдәм күрсәтүегезне сорап мөрәҗәгать итәргә булдык. Аннан соң шагыйрьнең йорт-музеен булдыру өчен махсус фонд ачсак та начар булмас иде. Күренекле татар шагыйре, каһарман якташыбыз Гакыйль Шәрифулла улы Сәгыйровның якты истәлеген киләчәк буыннарга җиткерү, аны үрнәк итеп кую – безнең изге бурычыбыз.

Акчагызны түбәндәге счетка җибәрә аласыз:

А.Н.О Редакция газеты “Бердәмлек” (“Единство”)

443009, г. Самара, ул. Воронежская, 9

ИНН 6317008137 КПП 631901001

Р/с – 40703810054400012004

Поволжский банк СБ РФ г. Самары

К/с 30101810200000000607

БИК 043601607

Акча күчергәндә “В Фонд Гакиля Сагирова” дигән искәрмә язарга онытмагыз! Редакция адресына почта аша да җибәрергә, китереп бирергә дә мөмкин.

Сезнең мәрхәмәтлелегезгә өмет итеп, ышанып калабыз.