• 18.02-20.02 "Казан" бию ансамбле концерты. Камал театры, 19.00
  • 21.02 "Туган тел" әдәби-музыкаль очрашу. 15.00
  • 25.02 Ваһапов йолдызлары фестивале. Филармония. 18:30
  • 27.02 "Бәхет кошы" мюзиклы Әтнә дәүләт театры. Казан. "Әкият" курчак театры сәхнәсе. 18.30
  • 28.02 "Туган тел" телеканалы концерты. Казан. Филармония. 18.30.
  • 02.03-04.04 Фирдус Тямаев "Җиде малай идек". Уникс. 17:00
  • 02.03-07.03 Фирдус Тямаев "Җиде малай идек". КСК "Уникс"
Туган көннәр
  • 18 Февраль Флера Зыятдинова (1947-2011)
  • 18 Февраль Бибрас Натхо
  • 18 Февраль Константин Глазачев
  • 18 Февраль Раушания Юкачева
  • 18 Февраль Фуад Халитов (1909-1981)
  • 19 Февраль Райнур Шакиров
  • 19 Февраль Рәфыйк Мөхәммәтшин
  • 20 Февраль Булат Бәйрәмов
  • 20 Февраль Булат Сруров
  • 21 Февраль Аммар Аль-Анси
  • Лаеш, Имәнкискә. Үгез ите сатыла: ботлап та, өлешләп тә. Телефон: 89178754552
  • Казанда Мавлютова тукталышында тулай торакта 13 кв.м булмэ сатыла. 89274718157
  • Восстание остановкасында тулай торакта 21 кв.м булмэ озак вакытка арендага бирелэ.Булмэдэ жылы,салкын,душевая кабина,кер юу машинасы,электр плитэсе,телевизор,ике йокы урыны,ош остэле,кухонный гарнитур,шкаф,суыткыч бар.Тулэу бер айга 12500 (бу суммага квартплата кергэн) 89393937375
  • Казан яна матур туй сондыгы сатыла. т.89655808912
  • Лаеш районынынң Бимә авылында 2015 елда төзелгән, бүген үк кереп яшәрлек йорт сатыла. Ашыгыч. Ике катлы, бростан, тышланган. Газ, су, канализация үздырылган. ике контуралы котел, салкын һәм кайнар суларны бирә. Мунчага өйдән генә чыгасы. Зур гараң, погреб Җире 6 сотый. үсентеләр утыртылган. Шалтыратыгыз, алыгыз. 8 917 279-10-83
  • Авиатөзелеш районында тулай торактан 13 кв. м. (фатир статусы) бүлмә сатыла. Янәшәдә 3 балалар бакчасы (берсе ишегалдында), мәктәп, метрога кадәр 10 минутлык юл. 200 метрда Максимово тукталышы. Барлык җиһазлар һәм кер юу машинасы кала. Тел.: 8-937-289-18-63.
  • Казанда ирлэр өчен куртка сатам, кара тестэ 50-51 размер, яна. 4 менгэ сатыла 89179275753
  • Мэжлеслэргэ мантыйлар, шаурма,Кош-теле, бавырсак,чэк-чэк,пироклар,ойдэ киселгэн токмачлар, муравейник, Пицца,Балеш,Тортлар,катлитлэр ясап бирэбез.89393307899
  • Казанын Оренбургский трак урамында урнашкан тулай торакта 12 кв.метрлы булмэ сатыла. Тулай торак остановкага якын.Якында гына мэктэп, поликлиникалар бар. Куршелэре тыныч, тэртипле кешелэр. Булмэдэ яхшы ремонт ясалган. Телефон: 89375777554
  • Дәүләт архивлары чыганаклары буенча шәҗәрәләр төзим. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 6 елдан артык. Тел./Ватсап: 8–917–874–16–40 Tongekuk@gmail.com Дамир Шәйхетдин. Чаллы

 

 
Архив
 

10.05.2011 Мәдәният

«Мин җиңәм дип киләм»

Актаныш егете Артур ИСЛАМОВ татар музыка дөньясында яңа исем түгел. Әлбәттә, аны күпләр «Алканат» исемле альтернатив татар музыка агымы вәкиле буларак белә. Минем өчен исә Артурның башка үрләре кызыклырак: «Сандугач керде күңелгә» конкурсында Гран-при, «Йолдызлык»та, «Дуслык моңы» халыкара җыр бәйгесендә, Р.Ваһапов конкурсында беренче урыннар белән һәркем мактана алмый.

Менә быелгы «Татар моңы» халыкара яшь башкаручылар конкурсында Артур тагын беренчелеккә чыкты. Баһадир гәүдәле, баритон тавышлы, тормышка яшьләргә генә хас һавалырак карашлы Артур. Аның белән әңгәмәгә барганчы, мин аның әле тагын бер яңалыгы турында белмәгән дә идем. Баксаң, өченче курстан соң аны М.Җәлил исемендәге Татар дәүләт опера һәм балет академия театрына солист буларак эшкә чакырганнар икән...

 

– Безнең өйдә җырламаган кеше юк, – дип таныштырып китә Артур гаиләсе белән. – Әнием Луиза – музыкант, аның ягыннан нәселебездә гел җыр-моңга гашыйк кешеләр. Илгиз абый Закиров үзе генә дә сәнгать дөньясында зур исем. Апам Сиринә консерватория тәмамлады, хәзер, бәби үстереп, гаиләсе белән Чаллыда яши. Әтием Муллаян – көрәшче, ул миндә үз дәвамчысын күрергә теләсә дә, мин музыка дөньясын сайладым.

 

– Әниең ягы геннары җиңгән, алайса?

 

– Мин 5 яшьтән гармунда уйнарга өйрәнгән идем инде. Әнием, музыкант буларак, минем мөмкинлекләрне чамалаган, күрәсең, ул мине музыкага әзерләде, булачак һөнәремә этәргеч булды.

 

– Оясында ни күрсә, очканында шул булыр, диләр. Луиза апа белән Муллаян абыйның нинди матур гаилә булып яшәгәннәрен белгәнгә күрә сорыйм: тәрбия үрнәк күрсәтү аша керәме?

 

– Әти-әнием мине өлкәннәргә хөрмәт-ихтирам белән карарга, эш белән генә тормыш көтеп булганын, эшләгәнеңне җиренә җиткереп үтәргә кирәклеген төшендерде. Мин теләсә нинди очракта да алар тәҗрибәсенә таянам.

 

– Консерватория укучысы булганчы, син бит әле Казан музыка училищесын тәмамлаган кеше. Нишләп шундук консерваториягә ниятләп карамадың?

 

– Музыкантлар алар җырчы кебек кенә түгел – аларның колаклары икенче төрле ишетә, икенче төрле тотып ала. Минем грамоталы музыкант буласым килде. Аннан, Казанга килгәндә мин яшүсмер генә, тавышым утырып бетмәгән иде – табиблар, ике ел җырларга ярамый, диде. Менә шундый файдалы да, кирәкле дә тәнәфесне мин музыка училищесында баян классында уздырдым. Бүген инде курыкмыйча, мин җырчы гына түгел, музыкант та, дип әйтә алам. Баяннан кала, гитарада уйный беләм.

 

– Бу урында остазлар турында әйтеп узмасак, дөрес булмас. Кем сине хәер-фатихасын биреп, олы юлга әзерләде?

 

– Иң беренче рәхмәтемне Актанышта минем белән шөгыльләнгән Джон абый Мусинга әйтәсем килә. Ул вакытта Джон абый миндә халык җырларына мәхәббәт уятты, мине олы сәнгатькә әзерләде. «Сандугач керде күңелгә» конкурсында катнашып, Гран-при алгач, мине Зилә Сөнгатуллина һәм Клара Хәйретдинова Казанга чакырып калды. Мин бүген консерваториядә Татарстанның халык, Россиянең атказанган артисты Клара Хәйретдинова классында белем алам.

 

– Кайберәүләр тавыштан акча эшләү коралы ясарга тырыша. Син андыйдан ерак, ахры?

 

– Мин укырга кергәнче үк тавышка акча эшләү юлы итеп түгел, югары татар сәнгатендә югары дәрәҗәгә күтәрелү омтылышы итеп карадым. Бүген бит хәтта туксанынчы елларда булган татар көе, зәвыгы да юк. Яхиннар, Мозаффаровлар калдырган зур рухи мирасның шундый кирәксез көнгә калып баруы бер мине генә борчымый. Ә классикларыбызның әлеге зәвыклы музыкасы беркайчан да искермәячәк. Миңа алар бик якын. Шуңа мин башка юл турында уйлауны ис-акылга да кертмәдем.

 

– Синең өчен нәрсә ул сәнгать?

 

– Сәнгать – ниндидер матур, бозылмый, чиста күңел белән туа торган эстетик югарылык.

 

– Шушы югарылыкка кемнәрне кертер идең?

 

– Хәйдәр Бигичев, Илһам Шакиров, Газинур Фарукшин. Хатын-кызлардан – Әлфия Авзалова, Зилә Сөнгатуллина, Клара Хәйретдинова. Алар – татар милли сәнгатенең якты үрнәкләре.

 

– Алар юлын дәвам итәрлек яшьләр бар дип уйлыйсыңмы?

 

– Ул юлны Альбина Шаһиморатова, Филүс Каһиров, Татьяна һәм Дамир Закировлар дәвам итә.

 

– Шәхсән синең биографиядә саллы конкурслар шактый. Әле менә соңгысы – «Татар моңы» сиңа тагын беренчелек алып килде. Барыбер җиңәм, дигән ышаныч белән килгән идеңме?

 

– Бәйгеләр – үз-үзеңне сынау мәйданы. Ул үзеңә чит кеше күзлегеннән чыгып бәя бирү дә, үзеңне чыныктыру да, индивидуаль булуыңны күрсәтү дә. Мин нинди дә булса конкурска әзерләнгәндә үз-үзеңә шик булмаска тиеш дип саныйм. Шәхсән мин җиңәм дип катнаштым һәм җиңдем.

 

– Син бит әле хәзер дәрәҗәле театр солисты да икән. Анда тамашачыны нинди партияләр белән сөендерәсең?

 

– Төрле илләрдән килгән җырчылар каршында узган кастингта катнашып, мин өченче курстан соң М.Җәлил исемендәге Татар дәүләт опера һәм балет академия театрында да эшли башладым. Бу – гомеремнең иң мөһим вакыйгаларының берсе. Ул минем өчен кадерле сәхифә, яңа үр. Чайковскийның «Евгений Онегин», Моцартның «Свадьба Фигаро», Р.Ахиярованың «Шагыйрь мәхәббәте»ндә партияләрем бар.

 

– Россиянең башка зур шәһәрләренә яисә чит илгә чакыру алсаң, китәчәксеңме?

 

– Мин үземә югары планка куям – Казанда гына тукталып калмам, Россиянең башка шәһәрләрендә дә үземне әзерлекле, әйбәт дәрәҗәдәге җырчы итеп танытырмын дип ышанам.

 

– Димәк, бер 20-30 елдан Артур Исламов ул...

 

– ... Опера һәм милли сәнгатьне Европа һәм бөтендөнья дәрәҗәсендә танытучы, аның өчен җан атучы югары профессиональ артист.

 

– Яшь чибәр егетнең йөрәк хәлләрен дә белешмәсәм, кызлар мине кичермәячәк... (Рәхәтләнеп көлешәбез.)

 

– Йөрәгем буш түгел. Очрашып йөргән кызым Эльза исемле. Әмма шәхси тормышым турында җәелеп китеп сөйләргә яратмыйм. Минем хакта бераз сер дә калсын инде...

Гөлнара ҖӘЛИЛОВА
Шәһри Казан
№ |
Шәһри Казан печать

 
comments powered by HyperComments

Фикерләр

№28 (770578) / 14.05.2011 23:02:31

Джон,Робсон,ъз исемең ничек агидел сылуы? Матилдамы, Аврорамы?

№27 (770528) / 14.05.2011 09:42:30

Булдыралар, миенм зимляклар!!!!!! Джон Мусин, Робсон Мусин абыйның энесе бит әле?????? Минем ископаемыйлар, часто Робсон Мусин дисксын тәгәрләтәләр.

№26 (770500) / 13.05.2011 22:30:22

Имашевны Исламов белэн чагыштырасызмы?!!!Артур на много уровней выше!!!

№25 (770425) / 13.05.2011 12:36:23

Чөйсеннәр.Тагын берничә елдан башкалар киләсе бит.
Әле Айрат Имашев та бар.

№24 (770424) / 13.05.2011 12:35:26

Артур-браво))))))Алканат-супер!!!!!!

№23 (770419) / 13.05.2011 12:19:35

Килешәм. Тик күкләргә чөю дәрәҗәсе барыбер бер тирә булырга тиеш.

№22 (770396) / 13.05.2011 10:05:42

Мэрьям, бу ике жырчыны чвгыштырып булмый.Филус ,Филус дигэнгэ Филус,э Артурда кабатланмас узенчэлекле тавыш.

№21 (770379) / 13.05.2011 01:50:11

Үзенең көче, тембры, иркенлеге, мелизматикасы белән сихерли торган тавыш. Филүс, Филүс диләр.... бер дә ким түгел. Оригинальлек ягыннан (гына түгел) өстенрәк тә әле.

№20 (770365) / 12.05.2011 22:44:53

Молодец Артур!!!Актанышлар шулай алар бар яктанда килген.

№19 (770276) / 12.05.2011 05:17:52

Менә дигән җырчы чыгачак Артурдан. Тик тавышын "баритон" дип яздылар. Миңа калса, бас анда. Бик көчле, күркәм тавыш! Иркә, аз гына Мрудан чыгып, тыңлап күр. ТНВ да еш күрсәтә аны.

№18 (770272) / 12.05.2011 00:36:01

миндә ссылкалары юк шул, Иркә. мин интернеттан бик музыка тыңламыйм ул. вакыт җитми.
опера театры сайтында ул стажер буларак күрсәтелгән. анысы да начар түгел инде. шулай да күпкә өметләнгән егет өчен опера театры трамплин була алмас кебек. безнең театр үз солистларыннан йолдыз ясамый. йолдызларны фәлән бәя түләп читтән чакыра, безнекеләрне голландия провинциясенә алып барып 3нче, 5нче рольләрне җырлап кайту өчен генә тота.

№17 (770240) / 11.05.2011 21:48:03

"Шәхри Казан"да гы рәсемендә бик матур елмаеп тора.

№16 (770239) / 11.05.2011 21:45:07

Рузилә, 

ссылкасын да бир инде))))

№15 (770238) / 11.05.2011 21:43:22

фотода гына мачо ул, иркә. җырлаганда карап торышка көдрә башлы авыл малае. ул азнакай, актаныш яклары мачо булып кыланырга яраталар бит инде

№14 (770180) / 11.05.2011 16:18:34

Бу мачоның тавышын тыңларга ссылка бирегез инде.Алайса бәхәсләшәсез, бәхәсләшәсез.. Предметсыз килеп чыга.

№13 (770128) / 11.05.2011 01:55:53

ул җырламый, үкерә. опера тавышын татар яратмый.

№12 (770087) / 10.05.2011 21:26:15

Үзе Джон, үзе Мусин! Үтерә көлдереп Актаныш халкы!

№11 (770083) / 10.05.2011 21:04:16

Этисе Муллаян искиткеч матур жырлый, талант ике яктан да кучкэн егеткэ.Унышлар телим!

№10 (770081) / 10.05.2011 20:38:49

мин бу егетне сэгать буе тынлый алырмын кебек,бик ошый

№9 (770079) / 10.05.2011 20:28:07

Бусы да чибэр чукынчык!
Ничек кенэ карап бетерэсе боларны!

№8 (770073) / 10.05.2011 20:11:29

Ходай биргән өеп: тавышны да, акылны да, көязлекне дә. Әлләкем булыр әле менә әйтте диярсез. Амин.

№7 (770044) / 10.05.2011 12:30:47

А чем не мачо?

Мачо самый настояшший!!!

№6 (770039) / 10.05.2011 11:45:24

Типа мачо бугай...

№5 (770037) / 10.05.2011 11:41:02

Шулкадәр куркыныч фотосын куймасагыз...

№4 (770036) / 10.05.2011 11:09:31

Артур ачылмыйча калды... Биографик белешмә сыман гына булды бу...

№3 (770028) / 10.05.2011 09:54:47

егете шђп, но интервью попсовый стильдђ эшлђнгђн.

№2 (770027) / 10.05.2011 09:53:34

Ђйтегез ђле ул егеткђ, интервьюларында попсалар яратып куллана торган "сер булып калсын" дигђн сњзне кулланмасын, килешми

№1 (770026) / 10.05.2011 07:55:59

Шәп җырчы. Тырыш та икән әле! Афәрин, Артур!

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Диләфрүз
Татарстан Язучылар берлеге
Түгәрәк уен
Татарстан китап нәшрияты
RAFINA/D