Татарлар җомга көн кич белән ял итәчәк

Бик тиздән (озак көтәсе калмады!) "Татарстан - Яңа Гасыр" телевидениесе үзенең яраткан тамашачыларына өр-яңа тапшыру тәкъдим итәчәк. Ул "Җомга киче" дип атала.

Татар эстрадасының әйдәп баручы җырчылары һәм татар юморы осталары катнаша торган музыкаль-юмористик тамаша булачак ул. Федераль каналларда мондый рухта төшерелә торган тапшырулар гаять популяр. Мәсәлән, "Россия-1" каналында "Субботний вечер" программасы чыга. Татар телевидениесендә исә аның ише проектны шимбә кичендә түгел, ә җомга көн кич белән эшләргә булганнар.

Беренче тапшыру 11нче февраль кичендә "Пирамида" концертлар залында язылачак (18 сәгатьтә башлана). Әлеге тамашада сез дә катнаша аласыз. Билетлар – кассада. Касса телефоны: (843) 5-700-700. Иң беренче концертта кемнәр катнаша соң? Менә алар – татарның якты йолдызлары:

– Фердинанд Сәлахов,

– Дилә Нигъмәтуллина,

– Резидә Шәрәфиева,

– Алсу Әбелханова,

– Илсөя Бәдретдинова,

– "Рәхәт-Лукум" төркеме,

– Булат Нигъмәтуллин,

– Бәширә Насыйрова,

– "Казан егетләре" төркеме,

– "Фәридә-Алсу" дуэты,

– Лилия Хәмитова,

– ИлСаф,

– Рәсим Низамов,

– Хәмдүнә Тимергалиева,

– Камил Кәримов,

– Буа сатира һәм юмор театры актерлары,

– "Ахырзаман" сатира һәм юмор театры,

– Татарстан Җөмһүриятенең дәүләт җыр һәм бию ансамбле.

Мәскәүдән Мәликә дә киләсе, ди.

"Җомга киче" тамашасын Алия Җиһаншина белән Данир Сабиров алып барачак.

Билетларны алырга ашыга күрегез! Шәп булачак!