|
|
Бүген кемнәр туган
|
|
Архив
|
16.12.2010 Мәдәният
Филүс Каһиров Башкортстанда «Ел җырчысы» булдыКазан консерваториясе студенты Филүс Каһиров Башкортостанның “Гәлсәр сандугач" эстрада сәнгате фестиваленең йомгаклау этабында "Ел җырчысы" дигән исемгә лаек булды. "Гәлсәр сандугач" телефестивале Уфада тугызынчы ел үткәрелә, һәр елны йомгаклау концертында иң яхшы яшь башкаручыларның исемнәре билгеле була. (Бу фестивальне Казанда үтә торган "Татар җыры"ның аналогы дияргә була). Татар җыр сәнгатендә йолдыз булып калыккан, Рәшит Ваһапов исемендәге Халыкара татар җыры фестиваленең Гран-при иясе Филүс Каһиров "Гәлсәр сандугач"та үзенең яраткан "Китмә, сандугач" (Р. Яхин) җырын башкарды, тамашачылар бисына тагын бер популяр татар җырын - "Җиз кыңгырау моңнары”н бүләк итте. - Һичшиксез, Филүс беренче чиратта үзенең чын моңы, чын сәнгате өчен югары бәһагә лаек, - дип билгеләде журналистлар белән очрашуда проект җитәкчесе Земфира Байбулдина. - Ел дәвамында Филүс Татарстанда да, туган ягы Башкортсанда да гастрольләрдә йөрде, һәм һәркайда аның концертлары чын мәгънәсендә вакыйга, сәнгать бәйрәме буларак кабул ителде. Филүс беркайчан да фонограммага җырламый. Шуның белән сәнгатькә ихлас хезмәт итү үрнәге күрсәтә. Минемчә, соңгы елларда Татарстанда да, Башкортостанда да яшь башкаручылар арасында Филүс Каһиров кебек җитди иҗади казанышларга ирешкән җырчы булмады. Шуңа да Филүскә "Ел җырчысы" исеме бернинди шикләнүләрсез бирелде. Ә аналитиклар үз чиратында Татарстаннан килгән татар җырчысының Башкортстанда үтә торган абруйлы фестивальдә татар җыры белән җиңүен иҗтимагый-сәяси күзлектән дә яхшы фал дип билгели. Бу үзенә күрә татар-башкорт мөнәсәбәтләрендә яңа мәдәни ачыш булды.
--- |
Иң күп укылган
|