Телефоннан сөйләшү

– Туфан абый, исәнмесез.

– Исәнме, Миләүшә. Кәефләрең ничек?

– Аллага шөкер. 24 ендә сессия, Туфан абый. Киләсездер бит?

– Әлбәттә.

– Сау булыгыз, Туфан абый.

– Сау бул, Миләүшә.

* * *

– Туфан  Абдуллович, Сезме?

– Мин.

– Исәнмесез Рөстәм бу. 24 ендә сессия икәнен беләсездер.

– Беләм, Миләүшә әйтте.

– Киләсезме?

– Килмичә ярамас.

– Сау булыгыз.

– Исән бул.

* * *

– Туфан Абдуллович?

– Әйе.

– Госсоветтан Идиятуллин. 24ендә сессия хәбәр иттеләрме?

– Әйттеләр.

– Көтәбез.

– Рәхмәт.

– Сау булыгыз.

* * *

– Туфан Абдуллович.

– Әйе.

– Из Госсовета. 24го сессия. Знаете?

– Знаю.

– Пожалуйста, не забудьте.

– Не забуду.

– Спасибо. До свидания.

– До свидания.

* * *

– Туфан Абдуллович?

– Әйе.

– Здравствуйте. Сессия у нас 24 го.

– Да?

– Ну да. Что, не знали?

– Не знал.

– Обязательно приходите.

– Спасибо что напомнили.

– До свидания.

* * *

– Туфан абый.

– Әү, бәгырькәем.

– Әллә таныдың?

– Танымаска. Сандугач тавышын таныйм мин. Авыл малае.

– Рәхмәт, Туфан абый җаным. 24 ендә сессиядә буласыздыр бит?

– Әбәзәтелне.

– Кил. Барыбыз да сагындык.

* * *

– Туфан Абдуллович, здравствуйте.

– Здравствуйте. Знаю.

– Спасибо. Ждем.

* * *

– Әлү-ү-ү. Нихәлләрдә, Туфан абый.

– Нихәл, Разил.

– Әйттеләрме?

– Әйттеләр.

– Иртәрәк кил. Сөйләшәсе сүзләр дә бар.

– Ярый. Син әйткән – закон.

– Сау бул.

– Пака.

* * *

– Туфан абый, исәнмесез.

– Исәнме, Миләүшә. Кәефләрең ничек?

– Аллага шөкер. Онытмадыгызмы, Туфан абый? Иртәгә сессия.

* * *

– Исәнмесез, Туфан абый. Рөстәм бу. Иртәгә сессия. Онытмадыгызмы?

* * *

– Туфан Абдуллович. Здравствуйте.

* * *

– Туфан Абдуллович...