поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
01.07.2008 Җәмгыять

"ТӨНГЕ КҮБӘЛӘКЛӘР" ҮРЧИ ТОРА, Ә БЕЗ ҺАМАН КҮЗ ЙОМАРГА МАТАШАБЫЗ

Гонорея белән авыручылар саны буенча Татарстанда Түбән Кама беренче урында. Мин килгәндә тире-венерология авырулары диспансеры по­ликлиникасы мөдире Лениза Гайнуллина бүлмәсендә яшь кенә бер кыз утыра иде. Алга таба без аны Оля дип атарбыз (язмада кызларның исемнәре үзгәртеп бирелә). Лениза Фәизовна паспорты да, полисы да булмаган бу кызны (бердәнбер документы – авыл җирлегеннән алынган белешмә) диспансер исәбенә дәвалаулары хакында сөйләде. Мәҗбүри медицина иминияте буенча эшләргә керешкән диспансерда бушлай дәвалану өчен хәзер полисың да, паспортың да булырга тиеш. Юк икән, акча түләргә кирәк. Бу диспансер җитәкчелеген борчуга төшерә, чөнки йогышлы авыру йоктыручыларны дәвалауга тарту әле болай да җиңел түгел. Ә түләү турында сүз кузгатсаң, борылып чыгып китүләрен һәм чир таратуларын дәвам итәселәрен көт тә тор. Шуңа да диспансер түләүле хезмәт күрсәтелә торган косметология һ.б. бүлекләр ачарга мәҗбүр булган. Шулардан кергән акчаны Оля шикелле паспортсыз, полиссыз авыруларны дәвалауга тоталар.

 

Унсигез яшьлек бу кызның интим өлкәсендә тәҗрибәсе шактый: Чистай ягы кызы башта – шәһәрдә, ә аннары Кама Аланына күчкән "VIP-сервис" агентлыгында эшләп алган. Кабаттан шә­һәргә "эш"кә килүенә әле берничә көн генә булган. Чандыр гәүдәле сабыйларча самими карашлы Оляны урамда очрата калсаң, һич тә фахишәлек юлында дип уйламыйсың. Хәер, җенси хезмәт күрсә­түчеләрне соңгы вакытта андый тупас сүз белән атап йөртмиләр, ә заманчалаштырып, "Женщины коммерческого секса", диләр. Оля чирне кемнән йоктыргандыр, хәзер анысын ачыклау мөмкин түгел, әмма аны бүген сифилистан дәвалыйлар.

 

Бирегә Оля кайсы "агент­лык"тан килеп эләккәндер... Бәлки кызларга товар итеп кенә карап, аларны идәндә йоклатып, көне-төне бик астында тотучы "агентлык"тандыр – андыйлары да юк түгел бит. Лениза Фәизовна әйтү­енчә, бүгенге көндә безнең шәһәрдә 20-25 ләп интим хезмәт күрсәтү агентлыгы бар, шулардан "Малинки", "Ассорти" агентлыклары кызлары биредә даими рәвештә түләүле медицина тикшерүе үтә икән.

 

Шулардан берсен тотучы "мамаша" белән сөйләшеп утырдык. Ул үзендәге кызларның аена 70-80 мең сумлап акча эшли алулары, әмма аның өчен аларның клиентларда дәрт уятырлык, теләк­ләрен канәгатьләндерерлек дәрәҗәдә булырга тиешлек­ләре хакында сөйли. Кызларга иң беренче таләп – чисталык һәм аракы-тәмәке ишене кулланмау икән. Аларга солярийга йөрү, маникюр, чәч ясату һәм клиентлар белән әңгәмә кору осталыгына ия булу да шарт. "Мамаша" сөй­ләвенчә, кызлар ай саен мәҗ­бүри рәвештә тире-венерология диспансерында җенси авыруларга тикшеренү узалар, табибның җенси тормышка кагылышлы киңәшләрен, аңлатуларын тыңлыйлар, тиешле әдәбият белән танышалар.

 

– Газета укучылар арасында безнең клиентлар да булмый калмас, языгыз әле, кызларны "резинка"сыз ятарга мәҗбүр итмәсеннәр, – дип дәвам итә сүзен "мамаша". Кыз­ларны даими рәвештә медицина тикшерүе уздыруыбыз да (ә ул түләүле) клиентларның, ягъни ирләрнең сәламәтлеген кайгырту өчен эш­ләнә бит. Агентлыкларга да ирләр күңеленә хуш килү бе­лән бергә, уйлый да белүче, культуралы кызлар кирәк. Әмма аларны беркем дә кулларыннан җитәкләп алып килми. Безгә килгәнче әллә кайчан үзләре шул юлны сайлаганнар икән, тапкан акчаларын сырага, юк-барга туздырмасыннар. Аларга мин, югары белем алу өчен акча туплагыз, дип әйтеп киләм. Ерак шәһәр­ләрдән килгән бер кызның бәләкәй баласы әти-әнисе янында калган. Кассага үзем алып барып, акчасын баласына салып җибәрдек. Агентлык оештырырга мине тормыш мәҗбүр итте. Үзем ана кеше буларак, бу кызларга мөнә­сәбәтем аңлашыладыр.

 

Аның агентлыгында әле­гә алты кыз бар, алар Чаллы, Ижевск, Магнитогорск һ.б. шәһәрләрдән килгән. Йомры, таза гәүдәле, бит очлары чокырланып торучы сөрмәле күзле Галя – Чаллыдан. Егерме бер яшьлек Галяның өч яшьлек баласы бар. Чаллыда әби-бабасы янында яши. Галя үзе кияүгә иртә чыккан. Хәлле кешеләр баласы. Унсигезе тулуга, әтисе машина бүләк иткән. Чаллыдагы кечкенә гаиләлеләр торагында аерым бүлмәсе бар. Ире белән ике ел яшәгән. Галя үзенең көннәр буе өйдә бала карап утыруы, ире эштән кайтуга үзен урынга сөйрәүдән башкасын белмәве турында сөйли. Ул андый тормыштан туйганлыктан, иреннән китә.

 

"Үз рәхәтлегем өчен яшим", – дип әйтүче Галяның клиентлары арасында 15 яшьлек малайдан алып 70 яшьлек бабайга кадәр бар икән. Әле җенси яктан өлгереп җит­мәгән үсмернең, табын әзер­ләп, саунага тәүлегенә ике-өч мәртәбә чакырткан чагы да була, ди. Әтисе акчасына яшәгән малайга ул хакта уйларга иртәрәк булса да, күрәсең, иптәшләре алдында мактану теләге көчледер. "Ике көннән операциягә керәм, акчам юк, өйдәге уйнаткычны булса да бирермен, дип шалтыратучы картны жәлләп, янына агентлыктан Галяны җибәргәннәр. Фатирларындагы аулак вакыттан файдаланып калырга ашыгучы ирләр белән урында аунаганда хатыннарының кайтып керү очраклары да булгалаган. Тузынучы хатыннарга җанкисәкләренең үзен агентлыктан чакыртканлыгын әй­теп, чыгып китү җаен ка­рау­чы Галяны "акчаны калдыр" дип кычкыручы хатын тавышы озата... Клиент агентлыктагы кызлар хезмәте өчен тиешле акчаны кызны алып килүче тән сакчысына ал­дан ук биреп куя икән. Га­дәттә, кызларны шофер һәм тән сакчысы озата бара. Клиентның ялгызы булуына ышан­гач кына билгеләнгән вакытка кадәр кызны калдырып китәләр.

 

Без сөйләшеп утырганда да "мамаша" кесә телефоны тавышына әллә ничә мәртәбә бүленде. Алдындагы калын дәфтәргә чираттагы клиентның адресын язып, "озын аяклы, озын буйлы, 42 нче үлчәмле күлмәк кия торган блондинка"ны аның янына алып барырга кемгәдер күрсәтмә бирергә дә өлгерде. Хатыны вакытсыз кайтып кергән клиент заказына "отбой" да бирде...

 

Бу язманы укыгач, арагызда мине эттән алып эткә салып сүгүчеләр дә, оятсыз, дип төкерүчеләр дә булыр. Әмма аңа карап кына тормыш чынбарлыгыннан качып булмый. Тән сәүдәсе белән шөгыльләнүчеләр бездә элек тә булган, хәзер дә бар, бар гына түгел, ә гөмбәләрдәй үрчи. Төн караңгылыгында "Кама" кунакханәсе тирәсенә елышучы, олы юл кырыенда басып торучы "мәхәббәт күбәләкләре"н еш күрергә була. Бәлки дөрес тә фикер йөртмимдер, әмма, бер караганда, аларга рәсми рәвештә эш итәргә рөхсәт бирелсә, дәүләт казнасына күпме акча керер иде. Ә болай, ул хакта сүз кузгатуны да оят, хурлык эшкә санап, мин дә, сез дә күз йомганга карап кына фахи­шәлек тукталамы? Юк! Киресенчә, соңгы дистә ел эчендә ул инде бизнеска әйләнде. Һәм, әйтергә кирәк, бик тә табышлы бизнеска! Инде "досуг агентлыклары"ның Татарстан буенча белешмәләр хезмәте да бар икән. Төн сәүдәсенә чик куеп булмый икән инде, дәүләт үз күзәтчелеге астына алсын. Шулай эшләгәндә, бәлки бу хакта ачыктан-ачык сөйләнелер һәм яшертенлек калмаганлыктан (монысы – иң мөһиме), ата-аналары да кызларының ни белән шөгыльләнүләрен белеп торырлар иде.

 

Монда мин читтә сөяркә тотып яки эчеп исергән саен очраклы танышлар белән аунап, хәләлен ут йоттыручылар аркасында дистәләгән, йөзләгән гаиләләрнең сәла­мәтлеге дә, иминлеге дә куркыныч астына куелуы хакында сүз куертып тормыйм. Аны­сын үзегез дә күреп торасыз: йә күршегез, яки туганыгыз, яисә үзегезнең башыгыздан кичә торган хәлләр бит. Йә, шулай түгелмени?

 

P.S. Язманы газетага бирергә әзерләгән вакытта тире-венерология диспансерыннан шалтыратып, Оляның дәваланып бетмичә стационардан качып китүе турында хәбәр иттеләр. Фахишәләр хезмәтеннән файдаланучы ирләр бу хакта белеп торсыннар, дип язуыбыз.

 


Фирая МОРАТОВА
Ватаным Татарстан
№ 129-130 | 28.07.2008
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»