|
|
Бүген кемнәр туган
|
|
Архив
|
10.11.2010 Җәмгыять
“Авылның сәләтле 100 баласы – 2010” җиңүчеләре билгеле булдыАкциянең лауреатлары - төбәкара һәм илкүләм олимпиада, интеллектуаль бәйгеләрдә уңышка ирешкән авыл укучылары. Аларның барысы да Татфондбанк пластик карталарына ия булды. Анда ел дәвамында ай саен 1 мең сум стипендия күчеп барачак. Моннан тыш, стипендиатларны әзерләүдә үзләреннән зур өлеш керткән иң лаеклы укытучыны да кыйммәтле бүләк көтә. Әлеге чара Татарстан Авыл хуҗалыгы һәм азык-төлек министрлыгы, Татарстан Мәгариф һәм фән министрлыгы ярдәме белән үткәрелә. Аның максаты – авыл җирлегендә яшәүче сәләтле балаларга һәм аларның укытучыларына булышу. 2010 елның апрель аеннан 30 сентябрьгә тикле 7-11 сыйныф укучылары акциянең оештыру комитетына гаризалар җибәрде. Быел, узган елдан аермалы буларак, җиңүче исемлегенә 450дән артык катнашучы дәгъва итте, ягъни 30 процентка күбрәк. Акциянең шартлары буенча Татарстанның 43 районының һәрберсеннән бер генә бала булса да катнашты. Яшь вундеркиндларны акциянең иҗтимагый советы бәяләде. Быел аны Татарстан Авыл хуҗалыгы һәм азык-төлек министры, премьер-министр урынбасары Марат Әхмәтов җитәкли. Шулай ук Татфондбанк советына Татарстан Мәгариф һәм фән министры Альберт Гыйлметдинов, КФУ ректоры Илшат Гафуров, ТР Фәннәр академиясе әгъзасы Җәүдәт Сөләйманов, “Республика Татарстан” мөхәррире Александр Латышев, язучы Роберт Миңнуллин, Фәннәр академиясе президенты Әхмәт Мәзһәров кебек республиканың танылган шәхесләре керде. Җиңүчеләрне бүләкләү тантанасы 22 ноябрь көнне Казанда узачак.
--- |
Иң күп укылган
|