• 22.10 Бизнес-форум (Радислав Гандапас, Маршалл Голдсмит, Аллан Пиз), Казань, «Korston Club Hotel».
  • 26.10 "Ут чәчәге" премьерасы. Кариев театры. 18.30
  • 30.10 ШТК югары лигасы. Уникс. 19:00
  • 01.11-05.11 Гүзәл Уразова һәм Илдар Хәкимов. Уникс. 18:30
  • 02.11 "Мин Үзгәрдем SHOW". Лилия Хәйруллина концерты. Махсус кунаклар: Нурминский, Хаким. Эрмитаж. 19:00
Туган көннәр
  • 21 Октябрь Раил Шәмсуаров
  • 21 Октябрь Фәйзи Гаскәров (1912-1984)
  • 21 Октябрь Рауза Әхмәрова
  • 21 Октябрь Илдус Зиннуров
  • 23 Октябрь Марсель Зарипов
  • 23 Октябрь Дания Гыймранова
  • 23 Октябрь Ленар Сәйфиев
  • 24 Октябрь Софья Гобәйдуллина
  • 24 Октябрь Рәис Шәйхелисламов
  • 26 Октябрь Раил Өметбаев
  • Казань. Сниму изолированную комнату в 2-х комнатной квартире на долгий срок, заселюсь 24-25 октября, районы советский, вахитовский, частично московский, в пределах 6-7 тыс все включено. Чистоту и своевременную оплату гарантирую, без вредных привычек. Связаться можно по ватсапу 89033532034.
  • Булмэгэ иптэшкэ бер егет кертэм. Мавлютова урамы. 89274433797
  • Зурларга 3ле (памперслар, пролежной матрас, инвалидное кресло ) сатыла кыйммэт тугел 89393972773
  • Казанның Новоселье урамы 4 йорт адресы буенча вакытлыча яшәп тору өчен 2 бүлмәле фатир тапшырыла. Мәйданы 58 кв.м. Җиһазландырылган, табак-савытлар да бар. Кер юу машинасыннан башка барлык техника куелган. "Глушко" тукталышына 5 минутлык юл. Якында гына кибетләр, мәктәп, балалар бакчасы. Яшь гаилә, тәртипле татар кызлары варианты беренче чиратта карала. Түләү айга 13000 сум+ ЖКХ түләүләре. Килешү өчен телефон: +79173960491 (Марат)
  • Дәүләт архивлары чыганаклары буенча шәҗәрәләр төзим. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 5 елдан артык. Тел./Ватсап: 8–917–874–16–40 Tongekuk@gmail.com Дамир Шәйхетдин. Чаллы
  • Казан шэхэре Ново Савин районында ике булмэле квартир сдавать итэм озак вакытка. Тел.89520460614
  • Угез ите сатыла 280 сумнан. Актаныш. 89063247545
  • Авиатозелеш р-нында 6 сотка жир сатыла. Ой хэм свеча очен фундаменты, сарае бар. Участокка кадэр асфальт юл, кыш коннэрен хэрчак юллар чистартыла. Ел эйлэнэсе яшэучелэр куп, куршелэребез дэ шунда кышлый. 89377752225
  • Яхшы хәлдә погрузчик сатыла. Актаныш 89196399203
  • Тана ите 280 ботлап Актаныш 89376101008

 

 

 
Архив
 

20.08.2010 Дин

“БАШКАЛАРНЫ КОТЫРТУ ӨЧЕН ЭШЛИМ”

Күптән түгел Интернет челтәрендә татар телле www.musulman.su сәхифәсе эшли башлады. Моңа кадәр дини теманы яктырткан татар сайтлары булмады. Ислам турында сөйләүче, язучылар барысы да урысча, ике вариантлы итеп ясалган булсалар да, татар теленә игътибар шулкадәр генә иде.

Мusulman.su да төрлесе бар – яңалыклардан башлап актуаль темаларны күтәргән мәкаләләргә һәм видеоязмаларга кадәр. Моннан тыш “Иман” мәркәзе www.imantv.su адресы буенча ике телдә “Иман” радиосын эшләтеп җибәрде. Бу гына түгел, шушы ук исемдә дини телевидениенең оештыру эшләрен төгәлләп киләләр. Радио да, телевидение дә әлегә тест режимында эшли, шулай да, интернетка тоташучылар имамнарның вәгазьләрен, мөнәҗәтләр тыңлый ала. Боларны оештырган Вәлиулла хәзрәт ЯГЪКУБтан бу эшләрнең перспективасы турында сораштык.

 

– Без имам, хәзрәтләрне мәчеттә вәгазьләр укучы, мәдрәсәләрдә белем бирүче итеп күзалларга күнеккән. Бик сирәкләре генә актив тормыш алып бара, китаплар, медиапродукция чыгара, җәмәгать эшләре белән шөгыльләнә. Сезне барысы да күпләп дини әдәбият чыгаручы буларак белә, соңгы вакытта интернетта да эшчәнлегегезне алып барасыз. Социаль челтәрдә актив язышасыз, үз сәхифәләрегезне дә булдырдыгыз. Татар телендә дини сайт ачуга нәрсә этәрде? Бу эштә кемнәр булыша?

 

– Ислам турында татарча сайтлар булмауга гаҗәпләнә идем, бу турыда матбугат битләрендә дә, гамәли конференцияләрдә дә һәрвакыт чыгыш ясадым. Күпме сөйләдек бу теманы, чәйнәдек, ләкин “Әйе, кирәк” диләр, тик моның белән берсе дә шөгыльләнми. Бернинди алга китеш булмагач, мәсьәләне үзебезгә хәл итәргә туры килде.

 

Шәхсән үзем рухият белән бәйле текстларның урысчага караганда туган телдәгесен укырга яратам. Йомшак, нечкә текстлар елап укыла, йөрәккә тия. Ә урысча корырак килеп чыга. Шөкер, яңа сәхифәләребез белән кызыксынучылар бар. Ачылу белән тотрыклы кулланучылар даирәсе хасил булды. Көн саен дистәләгән кеше кереп карый, бу күңелне күтәрә.

 

Ресурста барысы да бар. Яңалыклар элгәндә Татарстан белән генә чикләнмибез, чит илләрдә яшәүче мөселман кардәшләрнең дә тормышы кызык. Без интерактив аралашуны да булдырдык. Киләчәктә татар телле ислами интернет ныклап үсеш алачагына иманым камил. Интернетка җитди караш ныгый бара, аның тормышта кулланылышын үстерү кирәклеген җитәкчеләр дә аңлый. Соңгы берничә ел эчендә бөтен авыл мәктәпләрендәге компьютерларны интернетка тоташтырдылар, моның тәэсире сизелә. Безнең ресурска яшүсмерләр керә, 12-13 яшьлек кызлар-малайлар яза, аралашабыз. Кызыксыналар, сораулар бирәләр.

 

ТР Диния нәзарәте белән бергә “Таян Аллага!” дип исемләнгән әдәби конкурс игълан иткән идек, Ураза гаетенә аның җиңүчеләрен билгеләячәкбез. Безгә 100 дән артык ислам белән бәйле драма, чәчмә әсәр килде. Катнашучыларның иҗат җимешләрен безнең сайтта аерым сәхифәдә күреп булачак. Бәлки, ул аерым сайт булып дөнья күрер. Классик язучыларыбызның да исламга кагылышлы әсәрләре бик күп. Бу татар шигъриятендә дә көчле чагыла. Халык алар белән танышып, ул әсәрләргә яңача караш булыр дип өметләнәм.

 

Бу ресурсны “Иман” мәркәзе эшли, быел безнең эшчәнлеккә 20 ел тула. Бу вакыт эчендә зур күләмле архив тупланды. Аны электрон форматка күчереп киләбез, ул да интернетта урын алачак.

 

Бу перспективалы эш, вакытында алынганбыз дип Аллага шөкер итәм. Күпләр бүгенге вәзгыятьтән чыгып эш итә, ә без динамиканы күрергә тырышабыз. Интернет челтәрендә утыручыларга күптөрле һәм төрле телләрдә мәгълүмат тәкъдим итү мөһим. Ислам дине турында сәхифәләр урысча гына түгел, татарча да булырга тиеш.

 

– Рамазан аенда “Иман” радиосы тыңлаучылары арта төшер...

 

– Ике радио да әлегә тест режимында эшли, тотрыклы рәвештә эшли башлауга күп вакыт калмады. Безнең фонотека архивында 90 нчы еллардагы вәгазьләр дә бар, алар музей экспонаты кебек кадерле мирас. Ядкәрләребез киштәләрдә тузан җыеп ятмасын, булганнарын эфирга бирә барабыз. Биредә абруйлы хәзрәтләрнең вәгазьләре яңгырый, мөнәҗәтләр белән үрелеп бара. Урысча радиолар күп, ислам тематикасына кагылышлылары да бар. Ә менә ислам турында сөйләгән татарчасы уникаль, без бердәнбер һәм беренче бу өлкәдә.

 

Рамазан ае дәвамында оештыру мәсьәләләре хәл ителеп бетәр дип уйлыйм. Рамазан бәрәкәтле ай, Ходай ярдәм итәр дип ышанабыз. Ураза ае дәвамында тыңлаучыларыбыз андагы үзгәрешләрне сизә башлаячак. Биредә алып баручылар да булачак, исламга кагылышлы актуаль яңалыкларны җиткерәчәкбез, аерым тапшырулар, туры эфирдагы интервьюлар каралган, көнүзәк проблемаларга кагылу, мөселманнар тормышын яктыртуны планлаштырабыз. Радионың әдәби-музыкаль үлчәме дә булачак, ләкин барысы да дини төсмердә барачак, хәләл музыка яңгыраячак. Әлбәттә, төп басым вәгазьләргә ясалачак. Кыскасы, тиздән ул тулы канлы радио булып эшләячәк. Бүген дин өчен көрәш бара, динебезне бозып аңлатучылар бар, чын хакыйкый ислам өчен радио эфирында да көрәшәчәкбез.

 

Безнең арттан иярүчеләр булыр, ислам тематикасын яктыртучылар табылыр дип өметләнәм, без күбрәк булган саен яхшырак. Мин моны башкаларны котырту өчен эшлим, мәйдан бар, әйдәгез, егетләр, эшләгез дип әйтәсем килә.

 

– Күпчелек радионы гадәти радиоалгычлардан тыңларга күнеккән. Өйдә, машинада тыңларга мөмкин. Интернет радионың бер уңайсыз ягы бар: аны компьютерда интернетка тоташкан килеш кенә тыңлап була. Сирәкләре “Азатлык”тагы тапшыруларны яздырып алып, соңыннан плеердан тыңлый. Сез “Иман” радиосын нинди максат белән ачтыгыз? Аны кызык, дәрәҗә өчен булдырдыгызмы, әллә Интернет радиолары FM ешлыгында эшләүчеләрне кысрыклап чыгарыр дип уйлап, алга карап эш итүме бу?

 

– FM дулкыннарында эшләү читен, ешлык алу мөмкин түгел, моңа күп акча кирәк. Без иртәгәгә карап эшлибез. Менә күрерсез, күп вакыт узмаячак, радионы интернеттан тыңлый башлаячаклар, эфир радиолары үзеннән-үзе юкка чыгачак. Чит илләрдә бу гадәти күренеш, анда машиналарда интернетка тоташып була.

 

“Иман” мәркәзе һәрвакыт сукмак салучы, башкаларга юнәлеш күрсәтүче булды. Совет заманында дини нәшрият булдырдык, халкыбызга меңнән артык исемдәге китап бастырдык. Безгә кадәр дини нәшриятлар юк иде, ә хәзер ислам юнәлешендә эшләүче дистәләгән нәшрият барлыкка килде. “Иман”, “Сәламәтлек”, “Сердәш”, “Бакча” һ.б. газеталар басылды. Аларның тиражлары 50 меңгә кадәр җитә иде. Ихтыяҗ барлыгын башкалар да күрде, бүген күпләр хосусый газеталар чыгара. Бу юнәлештә халыкка хезмәт күрсәтүчеләр артты. Китапларыбызның сыйфаты да яхшыра бара. Кирилл хәрефләре белән Коръән-Кәрим, 600 битле хәдисләр китабы чыкты, дини календарьлар бастыруыбызны дәвам итәбез. Шушы арада каты тышлы, төсле “Рамазан. Ураза” исемле бик матур китап дөнья күрде. Арзанлы догалыклар, намаз уку тәртипләре язылган китапчыклар, белешмәләр чыга.

 

Иманым камил, татарча дини сайтлар да барлыкка киләчәк, эшләп була икән дип тотыначаклар. Радионы эш булмаганлыктан, җиңеллектән ясамадык, эшләдек, эшләргә мөмкин икәнне башкаларга да күрсәтергә теләдек. Башта рецепт күрсәтергә кирәк. Дәртле талантлы яшьләр бар, безгә карап алар да шундый ук продуктларны булдыра башлар, үзара конкуренция барлыкка килер. Нәтиҗәдә сыйфатлы радиолар хасил булыр. Интернет мөмкинлекләре татар ареалында аз файдаланыла. Кыенлыклар булса да, алар хәл итәрлек.

 

– “Иман” телевидениесе ничек эшләячәк? Әлегә анда да татарчасында вәгазь күрсәтелә. Мәсәлән, җомга намазыннан туры трансляция булачакмы? Чит төбәкләрдә яшәүчеләргә бу бик уңайлы булыр иде. Мәсәлән, моны “ТНВ” эшләми.

 

– “Иман” телевидениесе тест режимында эшли. Әлегә интернет каналга тарихи язмаларыбызны гына эләбез. Бу аз. Видеопродуктлар җитештерүчеләр белән килешүләр төзеп, аларны тапшыруларга кую эшләре белән мәшгульбез. Заманави телевидение казанышларын эшкә җигәчәкбез. Туры эфирда эшләүгә басым ясаячакбыз, интерактивка игътибар биреләчәк. Җомга намазларыннан туры трансляцияләүне көйлиячәкбез, бу планда бар. Туры эфирда сөйләшүләр, әңгәмәләр булачак, сорауларга җаваплар яңгыраячак. “ТНВ”га сүз тидерәсем килми, объектив сәбәпләр аркасында алар кирәк кадәр ислам тематикасына игътибар бирә алмый, эфир сеткасы кысан. Шулай булуга карамастан, даими рәвештә татар телендә “Нәсыйхәт” һәм “Җомга вәгазе” тапшырулары күрсәтелә. Урыс телендә “Актуальный ислам” эфирга чыкты. Елдан-ел “ТНВ”да мөселман сегменты үсә бара. Гаетләр трансляцияләнә. Без “Иман” тапшыруларында исламны пропагандалауда бөтен мөмкинчелекләрне кулланырга тырышачакбыз.

 

– Бездә “ТВТ”, “Диван.ру” кебек кабель каналлар бар. “Иман” телевидениесен аларның пакетына кертү турында уйлаганыгыз юкмы? Аннары соңгы елларда федераль дәрәҗәдә эшләүче ислам каналы турында күп сөйлиләр, Медведев та булыр дип вәгъдә итте, ләкин алга китеш сизелми.

 

– Кабель телевидениесе пакетына керү – безнең хыял. Шуңа омтылырга тиешбез һәм аңа кадәр үсә алырбыз, мөгаен. Сыйфатлы продукт тәкъдим итә алсак, алар үзләре үк кабель пакетка керүебезне сораячак. Русиядә 3 федераль православие каналы эшли, алар төрле спутник һәм кабель телевидениесе аша трансляцияләнә икән, әлбәттә, ул да бездә булырга тиеш. Әйе, 24 сәгать буена ислам каналы кирәк, моны булдырыгыз дип җитәкчеләрдән сорыйбыз. Ләкин берсе дә буш урында эшли башламаячак. Башта үзебез эшләп күрсәтергә тиеш. Аннары сынау үткәч, “Менә, әфәнделәр, мөселман каналын эшләдек, бер дигән, аны зуррак масштабларда башкарып була!” дип федераль каналга кадәр үстерү буенча конкрет мәсьәләләр турында сүз алып бара башларга мөмкин. Нигез булуы мөһим. Булдыклылыкны дәлилләү үзебездән тора. Мәскәү белән сөйләшкәндә күрсәтерлек продукт булырга тиеш. Зур әйбер кечкенәдән башлана.

Римма БИКМӨХӘММӘТОВА
Ирек мәйданы
№ 7 | 13.08.2010
Ирек мәйданы печать

 
comments powered by HyperComments

Фикерләр

№34 (69547) / 03.02.2011 15:04:30

Кактус инде аптырагач узен мактау нияте белэн башка исемдэ чыккан))))).Эйе шул,кешегэ акыл ойрэтер алдыннан башта узен акыллы булырга,уз гаилэндэ тэртип сакларга кирэк.Узендэ булмаганны кешегэ бирергэ кызганыч тугел.

№33 (69545) / 03.02.2011 14:19:01

Татарлар уз телен хэм динен саткан халык ул... Ни очен татар балалары русча сойлэшеп йори, куплэре хэтта эти-энилэре белэн дэ русча сойлэшэ... Кавказлар, чеченнар алар молодец!!! Аларга ни генэ эйтсэлэр дэ, диннэреннэн, теллэреннэн тартынмыйлар!!! Татарстандагы мэчетлэрнен дэ кубесендэ нэкъ менэ шул як кешелэре остенлек итэ... э безнекелэр донья куа, узлэре эйткэнчэ "картаерга" ашыкмый... Татарга хоть анлат, хоть юк ан,а....

№32 (52669) / 24.08.2010 19:26:45

Керпе.

№31 (52623) / 24.08.2010 10:57:35

Кактус. Мин сине жәлләп куям. Мин язарга мастер түгел, гел мондагы спорларны читаю только. Не выдержал, әйтмичә булмый.Тырышып та куясың кешеләргә динне аңлатырга. Син не видишь что ли, Иркә, Соры корт, Нух кебекләрне кендектән түбән урыннар гына кызыксындырганын.
Менә бездә Москвада да татарлар мәчеткә йөремиләр. Урыслар белән кавказ халкы күбрәк.
Чынлап әйтәм Кактус, сүзеңне һәм вакытыңны әрәм итмә боларга! Аларга инде син хаклыкны аңлата алмассың.

№30 (52611) / 24.08.2010 09:14:54

*
Нәрсә, Иркәне бәйгә куймачы идегезме әллә? Богаулар заманасы узды шууул!))))
Кактус, сезнең язмаларны укыган саен, О.Кириеваның сүзләре ныгырак дәлилләнә, һаман \"мин абсолют дөрес, калганнар кеше түгел\". Барыбыз да кешеләр арасында яшибез, БЕРӘҮГӘ дә кешеләрне сортларга бүлү хокукы бирелмәгән. Коръән аятьен абсолют дип чутлыйсыз икән чутлагыз ( Коръән аятьләең интерпретациясен, чөнки мин үзем, ул аятләрдә башка, сезнекеннән аермалы мәгънә күрәм), ләкин үзегез аңлаган мәгънәгә таянып, башкаларны кимсетмәгез!...

№29 (52605) / 24.08.2010 04:34:49

Тагы Иркә бәйдән ычкынган....

№28 (52602) / 24.08.2010 00:20:12

Аллага шөкер, муллага төкер...

Белеп әйткәннәр икән өлкәннәребез)))

№27 (52594) / 23.08.2010 23:17:39

Иркә

№26 (52590) / 23.08.2010 23:13:15

Кактус, мин ноктаны да син дип уйлап торам әле. Мин Фәрхәт белән сөйләшәсе иткән идем. Синең белән не хачу! Они скоты дигән анда, эй , кто обожествил свою прихоть, вы -скоты димәгән. Син Аллаһв тәгалә түгел, ул да турыдан -туры син хайван димәгән. Тәрбия җитмидерме, нәрсәдер юк инде синдә Кактус. Гомумән, призваниең рухи әйберләр белән шөгыльләнү түгел. Кабатлар әйтәм, өлгермәгән әле син аңа, үзеңә тулып җитмәгән рухи байлык. Причем бик күп.

№25 (52549) / 23.08.2010 17:06:12

О.К = Ольга! Инде ничәнче тапкыр: \" мине хайванга чутлыйлар\", кебегргәк сүзләр белән ташланасың. Әлбәттә бу таш минем бакчага ташланган икәнен аңлыйм. Әмма мин бер кешене дә \"хайван\" дип атаганым юк. Бары тик Коръәннән аять китердем, бу юлы русчасын китерәм: \"Видел ли ты того, кто обожествил свою прихоть? Разве ты являешься его попечителем и хранителем? Или ты полагаешь, что большинство их способны слышать или разуметь? Они - всего лишь подобие скотов, но они ещё больше сбились с пути\". (25. 43,44.)
//Үзем дини, үз динемне тотам, сезнең кебек башкаларны ХАЙВАНга чутламыйм!//
Тот динеңне, рәхәтләнеп тот, сине бит берсе дә Аллаһыга буйсынучылар юлына (Ислам диненә) мәҗбүриләп кайтарырга тырышмый.
//Америка һәм Европа илләре исламны агрессив дин дип дөрес әйтәләрме әллә? Үзен дини дип чутлаганнарның барсының комментарииясендә мөселман булмаганнарга ненависть ярылып ята. //
Әйе, Америка да, Европа да исламны агрессив дин ясап күрсәтергә тырышалар. Чөнки бөтендөньядагы күренекле галимнәр ислам диненең бердәнбер дөрес дин икәнен аңлап исламга кайталар. Галимнәр исламга кайтканын күреп гади халык та исламга кайтудан куркалар. Шуның өчен исламны агрессив дин ясап күрсәтәселәре килә. Чөнки \"мутной воде рыбу ловить легче\".
Чынлыкта исә без тарихтан беләбез, Джордано Бруноны һәм аңа чаклы бик күп галимнәрне \"Җир түгәрәк һәм Кояш тирәли әйләнә\", дигәннәре өчен чиркәү әһелләре утта яндырганнарын (1500 - 1800 еллар арасында 30000 кешене чиркәү әһелләре яндыралар). Ә менә моннан 1400 ел элек иңгән Коръәндә Аллаһы Тәгалә әйтә: \"Аллаһы күкләрне һәм Җирне яралтты...Төгәл тәртип белән үз орбитасында йөзүче Кояшны һәм Айны сезнең файдага кылды. Төнне һәм көнне сезгә уңайлы итте. Ул сезгә ни теләсәгез шуны бирде. Дөреслектә кеше ул - залим, аның уе гел көферлектә\" (14. 32-34)
Баксаң, Аллаһы Тәгалә безгә астрономия фәнен өйрәнергә кушып, Үзе Җир, Кояш Һәм Айның үз орбиталарында хәрәкәт иткәннәрен әйтеп биргән, Ә чиркәү әһелләре әле моннан 300-400 ел элек тә фән эшлеклеләрен яндырганнар. Менә шуннан соң да исламны агрессив дин итеп күрсәтергә тырышалар.

// Гомумән, ислам белән дин әһелләрен бутарга ярамый. Әйе бездәгеләр гарәпләрне кабатлыйлар 9чөнки алар акчасына кайтты ислам), яки әбиләреннән күргәнне кабатлыйлар. Тик аларның тотышы ислам белән бәйле түгел. Алар гарәпләрдәге феодализм җәмгыяте мөнәсәбәтләрен, бездә колониаль чор мөнәсшбәтләрен кабатлыйлар.//

Иркә иркәм, синең дин турында сөйләүең, ат дагалаганда бака ботын кыстырган кебек килеп чыккан әле бу юлы.

№24 (52531) / 23.08.2010 16:46:48

мин дә единыйларга бирмим тавышны. Ни за что! Гаиләм дә шулай уйлый.

№23 (52527) / 23.08.2010 16:42:31

әлбәттә тел мәсьәләсендә Метшиннан таләп итеп булмый. ул аңа гына килеп терәлмәгән. аңа ул кирәк тә түгел. белми бит ул телне *. ярар чурт с ним.

эчкәнен белмим малай, мәҗлескә чакырганы юк бит.
урлаганын да белмим,кесәмнән кереп алмагач.но сез анысын яхшырак беләсез булыр.ни дисәң дә бер тирәдә!
Мин бит ни *, болай гына! ни өчендер сез башкаларның авызын томалап утырганыгыз өчен генә әйтүем. дөрес кемнәргәдер, ни Исхаков ни Метшин.миңа да шул исәптән. Ләкин сайлауларда сайларга җыенмыйм единоруссларны!(впрочем тегесендә дә аларга тавыш бирмәдем. барлык танышларым диярлек каршы булсалар да үттеләр тагын, сайламаучылар шактый иде бит) беләм минем тавыш хәл итмәячәк бернәрсәне дә, җиңәчәкләрен дә беләм. просто үземнең намусым тыныч булсын өчен генә.

вполне сурезне яздым, көлке тоелса да!

№22 (52522) / 23.08.2010 16:11:40

+ Күке.
Монда язганнарның 85-90% серезно итеп кабул итә алмыйм. Шуңа несурезно языла. Какой вопрос ,такой ответ.

№21 (52521) / 23.08.2010 16:03:21

Күке.
Күпме мэрлар алмашынды,Исхаков булды,Митшин эшли,ни кирәк?
Митшинның начар ягы нәрсәдә:аракы эчеп казна акчасын туздырамы,урлыймы,эшләмиме,
развраттамы?

Әйтегез,аңлатыгыз неграмотному.
Ачыгыз күзне,ялгышамдыр может. Сразу - атака, Булмый бит инде болай..
Кемгәдер властка килергә комачаулый ,аны очернить итәләр икән,бу эле начар мэр дигән сүз түгел.
Аңлатыгыз ялгышсам,Күке!!!

Переменаларга килгәндә,тагын кабатлыйм:
Нищим пожары не страшны! Пусть боятся те,кому есть терять.

№20 (52517) / 23.08.2010 15:33:39

Метшин турындагы язмагыздан укып та сезнең илдә үзгәрешләр булу мөмкинлегеннән куркуыгыз ачыкланды.
сезне шушы тормыш бик яхшы канәгат ләндерә,(сезнең өчен шатланмый мөмкин түгел) башкаларныкы турында уйлыйсыгыз килми. тагын 10-15 елдан ни кадалып китмиләр шунда, әйеме*?
чөнки әлегә сезгә рәхәт, мөмкин кадәр каерып калырга кирәк тынычлык булудан файдаланып!( ә алмашынып китсәләр, алла диген)
Сезнең җитәкчеләрдән ни Иркә,ни Кигәвен Ни Фәрхат утраулар, яхталар сатып алырлык акчалы эшләр, мәшәкат сез тормыш таләп итмиләр бит! алар бары тик ике дәүләт теле булган республикада татар теленең дә тиешле югарылыкта булырга тиешлеген генә тәкрарлыйлар!
шулай булгач нигә алар авызына яулык ябарга соң?

монда артистлар гайбәтен генә сатсалар,,да чүп булыр иде. ләкин бу арада җитди бәхәс бара бит әле!

№19 (52510) / 23.08.2010 14:52:51

Арыдым күке. Иркәнең мин-минлеге,во где. Бетенесенә тыгыла,бетенесенә аның әзер җавабы бар(дөрес булмаса да,сорауны үзе аңлап бетермәсә дә). Чыннан да бездә берәү бар иде,сорауны биреп бетермиләр ,аның җавабы әзер.Мескен-акылы белән зәгифләнде. Иркә дә шулай була күрмәсен иде диүем.
Мин Иркәнеңбашка темаларга язганын укымыйм,буш сүз юк сүз,диндә "белдекле булуы" гына тенкәгә тиә...

Күке без бер чамада бугай,сезнең б/н....

№18 (52498) / 23.08.2010 12:58:14

халыкны контрольдә тоту өчен генә, хөкүмәт дингә мөрәҗәгать итә кебек тоела шул кайчак,миңа да.

*! мин сезне артык уйланмый торган кешегә ошатам. бәлки әйбәттер дә башыгыз авыртмый. гел бер үк төрле авторларны укыйсыз, гел бер үк кешеләр белән аралашасыз. армадыгызмы?

№17 (52488) / 23.08.2010 11:36:45

Иркә №16

№16 (52486) / 23.08.2010 11:13:22

*, син дә белгәнеңне яз.
Тиз генә авыз каплар идегез дә бит, дөнья алга бара. Авыз каплап, кеше мыскыл итеп кенә алга барып булмый. Шунлыктан ноктага гына калгансың инде.Тик нокта-нокта инде ул, ни әйтсә дә.

№15 (52484) / 23.08.2010 10:52:04

+ Иркә, сез "шипке умная". Нинди "акыллы кеше"! Нигә тотынсада булдыра,ул гына барсын да белә. Үз-үзеңә сорау биреп караганың юкмы үзеңнең,берәр төре авыру түгелме икән бу. Бездә шудай берәү бар иде эштә,психушкада калды....

№14 (52483) / 23.08.2010 10:45:26

/Татар-ислам ру/ да иглан бирәләр
"Ислам мәдәнияте музеенда"- ул музейның адресы бардыр бит ? Килегез диләр,Казандадыр инде ул үзе,әдрисен язмаганнар.

№13 (52482) / 23.08.2010 10:42:23

Гомумән, ислам белән дин әһелләрен бутарга ярамый. Әйе бездәгеләр гарәпләрне кабатлыйлар 9чөнки алар акчасына кайтты ислам), яки әбиләреннән күргәнне кабатлыйлар. Тик аларның тотышы ислам белән бәйле түгел. Алар гарәпләрдәге феодализм җәмгыяте мөнәсәбәтләрен, бездә колониаль чор мөнәсшбәтләрен кабатлыйлар. Исламның яңа җәмгыяви чордагы формасын бөтенләй икенче карашларда торган кешеләр формалаштырачаклар, һәм менә шулар мәчетләрне тутырачаклар.
бүгенге дин әһелләренең 90 прроценты элекккенең отрыжкасы, русча әйткәндә.
Коръәндә бернинди конкрет бертөрле генә тәсфирләп була торган нәрсәләр юк. Шунлыктан,Фәрхәт, исламда сез күргән проблемалар алар исламныкы түгел, алар дин әһелләре ясаган проблемалар.

№12 (52481) / 23.08.2010 10:31:40

Фәрхәт

№11 (52478) / 23.08.2010 10:00:48

Фәрхәт, Америка һәм Европа илләре исламны агрессив дин дип дөрес әйтәләрме әллә? Үзен дини дип чутлаганнарның барсының комментарииясендә мөселман булмаганнарга ненависть ярылып ята. Үзем дини, үз динемне тотам, сезнең кебек башкаларны ХАЙВАНга чутламыйм! Уйнап сөйләсәң дә, уйлап сөйлә, дөньяда сез генә түгел!

№10 (52473) / 23.08.2010 09:21:51

Бәхәсләшмим, дин кешенең хайванга әверелмәве өчен кирәк.Коммунизм төзүченең мораль кодексы да шундый иде. Алар хакимиятнең халыкны тилертү коралы була калсалар куркынычка әвереләләр ( СССР, Ислам илләре}.Көчләү,кеше иреген кысу, агрессия тантана итә башлый. Патрирх Кириллның көчәеп китүе, власть белән берләшеп баруы шулай ук хәвеф тудыра.Хикмәт, ничек итеп дин белән хакимиятне җәмгыять өчен файдалы тәңгәлләштерүдә, минемчә. Үрнәк итеп кайсы илне мисалга китерергә була.Бүгенге вәзгыяттә мине борчый торган проблема бар.Дини мөһиттә инсафлы, кешеләргә ышанучан итеп тәрбияләнгән бала, дөнья киңлегенә чыккач ничек яраклаша.Аны адым саен кабәхәтлек, ялган, икейөзлелек сагалап тора бит.Яхшыны яманнан аера алырмы?Кыз бала ничек итеп эш бирүче хуҗасына каршы тора алыр.Егет кеше дин канунарына каршы килә торган гамәл эшләргә хуҗасы кушса ни эшләр ?. Аларның җанында барлыкка килгән психик конфликт ни рәвештә чишелер? Шәхес буларак югалмаслармы....? Вәлиулла хәзрәт шушы сорауларга да җавап бирсен иде.

№9 (52419) / 22.08.2010 22:32:53

Иркә
Алкашлар гадәттә сирәк булган хәл турында сөйлисе булганда, сүзләрен: "Шып-шыр айнык идем... ,"-дип, эчмәүчеләр: "Дүпел исергәч... ,"-дип башлыйлар ... Минем булган җирләр дә шушы категориядән инде...)))

№8 (52418) / 22.08.2010 22:23:47

Соры корт, булмаган җирең калмаган икән))))Военкага килгәндә чынлап та, сүзләрен в предстоящей войне дип башлыйлар иде һәрвакыт. шул вакытта арка чымырдап куя иде гел.

№7 (52314) / 21.08.2010 14:23:40

Узып баручы
Мин дини булмаган кеше!!! Диниләр арасында аларча булмаганнарны (дини булмаганнарны) кешегә чутламаучылар булганда, дини булып булмый, чөнки бу үзе дингә каршы килә, кан коюга ачыктан-ачык чакыру!
Яшь вакытта югары хәрби училищегә укырга кергән идем, «Армия воюет или готовиться войне» дигән лозунг белән килешмичә, аннан киттем. Шундый җирдән китеп, кешене, үзләре сыман булмаган өчен генә кимсетүчеләр арасына керү, минем КЕШЕЛЕГЕМНЕ кимсетә. Аллагашөкер, бу кавем арасында Вәлиулла хәзрәт кебек КЕШЕНЕ кимсетмәүче аек акыллылар да бар...

№6 (52308) / 21.08.2010 11:51:07

Соры корт! Син дуга белән күрән чапма инде! Вәлиулла хәзрәт кешеләрне дингә тартырлык хәзрәт булгач, ә син дингә килмәгәч, димәк син кеше түгел булып чыкмыйсыңмы соң? Причем монда синең әтиеңнең сүзләре? Раз Вәлиулла хәзрәт кешеләрне дингә чакыра ала икән һәм син әле һаман дингә килмәгәч, син кем соң?

№5 (52295) / 20.08.2010 23:07:43

менә Вәлиулла хәзрәт ТНВ ны сүкмичә генә нинди матур җаваплар биргән! алай да була икән бит!

№4 (52268) / 20.08.2010 19:07:14

Узып баручы
\"бердә дингә килгәнегез күренми\" моның өчен чын күңелдән ышану кирәк. Диндәге күп әйберне мин үземчә аңлыйм, бу карашлар, диниләрнең карашыннан нык аерыла (атрибутларын алып ташласаң, нигездә аерылмый, ләкин диниләргә атрибутлар мөһимерәк) шулай булгач мин дини булып чутлана алмыйм, үземне дә, башкаларны да, мин дини дип алдыйсым килми.
Бабыкай мәрхүм, күп гыйлемле булса да, фанат кадим дини иде. Бервакыт, әтием:
-Әткәй, айлар буе кояш батмый торган җирдә ничек намаз укырга, ураза тотарга кирәк, вакытлары кояшка бәйләнгән бит,-дигәч,
-Аллаһы тәгалә кеше яшәргә тиешле җирләрне көн һәм төн була торган итеп яраткан,-дип җавап бирде.

№3 (52259) / 20.08.2010 17:08:27

" Вәлиулла хәзрәтне укыйм да, менә бит, Аллага шөкер, кешеләрне чынлап та дингә тартырлык хәзерәтләр бар, дип сөенеп куям..."
Үзе әйтүенчә 20 ел эшлиләр, бердә дингә килгәнегез күренми.

№2 (52249) / 20.08.2010 16:18:06

Вәлиулла хәзрәтне укыйм да, менә бит, Аллага шөкер, кешеләрне чынлап та дингә тартырлык хәзерәтләр бар, дип сөенеп куям...

№1 (52244) / 20.08.2010 15:13:31

Вәлиулла әфәндегә олуг хөрмәтебез.Дин әһелләренең Һәммәсе дә Сезләрдәй хезмәт итсә,татарлар иң саф милләт биеклегенә күтәрелү мөмкинлеге бар. Ходай Тәгалә үзегезгә сәламәтлек, озын гомер, зиһен сафлыгын бирсен иде.

▲ Өскә
 
Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Себерке
Өмет
Диләфрүз
Татарстан Язучылар берлеге
comments powered by HyperComments