• 18.02-20.02 "Казан" бию ансамбле концерты. Камал театры, 19.00
  • 21.02 "Туган тел" әдәби-музыкаль очрашу. 15.00
  • 25.02 Ваһапов йолдызлары фестивале. Филармония. 18:30
  • 27.02 "Бәхет кошы" мюзиклы Әтнә дәүләт театры. Казан. "Әкият" курчак театры сәхнәсе. 18.30
  • 28.02 "Туган тел" телеканалы концерты. Казан. Филармония. 18.30.
  • 02.03-04.04 Фирдус Тямаев "Җиде малай идек". Уникс. 17:00
  • 02.03-07.03 Фирдус Тямаев "Җиде малай идек". КСК "Уникс"
Туган көннәр
  • 18 Февраль Флера Зыятдинова (1947-2011)
  • 18 Февраль Бибрас Натхо
  • 18 Февраль Константин Глазачев
  • 18 Февраль Раушания Юкачева
  • 18 Февраль Фуад Халитов (1909-1981)
  • 19 Февраль Райнур Шакиров
  • 19 Февраль Рәфыйк Мөхәммәтшин
  • 20 Февраль Булат Бәйрәмов
  • 20 Февраль Булат Сруров
  • 21 Февраль Аммар Аль-Анси
  • Лаеш, Имәнкискә. Үгез ите сатыла: ботлап та, өлешләп тә. Телефон: 89178754552
  • Казанда Мавлютова тукталышында тулай торакта 13 кв.м булмэ сатыла. 89274718157
  • Восстание остановкасында тулай торакта 21 кв.м булмэ озак вакытка арендага бирелэ.Булмэдэ жылы,салкын,душевая кабина,кер юу машинасы,электр плитэсе,телевизор,ике йокы урыны,ош остэле,кухонный гарнитур,шкаф,суыткыч бар.Тулэу бер айга 12500 (бу суммага квартплата кергэн) 89393937375
  • Казан яна матур туй сондыгы сатыла. т.89655808912
  • Лаеш районынынң Бимә авылында 2015 елда төзелгән, бүген үк кереп яшәрлек йорт сатыла. Ашыгыч. Ике катлы, бростан, тышланган. Газ, су, канализация үздырылган. ике контуралы котел, салкын һәм кайнар суларны бирә. Мунчага өйдән генә чыгасы. Зур гараң, погреб Җире 6 сотый. үсентеләр утыртылган. Шалтыратыгыз, алыгыз. 8 917 279-10-83
  • Авиатөзелеш районында тулай торактан 13 кв. м. (фатир статусы) бүлмә сатыла. Янәшәдә 3 балалар бакчасы (берсе ишегалдында), мәктәп, метрога кадәр 10 минутлык юл. 200 метрда Максимово тукталышы. Барлык җиһазлар һәм кер юу машинасы кала. Тел.: 8-937-289-18-63.
  • Казанда ирлэр өчен куртка сатам, кара тестэ 50-51 размер, яна. 4 менгэ сатыла 89179275753
  • Мэжлеслэргэ мантыйлар, шаурма,Кош-теле, бавырсак,чэк-чэк,пироклар,ойдэ киселгэн токмачлар, муравейник, Пицца,Балеш,Тортлар,катлитлэр ясап бирэбез.89393307899
  • Казанын Оренбургский трак урамында урнашкан тулай торакта 12 кв.метрлы булмэ сатыла. Тулай торак остановкага якын.Якында гына мэктэп, поликлиникалар бар. Куршелэре тыныч, тэртипле кешелэр. Булмэдэ яхшы ремонт ясалган. Телефон: 89375777554
  • Дәүләт архивлары чыганаклары буенча шәҗәрәләр төзим. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 6 елдан артык. Тел./Ватсап: 8–917–874–16–40 Tongekuk@gmail.com Дамир Шәйхетдин. Чаллы

 

 
Архив
 

03.08.2010 Җәмгыять

АЛЛАҺ ТҮБӘНГӘ ДӘ ТӨШЕРӘ, ЮГАРЫГА ДА КҮТӘРӘ

Төрмә дигәч тә минем күз алдыма караңгы һәм шыксыз бина, андагы кара йөзле кешеләр килеп баса иде. Ә менә Морат хәзрәт Кудакаев мине Казандагы 2нче төзәтү колониясенә алып килгәч, моның ялгыш караш икәнлеген аңладым, чөнки каршымда сары төскә буялып кояшта матур ялтыраучы мәһабәт бина басып тора иде.

2нче колониядәге мәчет турында күп тапкырлар ишеткәнем бар иде, әмма аны ерактанрак кына да күзәткәнем булмады. 19 март көнне, ниһаять, тәвәккәллим, без Морат хәзрәт белән күңелгә рәхәтлек бирми торган учреждениегә юл алдык. Дөресен генә әйткәндә, баш миен төрмәдә безне каршы алырлар, хөкем ителгән кешеләр белән уртак телне табып булырмы дигән шикле уйлар да биләде.

 

Менә без колониянең эченә уздык, арттан тимер ишекләрнең тавыш чыгарып ук балкып торучы манаралы мәһабәт мәчет бинасы. Кайда гына булмасын, изге йорт изге йорт инде ул. Ул барыбер кешеләрне дингә өндәү кебек үз вазифасын тугры төстә үтәргә тиеш. Без килеп кергәндә гыйбадәтханәгә өйлә намазын укырга инде кешеләр җыела да башлаган иде.

 

Морат хәзрәт башта миңа мәчетнең тарихына багышланган альбомын күрсәтте.

 

Аллаһы Тәгаләнең рәхмәте, Аллаһы Тәгаләнең рәхмәте, Касыйм хәзрәт Нуруллинның тырышлыгы, колония җитәкчесе Фәргать Галләмовның хәер-фатихасы нәтиҗәсендә биредә 1992 елда мөселманнар мәхәлләсе оеша. 12 кеше бер бүлмәдә намаз укырга керешә. 2002 елда 2нче төзәтү колониясендә мәчет пәйда була, тик, ни кызганыч, ул 2004 елда янып китә. Аллаһы Тәгалә үзенең чәнечкеле тимер чыбыклар артындагы бәндәләрен барыбер рәхмәтеннән ташламый, 2005 елның апрель аенда биредә мөселманнар элеккесенә караганда да яхшырак мәчет төзеп чыгалар. “Касыйм абыйның урыны җәннәттә булсын, үзенә тартып тора торган кеше иде. Күп нәрсәләр төзегәндә “Рубин”ның баш тренеры Корбан Бердыев , Балык Бистәсендә яшәүче танышлар һәм башкаларның көче күп керде. Шулай да күбесен колония хисабына башкардык. Без хөкем ителгән кешеләрнең дини ихтыяҗларын үтәү өчен дә бездә бернинди киртәләр, кысу юк. Иң зур хыялыбыз шул: 150-200 кеше мәчеткә йөрсен иде. Без христиан өчен дә чиркәү салып куйдык,” – диде безгә милиция подполковнигы Фәргать Гомәр улы.

 

Әйе, мондый хыял тормышка ашсын өчен биредә әле шактый тырышасы бар. Шулай да инде мәчеткә бүгеннән үк 38-40 кеше биш вакыт намазны уку өчен йөри икән. Бу төзәтү колониясендә 2000гә якын җинаятьченең җәза срогын үтәве турында искә төшерсәк, әле башкарасы эшләрнең бихисап икәнлеге килеп чыга.

 

Биредә мәчетнең беренче имам хатибы Касыйм хәзрәт Нуруллинны фәкать яхшы яктан искә алдылар, 2007 елның 15 февралендә гыйбадәтханәгә аның исемен биргәннәр, папахасы да мәчеттә саклана икән.

 

Чыгышы белән Мамадыш районыннан булган 8 елга ирегеннән мәхрүм ителгән,1965 елгы Ренат Низамов миңа үзләренең хәле турында болай дип сөйләде:

 

– 2 нче колониягә мине 2000 елда китерделәр. 2002 елның 1 сентябреннән мәчеткә йөри башладым. Монда күп нәрсәләргә өйрәндек. Ислам әти-әнигә, чисталыкка, пөхтәлеккә өйрәтә. Беренче вакытта бик авыр шикелле тоелды, гарәп сүзләрен әйтергә дә тел әйләнмәде. Фәкать монда мин ислам диненең Аллаһ тарафыннан безгә дөрес яшәү өчен җибәрелгән кагыйдәсе, инструкциясе булуын аңладым. Аллаһ насыйп итсә, быел төрмәдән чыгарырлар инде дип уйлыйм, документларны бирергә йөрим. Дөньяга дөрес караш булмаганга, алга ачык максат куймаганга монда эләктем дип уйлыйм. Ислам дине өйрәтмәлрәен алданрак белгән булсам, бирегә эләгер идемме мин! Аны әйләнеп узган булыр идем дип уйлыйм. Харам эчемлек куллангач, сүзгә килдек һәм мин бер кешегә суктым, ул бәрелеп баш миенә кан савып үлде. Болай үтереп, кеше талап йөрмәдем мин. Хәзер дингә килгәч, карашым 180 градуска үзгәрде. Инде минем төп максатым – оҗмахка эләгерлек яхшы гамәлләр яхшы гамәлләр кылу. Ә моның серләрен Раббыбыз Коръәндә ачып бирә, ә Пәйгамбәребез шуларны безгә үз мисалында күрсәтә.

 

12 елга хөкем ителеп, бирегә Чаллыдан килеп эләккән Илдар Әскиров үзенең фикерләрен болай дип белдерде:

 

– Биредә бер танышым төрмәдә утыра иде, ул инде мәчеткә йөрде, динне өйрәнде – һәм мине дә аның нигезләренә өйрәтә башлады. Дөрес, мин шунда ук дингә кереп китмәдем, башта ай буена китаплар укыдым, өйрәндем. Исламга шикләнеп каравымның сәбәбе шул: элек христианлыкны кабул иткән идем. Чиркәүгә йөрдем һәм “Новый завет”ны укыдым. Әмма анда күңелемә тынычлык тапмадым, һаман ныграк бутала бардым. Ислам динен өйрәнә башлагач, аның миңа ярашлы икәнлеген аңладым. Шулай ук, 2002 елда мөселманлыкны кабул иттем. Аннары мин үземдәге кимчелекләр, – җитешсез якларым белән көрәшә башладым. Элек миндә әти-әниләргә салкын караш яшәп килде. Әнием Ираида исемле, рус хатыны-кызы. Хәзер аннан да кадерлерәк, якынрак кеше юк миңа. Әтиебез безне күптән ташлап китте. Ул Әзербайҗанда туып-үскән кеше, хәзерге вакытта Белорусиядә икенче гаилә корып яши. Анда 5 ир туганым бар минем. Иреккә чыккач, әтиемне күрергә дә, ир туганнарым белән күрешергә дә испәләп йөрим. Фәкать төрмәдә генә ислам диненнең бөтен нечкәлекләрен аңладым кебек мин, ә иректәге кешеләр аны тулысынча төшенеп бетә алмыйлардыр сыман тоела, чөнки анда шайтанга бәндәзләрне адаштуруы җиңелрәк. Шулай да, мин иректә ислам динен кабул итүчеләргә көнләшеп карыйм. 33 яшемдә булсам да, өйләнмәгән әле мин. Моның үз плюслары бар. “Личность мусульманина” дигән китаптан мөселман ирләрнең, хатын-кызларының вазифаларын укып белдем. Аллаһка буйсынып, хәрәм эшләрдән тыелып корылган гаилә генә таркалмыйча озак яши ала. Миңа әле шартлы рәвештә иреккә чыгарга тагын 10 ай вакыт бар. Әгәр Хак Тәгалә насыйп итсә, иреккә чыгарбыз, әгәр итмәсә, тагын утырырбыз. Аллаһ миңа төзәлү һәм үзгәрү өчен мондый мөмкинлекне биргән өчен мин Аңа рәхмәтле дә. Мәңгелек тәмүгта яныга караганда 10 ел төрмәне яхшырак дип саныйм. 2 нче төзәтү колониясе мөселманнарының хаҗга бушлай юллама отулары белән кызыксынасыз икән, аның тарихы болайрак. Хәтерем ялгышмаса, 2000 елда Россия радиосының “Голос России” дигән тапшыруында конкурс үткәрәләр. Сорауларны төрмәдәге Муса исемле кешесе язып ала да, тиз-тиз генә җавапларын язып, Мәскәүгә җибәрә. Анда сорауларга берничә кеше дөрес җавап бирә. Шулар арасына безнең Муса да эләгә. Аларның исем-фамилияләрен язып барабанда әйләндерәләр һәм бәхет безнең Мусага елмая. Касыйм абый күпме генә тырышса да, Мусаны хаҗга җибәрмиләр, аның урынына беренче имамыбыз үзе бара изге җирләргә. Ул күп бүләкләр, төрле сувенирлар алып кайткан иде. Ә Мусаның срогын 8 елга киметтеләр, ул инде 2003 елда ук иреккә чыкты. Аның гаиләсендә тулы тәртип хәзер, алар Казанда яшиләр, төрмә кешеләре белән дә элемтәсен дәвам итә, яңа мәчетне салуда да күп булышты. Менә шулай итеп, ислам кешене нык үзгәртә, аңа яхшы гамәлләр кылырга булыша.

 

Морат хәзрәт булмаганда мәчеттә 12 елга ирегеннән мәхрүм ителгән Азат хәзрәт Галиев имамлык кыла икән. Ул болай дип сөйләде:

 

– Иректәге кешеләргә Аллаһ юлыннан тайпылуы бик җиңел. Шайтан һәрчак безне сагалап йөри. Анда бөтенесе – телевизор, радио, һәм башка мәгълүмат чаралары, хәмере хезмәт күрсәтә. Фәкать төрмәдә генә кеше тормышын асыл мәгънәсен аңлый башлый. Минем туганнарымның барысы да биш вакыт намаз укый. Үзем мин икътисадый җинаять өчен бирегә эләктем. 3 ел буена ни өчен төрмәгә ябылуымны аңламадым. Аннары гына Аллаһның миңа шундый сынау бирүен, хак юлга кертергә теләвен төшендем. Ир белән хатын 3 бүлмәле иркен фатирда яшиләр һәм көн саен диярлек әрләшәләр. Ә биредә кеше үтерүче 20ләп җинаятьче 30 квадрат метрлы бүлмәдә көн күрәләр һәм шунысына да канәгать булалар. Шулай да күп кешеләр әле ислам диненең асыл мәгънәсен аңламыйлар, аны телевизорда күрсәткәнчә, кулына автомат тотып кеше үтереп йөрүче озын сакаллы кеше итеп кенә күз алдына китерәләр. Ә ислам ул бөтенләй башка, ул җиргә тынычлык, иминлек китерүче дин. Кешеләр менә шуңа төшенсеннәр иде.

 

...Без Морат хәзрәт Кудакаев белән кайтыр якка борылдык. Артыбыздан төрле җинаятьләре өчен хөкем ителгән кешеләрнең сагышлы вә моңлы карашы озатып калды. Шул чагында күңелемә Аллаһ Үзенең инсаннарын түбәнгә дә төшерә ала, югары да күтәрергә сәләтле дигән фикерләр килде.

Хатыйп ГӘРӘЙ
Тatar-islam.ru
№ |
Тatar-islam.ru печать

 
comments powered by HyperComments

Фикерләр

№20 (50667) / 04.08.2010 10:21:27

даааа,"баш мие",монда очрашмасак кайда пересекаться иткэн булыр идек икэн тагын.
мин бик шат)))

№19 (50666) / 04.08.2010 10:05:48

// Кактус.№9 Кайда гарантия алар "Троянскии конь" булмаслар дигән?....//
Бу бик мәгънәсез сорау дип саныйм, чөнки исламга ниндидер милләткә үч итәр өчен кайтмыйлар, ә Аллаһыга буйсынып яшәр өчен кайталар.

№18 (50665) / 04.08.2010 09:59:35

Кактус.№9 Кайда гарантия алар "Троянскии конь" булмаслар дигән?....

№17 (50664) / 04.08.2010 09:46:23

Соры корт! Мин шуның өчен тормышны, кылган гамәлләрне дөньявига һәм динигә бүлмим. Кешегә Аллаһы Тәгалә акыл биргән, шуның белән хайваннардан аерып куйган. Шулай ук ничек итеп КЕШЕ булып яшәр өчен өйрәтүче Китапны Үзенең Пәйгамбәре (с.г.в.)аша күндергән.
Кешенең эшләре һәм кылган гамәлләре барытик ике төргә генә бүленә: Аллаһы өйрәткәнчә яшәү һәм Иблис өйрәткәнчә яшәү. Кеше Аллаһы өйрәткәнчә яшәүдән баш тарта икән, ул Иблис өйрәткәнчә яши дигән сүз.
Мин берсенә дә Коръән сүзләрен дә, бигрәк тә үз сүзләремне дә кешегә бәйләргә җыенмыйм. Хәтта Аллаһы Тәгалә дә: "Минем юлдан барырга берсен дә көчләмим, телисез икән Иблис кушканча яшәп, Иблис белән бергә тәмугка керегез", ди. (Аерым мондый аять юк, күп төрле аятьләрнең мәгънәләре берләштерелде).
Шулай булгач хөрмәтле Соры корт, теләсә ничек яши аласың.
Мин дә бу сүзләрне бәхәс өчен язмыйм, бераз кайберәүләрнең акылы кабул итеп уттан котылу теләге тумасмы дип язам. Чөнки Аллаһы Тәгалә үзе гыйлем алган кешедән, башкаларга аңлатуны таләп итә.

№16 (50663) / 04.08.2010 07:45:08

Кактус
Язмам бәхәс өчен түгел, "Коръәннән дәлилләр китереп күпме аңлатып карадым" дигән сүзегезгә үз карашымны гына язам: Коръән тәрҗимә ителми, сезнең дәлилләр, кемнеңдер (шул исәптән сезнең дә) тәфсирегез.
Дин бар икән, ул, Аллаһы тәгалә кебек-бер, ислам да, христиан да, тагы әллә кем дә түгел. Коръәнне, Инҗилне, Тәварәтне мең ел элек ничек аңласалар, хәзер дә шулай аңлаунты таләп итәсез икән, сезнең хокук, ләкин башкаларга аны бәйләргә сезнең хак юк. Һәр дин дә (чөнки алар бер башлангычның тармаклары) тәртипкә итәгатлелеккә чакыра, шуна диниләргә хөрмәтем зур, үзем дини түгел, төрле догматик ышанулардан башка да, Аллага шөкер, үземне гөмүмкешелек кысаларында тота алам. "Бөек акылныың" барлыгын да, юклыгын да инкар итмим...

№15 (50660) / 04.08.2010 01:57:18

Эйе. Син минем 3 нче буын туган булып чыктын тугелме сон?))Баш мие дигэн экэмэт астында менэ кемен яшеренгэн иде)
http://vkontakte.ru/id16973927


Афэрин, matbugat.ru))))

№14 (50657) / 04.08.2010 01:24:05

так так,баш мие!
страницамдагы фотоданн куреп эйтэсезме?

№13 (50656) / 04.08.2010 00:57:49

Питрэчтэн!
Синен эниен Телэче ягыннан тугелдер бит?

№12 (50648) / 03.08.2010 23:23:49

Күке! Сүз строй белән кайту турында бармый. Сүз, ата-анасы, дөресрәге әби-бабасы мөселман булган татарларның интелегенөиясе аяк терәп каршы тору турында әйткән идем. Инде үзгәртеп корулар башланганга да 25 ел вакыт үтеп китте, ә без һаман "Тиз генә кайтмаслар инде, ашыгырга ярамый", дип үзебезне тынычландырабыз. Татар халкы үзен: "мин болай да мөселман", дип саный, әмма тәүбәгә килергә уйлап та бирми. Менә шушындагы коментларда да күренеп тора инде. Коръәннән дәлилләр китереп күпме аңлатып карадым, элеккеге галимнәребез сүзләрен дәлил итеп китереп карадым. Җавап: "Син Ислам динен үзгәртеп корма инде", кебегрәк сүзләрдән гыйбарәт.

№11 (50645) / 03.08.2010 23:12:26

белмим малай,ни эйтергэ дэ,язасы килгэн сузлэрем куп только монда тугел.
берэр кунелегезгэ ошамаган фикерем булса лично языгыз,бу темага фикеррем бик кырыс http://vkontakte.ru/id74641494

№10 (50644) / 03.08.2010 23:12:04

Кызык син Кактус! Бөтенесе дә тиз генә строй белән кайтмаслар бит инде!
диннән ваз кичкәргә өндәгәндә дә бөтенесе шулай тиз онытмаганнар бит! димәк кайту да "оптом" булмаячак.
һәркем үз юлы белән кайта.
хәтта кемгәдер менә рәшәткә артына барып эләгү кирәк булган "кайту" өчен.

№9 (50643) / 03.08.2010 23:05:33

//ислам динен кабул иттелэр диделэр безгэ анда.аларнын иреккэ чыккач диннэн кире кайтмавына ышанасы килэ дэ бит,только шиклэндерэ бераз//
Бүген урыс халкы исламга татарларга караганда күбрәк кайталар, хәтта зур-зур поплар да исламга кайталар, әмма татарны кайтаруы бик кыен.

№8 (50642) / 03.08.2010 23:04:35

анда ялгыш килеп эләгүчеләр бар Баш мие. Кеше яласы белән дә, тикшерүнең дөрес юлдан китмәве,судларның сатып алынуы аркасында гаепсез кешеләр утыруы да билгеле.
Ләкин авыр җинаят кылгач кына ходайга сыену?
белмим. андый кешене хөрмәт итеп буламы икән, бүгенге намазы өчен генә.
Гафу! Үпкәләтергә, рәнҗетергә маташу түгел. Бары аңлап азаплануым гына.

№7 (50641) / 03.08.2010 23:02:30

бар,бар андыйлар,элбэттэ.
только менэ кеше талап,утереп,хожум итучелэр тэубэгэ килгэн дип уйламыйм,уйлый алмыйм

№6 (50639) / 03.08.2010 22:58:09

Минем бер танышым бар. Тормэдэн кайтты да намаз укый башлады. Гаилэсен дэ бастырыды. Беркем дэ аны " тормэдэн кайткан" диеп мыскыл итми, э хормэт кенэ итэ.

№5 (50634) / 03.08.2010 22:52:27

тормэдэ утырып намаз укычыларнын бер олеше вакыт уздыру очен укучылар дип уйлыйм мин.
бу сузлэрем очен гафу утенэм,эммэ эйткэн суземнэн кире кайта алмыйм.
булганым бар балаларныкында да,2 нче колониягэ дэ алып бардылар уку буенча,мэчетлэре искиткеч.
урыс ирлэренэ кадэр мэчеткэ йореп 5 вакыт намазын калдырмый ,ислам динен кабул иттелэр диделэр безгэ анда.аларнын иреккэ чыккач диннэн кире кайтмавына ышанасы килэ дэ бит,только шиклэндерэ бераз,психикасы формироваться итеп беткэн 40-45 яшьтэге ир ат уз диненнэн кайта алыр микэн сон тулысы бн,вакыт уткэру очен генэ йорми микэн дигэн уйлар килэ башкакунел ышанмый жэмэгать,белмим дэ инде,барыбер хет эз генэ булса да % ы иреккэ чыккач ташлардыр дип уйлыйм мин намазны.

№4 (50627) / 03.08.2010 22:41:17

кызганыч мин киресен генә күргәнем бар.
но үзгәрсеннәр иде инде, соң булса да. ләкин аларның психикалары шул хәтле тотрыксыз,бу тотнаксыз җәмгыятьтә "үзгәреш" озакка бара микән?
шуна шик бар.

№3 (50624) / 03.08.2010 22:35:57

Хэйран андый узгэреп кайтучылар, Куке.

№2 (50616) / 03.08.2010 22:25:48

12 елга утыртмасалар Алланы таныр идеме икән бу бәндә?
кеше талаганда,үтергәндә, көчләгәндә бер ни уйламаган..
но ярый, 20 җинаятченең хет берсе төзәлеп кайтса да мәчет үз бурычын үти дигән сүз.

№1 (50601) / 03.08.2010 21:52:20

Элхэмдулиллах!

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Диләфрүз
Татарстан Язучылар берлеге
Түгәрәк уен
Татарстан китап нәшрияты
RAFINA/D