|
|
Бүген кемнәр туган
|
|
Архив
|
21.01.2020 Фаҗига
"Факел кебек янып йөгереп чыкты" - янган йортка кереп киткән хатын-кыз гомере өчен табиблар көрәшәИглин районының Олы-Теләк авылында ике фатирлы торак йорт янган. Янгында 47 яшьлек хатын-кыз зыян күрә, ул тәненең 91 проценты пешеп дәваханәгә китерелгән. Аның гомере өчен табиблар көрәшә. Янгын 19 гыйнварда чыга. Янгын вакытында Зилара Сәхиярова зыян күрә, аның 15 яшьлек кызы Динара һәм ире Ринат могҗиза белән исән кала: бу вакытта ир эштә була, ә кызы Уфага юллана.
Ир фаҗигагә 20 минут кала өенә кайта, ул чакта аның хатыны йоклый әле. Ринат Зилараның бераз соңрак уянуын, урамга чыгып, йортның януын күрүен фаразлый. Хатын күршеләрен ярдәмгә чакырырга йөгерә, иренә шалтырата башлый һәм нигәдер янган йортка керә.
— Ул миңа янгын сүндерү машинасын чакыртырга кушып шалтыратты. Мин өйгә кайттым. Зилара мөгаен документларны алырга өйгә кергәндер, ләкин күрүчеләр ул факел кебек янып йөгереп чыкты, диләр, - ди Ринат.
Хәзер Ринат белән Динара әбиләрендә тора — аларның фатирлары тулысынча янып беткән. Бернәрсәне дә коткарып булмаган.
Табиблар Зилараның хәлен бик авыр дип билгеләгән һәм туганнарына иң начар хәбәр ишетергә әзерләнергә кушкан, дип яза Кызыл таң.
--- |
Иң күп укылган
|