• 24.01 З.Хәкимнең "Һәлакәткә бер адым"спектаклендә уйнаучы артистлар һәм автор белән очрашу. ТР Милли китапханәсе. 13.00
  • 31.01 "Хикмәт әкиятләре" спектакле премьерасы! Кариев театры. 18:30
  • 31.01 Н. Исәнбәтнең тууына 120 ел тулуга багышланган «Мин Тукайның замандашы». Г. Тукай әдәби музее. 14.00
  • 06.02 Музейда музыка: "Риваять" этно-төркеме концерты. Г. Тукай әдәби музее. 18.30
  • 07.02 Актаныш районы "Агыйдел" дэулэт жыр hэм бию ансамбленен концерты. Г. Тукай ис. Филармония концертлар залы. 18.00
  • 14.02-23.02 Мунча ташы. Кырыкта да кызыкта. КСК "Уникс"
  • 25.02 Алия Карачурина "Тәүге тапкыр". Филармония. 18:30
  • 25.02 Гөлсирин Абдуллина , Азат Абитов . " Туйның 5 нче көне". ДК Ленина.
  • 29.02-09.03 Фирдус Тямаев. Ялгыз торна. КСК "Уникс"
  • 02.03-03.03 "Казан" бию ансамбле концерты. Г.Камал театры. 19.00
  • 03.03 Айдар Габдиновның юбилей концерты. Филармония. 18.30
  • 26.03 Казан шәһәр филармониясе проекты – "Зәңгәр шәл" вокаль-хореографик спектакле. Филармония, 18.30
  • 29.04 Фердинанд Фәтхинең юбилей концерты. Филармония. 18.30
Туган көннәр
  • 24 Гыйнвар Раушан Ситдиков
  • 25 Гыйнвар Дамир Гыйсметдин
  • 25 Гыйнвар Эльмира Кәлимуллина
  • 25 Гыйнвар Инсаф Абдулла
  • 25 Гыйнвар Нәҗибә Ихсанова
  • 25 Гыйнвар Борис Вайнер
  • 27 Гыйнвар Эмиль Талипов
  • 27 Гыйнвар Равил Сабыр
  • 27 Гыйнвар Марат Сафин
  • 27 Гыйнвар Рабига Сибгатуллина
  • Казан да Ямашева урамында 1 булмэле квартира арендага бирелэ Бэтен унайлыклары бар телэучелэр шалтыратыгыз 89625521877
  • 1995 елгы Уаз буханка сатыла. Яхшы хэлдэ. Газ-бензин.Сарман районы. 89179069178
  • Казанда 60 кв. м лы яңа фатир сатыла. Өч катлы тулысынча кирпеч йортның 1 нче катында. Ремонт ясалган: унитазы, ваннасы, плитәсе урнаштырылган. Шәхси җылыту системасы белән. Бәясе нибары 3200000 сум. Бәяне төшерү мөмкинлеге бар. 89375210251
  • Казан шәһәре Раус Гареев урамы, 4 йортта ике бүлмәле фатирны арендага бирәм. (РКБ, ДРКБ тирәсе) Өстенлек – гаиләле кешеләргә. тел. 89172743769
  • Казаннын Киров районында Базарная 2 ур общ 18 м2 бетен унайлыклары булган булмэ озак вакытка арендага бирелэ. Тел. 89274544590.
  • Казан шэхэрендэ,Гвардейская 48/2 урамында,Гостинка-студия сатам,туалет,душ,кухня узендэ.стиральная машина,холодильник,водонагреватель,мебель кала. яшэу очен барлык момкинлелэр бар.пластиковый тэрэзэ,тимер ишек.89631203666
  • Казаннын РКБ,ДРКБ,ПОРТ,Мавлютова,Парина тирэлэреннэн квартира яисэ булмэ эзлим.Посредниклар борчымавыгыз сорала. Т:89196978895
  • Мин татар хатын кызы Казан шэхэрендэ кэнлек тулэу шарты белэн квартиралар жыештырырга Эш эзлим тел 89625521877
  • 2 булмэле фатир сатыла.Ново Савиновский район.Ямашева урамы.31 нче йорт. 89093075798
  • Продаётся двухкомнатная квартира в центре Актаныша. Тихое уютное живописное место возле набережной. Т 8-986-933-67-11.

 

 
Архив
 

               

13.01.2020 Шоу-бизнес

«Татар юрап китерер»: Гөлназ һәм Илсур Шәрипҗановлар 31нче декабрь төнендә авариягә эләгү нечкәлекләрен сөйли

Җырчылар Гөлназ һәм Илсур Шәрипҗановлар 31нче декабрь төнендә юл һәлакәтенә очрый… «Өч куркынычсызлык мендәре очып чыкты… Аллаһы Тәгалә саклады. Башкача мөмкин дә түгел, чөнки кая гына барсак та, безне балаларыбыз көтә. Яна елны заправкада кофе эчеп, эвакуатор көтеп каршы алдык,» – дип язган Гөлназ инстаграм битенә.

– Бу көнне 20.00 дә Мөслимдә чыршы бәйрәмендә чыгыш ясадык, – дип сөйләде Гөлназ. – Ике сәгатьтән юлга кузгалдык. Илсурның туган ягы Актаныш районы Чалманарат авылына (балаларыбызны каенанага калдырдык) Яңа ел каршыларга кайтыш иде. Елның бик уңышлы булуына сөенеп, шул хакта сөйләшеп барабыз. Минзәлә районы Иркәнәш авылы янына җиткәч, бик текә чат барын сизми калдык. Өстәвенә буран, караңгы. Илсурның «Җаныыыым, беттек» дигән сүзен генә хәтерлим. Ирем кинәт рульне борды һәм ул утырган як белән юлдагы тимер коймага бәрелдек. Мизгел эчендә бөтен тормыш күз алдыннан үтте. Машина эченнән чыккач, еламадым, үземне бик тыныч тоттым. Исән калуыбызга чиксез шат идем. Ә Илсур бик борчылды, бәргәләнде. «Ничек шулай игътибарсыз», – дип үзен битәрләде. Мондый хәл килеп чыгуга миннән гафу үтенде. Балаларыбызны ятим калдырмаган өчен мин сиңа рәхмәт әйтергә тиеш, дидем иремә. Тиз арада үзебезне кулга алып, Актанышка шалтыраттык. Бәйрәм көн булгач, билгеле, барысы да күңел ача. Шулай да, бер ир-ат сменадагы эшеннән сорап китеп, машина белән ярдәмгә килде. Озак та үтмәде, Иркәнәш авылы егетләре янда иде. Юл чистарта торган машина ярдәме белән алар безнең тимер атны кырыйга алып куйды. Шуннан тагын бер дустыбыз килде. Өчәү һәлакәт булган урыннан ерак түгел заправкага барып ике сәгать Чаллыдан эвакуатор килгәнне көттек. Шул арада Яңа ел туды. Машинаны Чаллыга озатып авылга кайтканда таң ата иде инде.

– Гөлназ, Яңа ел төнендә эшләү нигә кирәк? Сез болай да кайтып кермисез, бу бәйрәмне балалар янында үткәрү хәерлерәк түгелме?
 
– Беләсезме, Яңа ел чоры артистларның урак өсте. Яхшы акчалар эшләргә менә дигән мөмкинлек. 31нче декабрьгә Мөслимгә чакыргач, юк, дип әйтергә тел әйләнмәде. Җитмәсә, Актаныштан ерак та түгел. Кайтып җитәргә нибары 50-60 чакрым калган иде. Төнге сәгать бердә без Актанышта да җырларга тиеш идек. Килә алмыйбыз, дип кисәттек.
 
Узган ел мин йөкле булу сәбәпле бу вакытта эшли алмадык. Финанс яктан кыенлыклар бар иде. Аллага шөкер, быел сабантуйларда һәм Яңа ел алдыннан эшләп матди тотрыклылык булдырдык. Әлеге вакыйгага арыганлык та сәбәпчедер, чөнки декабрьдә бер буш көн дә юк иде. Шулай да, бу хәлдән соң нык уйландым, анализ ясадым, һәлакәт безгә зур сабак булды. Чыннан да Яңа елда юлда йөрергә кирәкми, дигән фикергә килдем. Чөнки шактый бәхетсезлекләр Яңа ел чорында була. Илсурның әтисе Мөхәммәтнияз да 7 ел элек 29нчы декабрьдә мәрхүм булган.
 
– Күңелсез хәл алдыннан гадәттә, начар төш күрү, ниндидер сиземләү була. Андый халәт күзәтелмәдеме?
 
– Яңа ел булса да, нишләптер бу көн мина бәйрәм хисе кебек түгел иде. Гадәти көнне хәтерләтте. Мөслимгә барганда Илсурның кесә телефоны зарядкасы өйдә калган. Кире борылмадык, чөнки шактый ерак киткән идек. «Юлда берәр хәл булса, шалтырата да алмыйбыз инде», – дип ике тапкыр кабатлады. «Татар юрап китерер», – ди, юраганы юш килде.

– 2016нчы елгы БМВ машинагыз (3 миллион сумлык) ни дәрәҗәдә җимерелде?
 
– Немец тимер атлары ышанычлы. Һәлакәт вакытында без моңа тулысынча инандык. Аллага шөкер, компьютерына, двигателенә зыян килмәгән. Куркынычсызлык мендәрләрен кире урынына куябыз, ике атнадан ясап бетерәбез, дип вәгъдә иттеләр. Чыгым 100-150 мең сум.
 
… Һәлакәт вакытында Шәрипҗановлар саклык каешын эләктергән булган. Күрәсең шуңадыр, Илсур зыян күрмәгән. Ә Гөлназның исә, машина тәрәзәсенә бәрелеп сул як күз төбе нык күгәргән. Әле ярый башка еллардан аермалы буларак, Яңа ел ялларында авылларда концертлар оештырмадык, эшли алмаган булыр идек, диләр. Аның каравы, 6нчы гыйнварда гаиләләрендә зур бәйрәм көтелә – төпчекләре Минтимергә 1 яшь тула. Кызлары Асылбикәгә 3 яшь тә ун ай. Шушы сабыйлар бәхетеннән исән калганнардыр инде. Артист халкы гел юлда бит, берүк үзегезне саклагыз, юлларда имин йөрегез. Өйдә якыннарыгыз көткәнен онытмагыз!
 
Эльмира СӘЛАХОВА, Безнең гәҗит

---
Матбугат.ру
№ --- | 13.01.2020
Матбугат.ру печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Фирдүс Тямаев
Шаян
Татаркино
Ханский дом
Балмай
Раяз Фасихов
MINBAR