|
|
Бүген кемнәр туган
|
|
Архив
|
06.12.2019 Мәгариф
Булачак укытучының һөнәри үсешендә иҗатКичә Казан (Идел буе) федераль университетында Казан университетының 215 еллыгына багышланган «Лобачевский и XXI век» иң яхшы студентлар эшенә VI Конкурс-конференция узды. Конкурсның төп максаты-математика фәненә, шулай ук үз тормышларында математика укыту методикасына аеруча зур кызыксыну белдерүче талантлы студентларны, иҗади шәхесләрне ачыклау. Конкурста катнашу өчен Россия, якын һәм ерак чит ил югары уку йортларының математика һәм педагогика белгечлекләре студентлары чакырылган иде. Конкурс берничә номинация буенча үткәрелде: «Иң яхшы фәнни-тикшеренү эше», «Иң яхшы эзләнү-тикшеренү эше», «Иң яхшы эссе», «иң яхшы методик эшләнмә», «Иң яхшы гамәли эш». Проектларда студентларның мөстәкыйль фәнни, эзләнү, тикшеренү эшчәнлеге нәтиҗәләре чагылдырылды. Һәр катнашучыга үз тикшеренүләренең нәтиҗәләрен күрсәтү мөмкинлеге бирелде. Быел анда катнашкан Сыктывкар дәүләт университетыннан А.С. Зимина җитәкчелегендәге «Иң яхшы методик эшләнмә» секциясе аеруча зур кызыксыну уятты. «Иң яхшы гамәли эш» секциясе дә кызыклы булды, анда өчүлчәмле графика белән эшләр тәкъдим ителде. КФУның II курс магистранты Мангутова Д., өстәмә чынбарлык технологияләрен кулланып, Лобачевский геометриясе модельләрен күрсәтте. Студент кыз үз чыгышында хәзерге вакытта күп кенә укытучыларның 3D-модельләрен һәм визуальләштерү чарасы буларак өстәмә чынбарлыкны куллануларын билгеләп үтте.
Билгеле булганча, иҗади шәхес һәрвакыт эзләнүдә, әзер карарларга таяна алмый, булган белемнәрен яңа ситуациягә яраклаштыра. Конкурс-конференциядә катнашучыларның барысы өчен дә диярлек фәнни тикшеренүләр проблемасы математика дәресләрендә кулланыла торган дидактик материалларның күрсәтмәлелеген көчәйтүдә, укучыларга дөньяны шәхси тәҗрибә аша танып белү өчен яңа мөмкинлекләр ачу өчен мәгълүмати-белем бирү тирәлекләрен эзләү булды. Жюрига бәя бирү өчен тәкъдим ителгән методик эшләнмәләрнең күбесен якын киләчәктә Россия гомумбелем бирү мәктәпләрендә педагогик практикалар кысаларында интеграцияләнгән математика дәресләрендә сынап карау планлаштырыла. Һичшиксез, бу очракта укыту инде мәгълүматны трансляцияләү характерында түгел, ә укучыларның танып-белү һәм иҗат эшчәнлеген активлаштыру характерында булачак. Ольга РАЗУМОВА, Елена САДЫЙКОВА Тулырак: https://www.tatpressa.ru/news/346670.html
--- |
Иң күп укылган
|