|
|
Бүген кемнәр туган
|
|
Архив
|
05.12.2019 Шоу-бизнес
"Айдар Рәкыйпов+Рүзилә Хәертдинова=..." Буйдак тормышка нокта куела? (ФОТО)"Хыял балкышы", "Ләйләм", "Йөрәгем урладың" җырлары белән популярлык казанган яңа буын татар-башкорт җырчысы Айдар Рәкыйпов үзенең буйдак тормышына нокта куер, мөгаен. Мондый имеш-мимешләргә социаль челтәрләрдә таралган фотолар сәбәпче булды. Аерым алганда, Айдарның яшь җырчы Рүзилә Хәертдинова белән төшкән фотолары егеткә гашыйк туташларның төн йокысын качырган. "Араларында нидер бар", "Очрашалармы?", "Туй кайчан булачак?" ише сораулар тынгылык бирми икән.
"Матбугат.ру" ачыклаганча, Айдар Рәкыйпов белән Рүзилә Хәертдинованы бары тик дуслык җепләре бәйли. Сәхнәгә беренче төпле адымнарын ясаучы яшь җырчылар бер-берсенә ярдәмләшеп эш итә һәм һәрвакыт терәк булырга әзер. Әлеге фотолар Яңа ел кичәләрен төшерү барышында ясалган. Тумышы белән Башкортстанның Илеш районыннан булган Айдар Рәкыйпов җыр-биюгә гашыйк гаиләдә туып-үскән. Әнисе – өлкән шәфкать туташы, әтисе – укытучы. Әтисе үзе дә кайчандыр җырчы булырга хыялланган. Бүген Айдар Рәкыйповның төп максаты — шәхси концертын оештыру һәм гастрольләргә чыгу. Хәзерге вакытта Казанда узачак концертына әзерлек эшләре кызу темплар белән дәвам итә. Бу фотоларны күреп төн йокылары качкан туташлар колагына серне чишәбез: яше 30га якынлашып килүче Айдарның әлегә йөргән кызы юк икән. Йөрәген яуларга теләсәгез, 13 декабрь көнне 18:30да УНИКС концертлар залына рәхим итегез!
6+
--- |
Иң күп укылган
|