|
|
Бүген кемнәр туган
|
|
Архив
|
11.11.2019 Шоу-бизнес
"Турбина, пушка, рожок, нинди генә исем такмадылар", ди Рафинә Ганиуллина. Сәбәбе ФОТОдаРафинә Ганиуллинаның яңа прическасы халык арасында ажиотаж тудырган. "Матбугат.ру"га билгеле булганча, визажист һәм стилист Алекс Гөлсу тудырган образ аркасында җырчыга төрле сүзләр ишетергә туры килгән. "Турбина, турбо, пушка, рожок, нинди генә исем такмадылар" дип уртаклаша Рафинә Ганиуллина әлеге фотосы белән бүлешеп. Кемдер "Матур инде, ни дисәң дә", ә кемдер "Әтәч кикриге" дип яза бу сурәт астында.
"Бик матур, Рафинә - моңлы сандугачыбыз. Ин мөһиме, шундый катлаулы прическа ясарлык мул, сәламәт, калын чәчең бар. Прическа ясаучысы да бик сәләтле, фантазиягә бай. Бу автордан тагын да эксклюзив эшләр көтәбез", "Бик матур прическа, көчле диңгез дулкынына охшатам" дип хуплаучылар да байтак.
Исегезгә төшерәбез, "Матбугат.ру"да Рафинә Ганиуллина белән Рәзил Камаловның 9 ноябрь көнне Филармония концертлар залында үткән «1+1. Ир плюс хатын» парлы дуэтлар тамашасында катнашырга әзерләнүен хәбәр иткән идек. Әлеге фот шул чарадан. Бу концертта шулай ук Ризат-Зинира Рамазановлар, Салават белән Гүзәлем, Илмира Нәгыймова һәм Руслан Кираметдинов, Закир Шаһбан-Гөлүсә Шаһбан, Рөстәм Закиров-Люция Мусина, Гөлназ-Илсур Шәрипҗановлар, Илназ Баһ-Гүзәл Идрисова һәм башкалар катнашты.
--- |
Иң күп укылган
|