14.10.2019 Шоу-бизнес

Җәвит Шакиров үзен үлгән дип хәбәр таратучыларга ВИДЕОҖАВАП бирде

Җырчы һәм юмор остасы, “Кәмит Җәвит” тапшыруын алып баручы Җәвит Шакиров үлгән, имеш. Билгесез затлар социаль челтәрләрдә менә шундый хәбәр тараткан. "Инде телефоннан җавап биреп арыдым!" дип уртаклаша көненә унлап шалтыратуларга җавап бирергә мәҗбүр булган артист.

"Мондый хәбәрне кем тараткандыр, гөнаһысы үзенә! Яшәргә дә әле яшәргә исәп. Ходай үзе белә күпме гомер язганын! Ярый бу хәбәрне ишеткәндә Зөлфия янда иде, шок хәлендә бик озак утырды! Әгәрдә син өйдә булмыйча миңа шалтыратсалар - үлгән булыр идем,- ди. Әнкәйләргә, туганнарга да шалтыратып, барысын да аңлатырга туры килде. Ышанмагыз, мин исән-сау", - ди җырчы.

"Матбугат.ру"га билгеле булганча, аның бу видеомөрәҗәгате бик күп комментарийлар җыйган.

"Озын гомергә юрагыз Жәвид әфәнде. Ялгыш бүтән Жәвид турында сөйләгәннәрдер. Безнең шулай булган иде. АЗСта бергә эшләгән кызлар шалтырата: "Илсия үлгән икән" дип. Иии шалтыратыша башладык, кемнәр белә Илсияне, алай икән, нишләп үлгән икән, диагноз да куйдылар. Үзенә шалтыратсам... Исән дустым, аллага шокер. Сүз бүтән Илсия турында булган. АЗСта эшләүче бер ханымның Илсия исемле кайнанасы үлгән булган... Вәт шулай" дип яза бер инстачы.

Посмотреть эту публикацию в Instagram

Мондый хәбәрне кем тараткандыр, гонаһасы үзенә! Инде телефоннан җавап биреп арыдым! Яшәргә дә әле яшәргә исәпХодай үзе белә күпме гөмер язганын! Ярый бу хэбэрне ишеткәндә Зөлфия янда иде, шок хәлендә бик озак утырды! Әгәрдә син ойдә булмыйча миңа шалтыратсалар- үлгән булыр идем,- ди#холфияжавитшакировлар#кэмитжэвит #татарскаяэстрада #башкортэстрада #

Публикация от @ javit_shakiro_official 14 Окт 2019 в 3:46 PDT

---
Матбугат.ру
№ --- | 14.10.2019