• 14.10 "XXI гасыр тавышы" аудиокитабының презентациясе. Калеб - Кариев театрында. 19.00
  • 15.10 Әнвәр Нургалиев. УНИКС. 18:30
  • 25.10-28.10 Ришат Төхвәтуллин. УНИКС. 18:30
  • 26.10-27.10 "Сәлам, Актәпи!" спектакле премьерасы. Кариев театры. 13.00 һәм 17.00
  • 11.11-12.11 "Казан" бию ансамбле концерты. Камал театры. 19.00
  • 23.11 "Тәртип"радиосының 5 яшьлегенә багышланган концерт. Филармония. 18:00
Туган көннәр
  • 14 Октябрь Раил Садриев
  • 14 Октябрь Ирек Хафизов
  • 14 Октябрь Фәнис Зыялы
  • 15 Октябрь Ландыш Харрасова
  • 15 Октябрь Мәгъсүм Насыйбуллин
  • 15 Октябрь Ришат Хаҗиәхмәтов
  • 15 Октябрь Зилә Вәлиева
  • 15 Октябрь Гөлсем Болгарская (1891-1968)
  • 15 Октябрь Әхмәт Юныс (1916-1976)
  • 16 Октябрь Марсель Әхмәдуллин
  • Тэртипле, начар гадэтлэре булмаган 1 кызга Гарифьянова урамындагы 2 булмэле фатирнын 1 булмэсен вакытлыча яшэп торырга бирэм. 8917 8738213 (ватсап)
  • 3 яклы карандаш бура 6 3 ле утын бэясеннэн бирэм арча районында бужа авылы 89869031182
  • Регпалата янында бер бүлмәгә кеше кертәм. 6 мең сум. 89172618276
  • Эш эзлим. Казан кызы. Югары белемем бар. 89625485476 Лэйсэн. Секретарь, офис эшлэрен белэм. Начар гадэтлэрем юк.
  • Казанда квартира эзлибез снимать итергэ,без чшь парлар,икебез дэ эшлибез,вакытында тулибез Ноябрь башында кучергэ карыйбыз,на долгий срок Предложениялар булса ватсапка языгыз!! Риелторлар зинхар шалтыратмагыз!!!! 89063243260
  • Казанда Проспект Победа 139 Жк Победада ике булмэле квартира озак вакытка арендага бирелэ.89375724787
  • Озак вакытка бер булмэлэе фатир сдавать итэм. Казан шэхэре, Карбышева урамы. Барлык унайлыклар да бар (суыткыч, кер юуу машинасы). Якында гына остановка, ТЦ "Горки Парк", метро. Бэясе: аена 16 мен (квартплата кергэн). Телефон: 89276778632 (Watsup).
  • Угез итенэ клиентлар эзлим. ботлата сатабыз. 280,290 сум кг.китереп биру момкинлеге дэ бар. 89520347319
  • Нурлат шәһәрендә Западный(Көнбатыш яки Әфган) микрорайонында йорт сатыла. Бәясе 2 500 000 сум. Җир мәйданы 11 сутый. Йорт мәйданы 98кв метр. Мунча, сарай, теплица бар, индивидуальная канализация бар.Үзәк суүткәргеч, газ тоташтырылган. Бакчада кое 8м.лы, алмагачлар, груша-2. сливалар, кура җиләкләре, карлыганнар, облепихалар, җир җиләкләре бар. Йорт җиһазларыннан кухня гарнитура, караватлар кала. Кем шәһәр ыгы-зыгысыннан туйган-бу йорт шулар өчен.Шалтыратыгыз! Тел. 89179152168
  • Казан шэхэре ,Мавлютова ост.да общ.дэ булмэ сатам12кв.м керергэ дэ яшэргэ 750 000. реелторлар-зинхар борчымагыз! 89272469637

 

 

 
Архив
 

20.09.2019 Медицина

Бай кешеләр дә үлә: Яман шеш кемнәрне “ярата”

Сәламәтлек саклау министрлыгы кайсы төбәктә онкология белән авыручыларның күпме булуы турында мәгълүматларны белдерде. Н. Н. Петров исемендәге Онкология милли медицина тикшеренү үзәгенең һәм Тампер (Финляндия) университетының фәнни хезмәткәре, онкоэпидемиолог Антон Барчук куркыныч чир белән кемнәрнең күбрәк авыруы турында шактый мәгълүматлы белгеч.

Куркыныч зонада

– Онкология авырулары буенча лидерлар исемлеген Курск өлкәсе һәм Мордовия республикасы җитәкли. Бу нәрсә белән бәйле булырга мөмкин?
 
– Теләсә нинди күрсәткечне төрле яктан карарга кирәк. Еш кына авырулар санының югары күрсәткече, аларны төбәкләрдәге табибларның ничек ачыклавына бәйле. Мәсәлән, Европа илләрендә сөт бизе яман шеше белән авыручылар саны, Русиянең күп кенә төбәкләренә караганда, ике тапкырга артыграк дип күрсәтелә. Чынлыкта исә, аларда диагностика хезмәте яхшы оештырылган. Монда бит яман шештән үлүчеләр саны күрсәткечләре мөһимрәк булырга тиеш. Шулай ук, авырулар санының бик түбән күрсәткечләре дә сораулар тудырырга тиеш. Мәсәлән, соңгы елларда Мәскәүдә күрсәткечләр түбән. Әмма моны диагностика белән түгел, ә халыкны исәпкә алу тәртибенә сорауларларның булуы белән аңлатырга кирәктер.

– Бөтендөнья сәламәтлек саклау оешмасының тормыш дәрәҗәсе түбәнрәк булган төбәкләрдә авырулар күбрәк дигән тезисы белән килешәсезме? Шулай ук ул мохит факторлары белән чынлап та бәйләнгәнме? Чөнки онкологиядән тормышта уңышка ирешкән, бай кешеләр дә үлә бит?
 
– Онкология чирләре күбрәк халкы аз керемле булган илләрдә күзәтелә. Гадәттә бу аналык һәм ашказаны яман шешләре. Шулай ук тәмәке тарту аркасында килеп чыккан үпкә шеше дә бай илләрдә сирәк күренеш. Алга киткән дәүләтләрдә сөт бизе һәм колоректаль яман шеш күп таралган.

Кем тәмәке тартмый һәм эчми...

– Яман шеш күбрәк нинди сәбәпләр аркасында килеп чыга?
 
– Кешенең яше – яман шеш үсешенең төп факторы. Русиядә яман шештән үлүчеләрнең чиреге тәмәке тартудан булырга мөмкин. Башка факторлар да бар: алкогольне күп куллану, аз хәрәкәтләнү, составында күп микъдарда тоз һәм шикәр булган диета, озак вакыт кояш астында кызыну һ.б. Һәр яман шеш төренең үз факторлары бар.
 
– Тик сәламәт яшәү рәвешен уйлап та бирмәүчеләр, хәтта киресенчә – эчүче, тартучы, майлы ризыклар ашаучылар арасында озын гомерлеләр җитәрлек?
 
– Һәр лотереяның җиңүчесе бар, әмма катнашучыларның күбесе җиңелә. Әлбәттә 100 җиңелүчегә караганда, бер җиңүче турындагы хәбәр ныграк истә кала. 100 процент гарантия бирә алмыйм, ләкин дөрес яшәү рәвеше алып барганда сәламәтлек өчен куркыныч сизелерлек кими һәм моны һәрчак истә тотарга кирәк.

– Яман шешкә психосоматика (стресс, депрессия, эмоцияләр) китерә диләр. Бу шулаймы?
 
– Стресслар яман шешне китереп чыгара дигән нигезле фәнни мәгълүматлар юк. Бу күбрәк популяр мифка охшаган.

– Чынлыкта ракка каршы ышанычлы профилактика чаралары бармы?
 
– Аны профилактикалау яман шешнең булмавын гарантияләми, ләкин аннан авырып китү, үлем куркынычын киметергә мөмкин. Әлбәттә профилактикага дәүләт программасы кирәк. Хөкүмәт тәмәке тартуга, алкоголь куллануга каршы көрәш алып барырга, вич һәм гепатит вирусларына каршы вакцинация үткәрүне, сәламәт диета сайлауны оештырырга, сәламәт яшәү рәвеше өчен шартлар тудырырга тиеш. Шул ук вакытта һәр кешенең үзе һәм гаиләсе өчен күп нәрсә эшли алганын да онытмаска кирәк.
 
Тормышка өмет

– Ни өчен Русиядә онкология белән авыручыларның саны елдан-ел арта? Ешрак чирли башладыкмы, әллә диагностиканың сыйфаты яхшырдымы?
 
– Гомер озынлыгы арту белән авыручылар саны да һәрвакыт арта. Әлбәттә, диагностика челтәрләренең үсеше һәм камилләшүе дә авыруларны күбрәк ачыкларга ярдәм итә.
 
– Онкологияле авыруларның гомер озынлыгы арта. Бу нәрсәдән тора. Солженицын яман шеш белән 89га, язучы Анатолий Алексин – 92 яшькә кадәр яшәде.
 
– Елдан-ел яман шешне дәвалау мөмкинлеге дә арта. Хәзер онкологик авыруларның яртысыннан артыгы диярлек савыга. Киләчәктә алар тагын да күбрәк булсын иде.

– Моның өчен авыруларны ачыклауны тагы да камилләштерергә кирәк. Финляндия яки Көньяк Кореядагы кебек, безгә дә скрининг кертергә нәрсә комачаулый?
 
– Скрининг – күп компонентлы процесс. Ул диагностикадан алып дәваланганнан соң да сыйфатны күзәтеп торуны оештыруны таләп итә. Ун елдан соң скринингның тулы көченә эшли башлавын телибез икән, эшне бүгеннән башларга кирәк. Сүз уңаеннан әйтим, АКШ һәм Көньяк Кореяда скрининг Финляндия һәм Голландиядәге кебек яхшы эшләми.
 
Сайлаулар һәм тикшеренү

– Русиядә кертелгән мәҗбүри диспансерлаштыруның файдасы бармы?
 
– Анда кулланыла торган алымнарның бер өлеше яман шешкә каршы скрининг төшенчәсенә тулысынча сыеша. Әмма шуны истә тотарга кирәк, диагностика скрининг программасының бер кисәге генә. Скрининг тулы куәтенә эшләсен өчен, гамәлләр чылбыры белән сыйфатны контрольдә тоту процессын оештырырга кирәк.

– Сайлауларга сайлаучыларны җәлеп итү ниятеннән оештырылган медицина тикшерүләренең файдасы була аламы?
 
– Күп дигәндә, мондый акцияләр белән халыкка авыруның мөмкин булган симптомнарын һәм профилактика алымнары турында җиткерергә була. Әлбәттә бу яхшы. Әмма, системасыз һәм даими булмаган тикшерү яман шештән үлүчеләрнең санын киметми, киресенчә, кайчагында зыян гына китерергә дә мөмкин.

– Президент юлламасында 100 мең кешегә 185 үлем очрагы гына дигән бурыч куйды (хәзер – 197). Моны эшләп булырмы?
 
– Белмим, планлаштырып кына үлем күрсәткечләрен киметеп булырмы икән? Яман шешкә каршы көрәшнең уңай нәтиҗәсенә берничә, елдан күп очракта дистә елдан соң гына ирешергә мөмкин. Хәзер сөт бизе, ашказаны, клоректаль яман шештән үлүчеләр күпмегәдер кимеде, тик авыручыларның яшәү рәвеше турында да онытмаска иде. Аларның гомеренең соңгы айларында мөмкин кадәр уңай шартлар тудырырга кирәк.
 
Яман шештән вакцина

– Якындагы 10, 20, 50 елда яман шештән дару табылырмы?
 
– Моңа шикләнәм. Яман шеш – бик күп авырулар төркеменнән тора. Димәк, яман шештән тулысынча котылу өчен бөтен авыруларны берьюлы дәваларга кирәк. Мондый универсаль даруны уйлап табулары хәзергә икеле.

– Дөньяда, бигрәк тә Русиядә онкофобия үсә. Нигә шулай икән?
 
– Онкология авырулары турында күбрәк ишеткән саен, шуның кадәр күбрәк курка башлыйбыз. Дусларда, танышларда, туганнарда яман шеш табарга мөмкиннәр. Бу очракта бер генә киңәш: яман шештән профилактика алымнары, симптомнары турында максималь адекват мәгълүмат кына алырга кирәк.

---
Татарстан яшьләре
№ --- | 20.09.2019
Татарстан яшьләре печать

Фикерләр

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Шаян
Ханский дом
Татаркино