ГАЛИДӘ САБАН ТУЕ

29 майда Похвистнево районының Гали авылына 400 ел тулуга багышланган Бөтенроссия авыллары Сабан туе үткәрелә.

Бәйрәмнең оештыручылары – Самара өлкәсе хөкүмәте, Бөтендөнья татар конгрессы башкарма комитеты, Похвистнево муниципаль районы администрациясе, Гали авылы җирлеге администрациясе, өлкә «Туган тел» татар җәмгыяте, өлкә татар милли-мәдәни автономиясе, Похвистнево районының «Туган тел» татар җәмгыяте.

Сабан туе ПРОГРАММАСЫ

9.30–10.00 Бәйрәм кунакларын, кайнап торган зур самовар янында ипи-тоз һәм бавырсак-чәкчәк белән каршы алу.

10.00–10.50 Кунаклар өчен Гали авылы буйлап экскурсия.

10.00 Балалар өчен уен мәйданчыкларының, сәүдә рәтләренең эшләрен башлап җибәрү.

11.00–11.30 Төп сәхнәдә бәйрәмне тантаналы төстә ачу. Россия Федерациясе төбәкләреннән килгән делегация вәкилләренең мәйдан буйлап үтүе. «Казан» бию ансамбле, Г. Камал исемендәге Татар Дәүләт Академия театры һәм Гали авыл халкы катнашында театральләштерелгән пролог-күренеш. Анда Галинең дөньяга килү тарихы, риваятьләрдә сурәтләнгән тарихи шәхес Морат бабай, аның изге «Бабкай чишмәсе» турында сөйләнә һәм күрсәтелә.

11.30–11.35 Самара өлкәсе губернаторы Владимир Артяковның тәбрикләү сүзе.

11.35–11.40 Россия Федерациясенең һәм Сабан туеның әләмнәрен күтәрү – СССРның спорт мастеры һәм Европа чемпионы Хәбил Бикташев, Похвистнево районының «Туган тел» татар җәмгыяте рәисе Расих Латыйпов.

11.40–11.50 Татарстан президенты Рөстәм Миңнеханов һәм башка мөхтәрәм кунакларның чыгышы.

11.50–11.55 Россия Федерациясе мөселманнарының Үзәк Диния нәзарәте рәисе, баш мөфти Шейхелислам Тәлгать хәзрәт Таҗетдинның чыгышы.

11.55–12.00 Бәйрәм фейерверкы.

12.00–17.00 Төп сәхнәдә Татарстан Республикасының сәнгать осталары концерты.

12.00–17.00 Татар милли көрәше буенча бәйгеләр.

12.00–17.00 Икенче сәхнәдә Самара өлкәсе һәм төбәкләрнең үзешчән татар иҗат коллективлары катнашында концерт.

12.30–17.00 Ат чабышлары һәм атлы спорт ярышлары.

13.00–13.20 Төп сәхнәдә Гали авылы мәдрәсәсенең яшь шәкертләре катнашында Коръән укучылар бәйгесе.

17.00–18.00 Төп сәхнәдә Сабантуй бәйрәмендә җиңүчеләрне тантаналы төстә бүләкләү. Сабан туенда җиңүчеләрнең мәйдан буйлап үтүе.

18.00 Сабан туе бәйрәмен тантаналы төстә ябу. Һавага төрле төстәге шарлар очыру – шар-шоу.