|
|
Бүген кемнәр туган
|
|
Архив
|
07.08.2019 Шоу-бизнес
Казанда Хәния Фәрхи рухына атап аш үткәргәннәр (ФОТО)27нче июль көнне күпләрнең кумиры, легендар Хәния Фәрхинең арабыздан вакытсыз китүенә ике ел булды. Быел 30нчы май көнне җырчыга нибары 59 яшь тулган булыр иде. "Матбугат.ру"га билгеле булганча, якыннары аның рухына багышлап Казанда Коръән ашы үткәргәннәр. Сеңлесе Фирүзә Ибәтуллина да Хәния Фәрхи вафат булган көнне Казанда аның каберендә булган. "Синең чакыруың белән очар коштай Казанга очып килә идем, йөрәк парәм. Синең белән күрешү, очрашу йөрегәмне генә җылытып калмый, бар дөньяма нур, наз тула иде. Ә хәзер, Кояшым, синең янга әрнүле сагыну, җанымны тетрәндереп кайнар яшьләремне кабер ташымда чылатам", - ди Фирүзә ханым.
"Кояшымның туган авылы җирендә үскән хуш исле мәтрүшкәләрне Коръән ашына килгән һәрбер кешегә өләшүемне Кояшымның сәламе итеп кабул итүләре, догалары өчен күз нурымның рухы шат булуына иманым камил. Аякларым йөреп, күзләрем күргәнче үз акылым белән дөньялыкта яшәгәндә Кояшым синең мәңгелек йортыңа минем юлым тукталмас", - ди ул.
--- |
Иң күп укылган
|