|
|
Бүген кемнәр туган
|
|
Архив
|
04.06.2019 Мәгариф
«Тукайга мәхәббәт илә...»Казанның кооператив институтында үткән «Тукайга мәхәббәт илә...» төбәкара конкурста бөек татар шагыйре Габдулла Тукайның үлемсез шигырьләрен Татарстан һәм Россиянең 150дән артык югары сыйныф укучылары яңгыраттылар. Шигърият сөючеләр өч сәгать дәвамында көч сынаштылар. Алар арасында Шенталы районының Денис авылы укучылары Алсу Сарымова, Камилә Вәлиева, Диләрә Идиятуллина да чыгыш ясадылар. Кызларыбыз сынатмады, тырышып әзерләнгәннәре бушка китмәде. Диләрә “Пар ат” шигырен югары дәрәҗәдә сәнгатьле итеп сөйләп, III дәрәҗә диплом иясе булды, Алсу исә Габдулла Тукайның “Ана догасы”, “Бишек җыры”, “Туган тел” шигырьләрендә ана белән бала мөнәсәбәте тирәнлеген ачып күрсәтә алды һәм шушы хезмәте өчен аңа сертификат тапшырылды. Ә Камилә, артистларча оста итеп, Тукайның “Эш беткәч уйнарга ярый” шигырен укыды. Жюри аның чыгышын югары бәяләде һәм I дәрәҗә диплом тапшырды. Кызларыбыз белән горурланабыз.
Нәфис сүз осталарының чыгышларын абруйлы жюри - Г. Тукай исемендәге Дәүләт премиясе лауреатлары, шагыйрьләр Роберт Миңнуллин һәм Ркаил Зәйдулла, филология фәннәре докторы, профессор Фоат Галимуллин, филология фәннәре докторы, профессор Хатыйп Миңлегулов, Казан Мәгариф идарәсе башлыгы урынбасары Марат Фәттиев һәм башкалар бәяләде.
Конкурста җиңүчеләрне жюри рәисе Роберт Миңнуллин бүләкләде.
Нурсинә ХАМАТШИНА,
Денис мәктәбенең татар теле һәм әдәбияты укытучысы.
--- |
Иң күп укылган
|