|
|
Бүген кемнәр туган
|
|
Архив
|
24.05.2019 Киңәш-табыш
Авыл хуҗалыгы министрлыгы: чебешләрне теләсә каян сатып алмагыз!Җылы көннәр урнашу һәм дача сезоны башлану белән республикада шәхси ярдәмче хуҗалыклар һәм дачада торучылар өчен тере тавык, каз, үрдәк чебешләре сату активлашты. Алар махсус билгеләнгән урыннарда да, шулай ук рөхсәт бирелмәгән урыннарда да сатыла. Татарстанның авыл хуҗалыгы министрлыгы чебешләрне теләсә каян сатып алмаска киңәш итә.
"Еш кына шундый хәлләрне дә күрергә була, кош-корт төялгән автотранспорт бер торак пункттан икенчесенә күчеп йөри. Шул сәбәпле 2018 елда республиканың Идел аръягы зонасындагы 6 районда шәхси ярдәмче хуҗалыкларда кош риппы очраклары теркәлгән иде," диелә министрлыкның матбугат хезмәте хәбәрендә.
Кош гриппы таралуын булдырмас өчен Татарстан авыл хуҗалыгы һәм азык-төлек министрлыгы Россельхознадзорның Татарстан идарәсе һәм Баш ветеринария идарәсе белән берлектә кош-корт сатуны бары тик махсус билгеләнгән урыннарда һәм ветеринария кәгазьләре булганда гына оештыру чараларын күрә. Муниципаль районнар башлыкларына бу мәсьәләгә аерым игътибар итәргә,у рыннарда ЮХИДИ хезмәткәрләрен, участковыйларны, шулай ук авыл җирлекләре башлыкларын җәлеп итәргә тәкъдим ителде.
Министрлык Татарстан халкына чебешләрне бары тик махсус билгеләнгән урыннарда гына алырга, шулай ук ветеринария документлары булуга игътибар итәргә куша.
--- |
Иң күп укылган
|