|
|
Бүген кемнәр туган
|
|
Архив
|
14.05.2019 Матбугат
«ШАЯН ТВ» кечкенә генә "түгәрәк дата"сын билгеләп үтте«ШАЯН ТВ» каналы инде менә алты ай буена үз шаяннарын мультфильмнар, кызыклы тапшырулар белән сөендерә. Шушы вакыт эчендә балалар үзләренә Алекс, Марин, Камыр батыр, Леонардо һәм башка бик күп дуслар тапты. Канал, эшли башлаганнан алып, балаларга утыздан артык мултьфильм күрсәтте һәм күрсәтә. «Шаян тәҗрибәләр», «Кичке әкияләр», «Кармак ТВ», «Оста куллар», «Бергәләп өйрәник» алып баручылары белән нәни караучыларыбыз төрле тәҗрибәләр, фәнни ачышлар һәм файдалы җайланмалар ясыйлар, иң мавыктыргыч әкиятләр белән танышалар, җырлыйлар һәм ял итәләр. Бу тапшыруларны төшерү өчен, «ШАЯН ТВ» ның күптән түгел яңа студиясе дә ачылды. Тәүлек әйләнәсе татар телендә эшли торган балалар каналының төп максаты — татар телендә белем һәм тәрбия бирүче бердәм мәйдан булдыру, оригиналь программалар, телевизион уен һәм викториналар, кызыклы мультипликацион фильмнар һәм фикерләүне үстерергә ярдәм итүче тапшырулар аша татар телен өйрәнүгә кызыксыну уяту.
--- |
Иң күп укылган
|