• 21.04-22.04 Уфа гастрольләре. Кариев театры (Мостай Кәрим исемендәге яшьләр театры.
  • 21.04 Фирдүс Тямаев, "Җиде малай идек". УНИКС. 18:30
  • 25.04 "Казан" бию ансамбле концерты. Филармония. 18:30
  • 26.04 "Зур концерт" тамашасы. УНИКС. 18:30
  • 26.04 МакSим. Траттория на Минской. 20:00
  • 26.04 Зур концерт. УНИКС. 18:30
  • 04.05 Габделфәт Сафин, «Һаман яратам». Тинчурин театры. 17:00
  • 20.05-23.05 Элвин Грей. Пирамида. 19:00
Туган көннәр
  • 21 Апрель Равил Тумашев (1923-2016)
  • 21 Апрель Идрис Газиев
  • 21 Апрель Алинә Сафиуллина
  • 22 Апрель Гөлназ Гыйниятова
  • 22 Апрель Әлфис Кыямов (1960-2004)
  • 22 Апрель Марат Әмирханов
  • 22 Апрель Гөлнара Сабирова
  • 22 Апрель Илнар Сәйфиев
  • 22 Апрель Илсур Сафиуллин
  • 22 Апрель Руслан Айсин
  • Казаннын Салмачы бистэсе янэшэсендэ дача сатыла. 2 этажлы йорты. яна мунчасы.сарае. беседкасы. 6 сот бакчасы. Сатучысы собственник. докум эзер. Алырга телэучелэр шушы номерга шалтыратыгыз 89625521877
  • РКБ тирэсеннэн(портка якын) торырга булмэ яисэ гостинка эзлим.Риэлторлар борчымасын иде.89196978895
  • Кран-манипулятор установкасы сатыла, грузоподъемность-2тонна, бэясе 200000сум,тел.89172851990
  • Балык Бистэсе районы Яна Арыш авылында барлык унайлыклары да булган ой сатыла.Казаннан 80 км,капка тобенэ кадэр асфальт.Эйбэт куршелэр,урман,мэктэп,мэчет,мэктэп,h.б.Документлар эзер .Тел.89178990181
  • Казанда Московской, Кировской, Ново-совин районнарында 1 булмэле квартира сатып алам. Торле вариантлар карыйм! Риэлторлар борчымагыз! тел 89274544590
  • РКБдан ерак түгел, Раус Гареева урамында озак вакытка фатирга кертәм. 15000+квартплата(якынча 2500-3000 чыга)кечкенә балалы, этле-мәчелеләр борчымасалар иде.Тел:89047645487
  • Пучы авылы узэгендэ жир участогы сатыла,документлаштырылган.89172518230
  • Казанның Г.Кайбицкая урамында 1бүлмәле фатир арендага бирелә. Уңайлыклар бар. 13мең+КУ. Т.89674643949
  • РКБ янында ике бүлмәле фатир озак вакытка арендага бирелә. 89520310910
  • 1 булмэле фатир Жк Салават Куперендэ тэртипле гаилэгэ арендага бирелэ.собственник. 89509488227

 

 

 
Архив
 

 

13.04.2019 Язмыш

"Китеп барсам, балам белән әнием нишләр дип уйлыйм"

Теләче районының Үзәк авылында яшәүче Мария Шароновага ярдәм кирәклеге хакында райондашлары шалтыратып әйтте. Үзе белән сөйләшә башлагач, ул башта бер дә зарланмады. Шулай да күңелемә шик керде. Хәле әллә ни яхшы түгел кебек тоелды. Ахыр чиктә Мариягә, чыннан да, ярдәм кирәклеге ачыкланды.

– Без гаиләдә биш бала идек. Мин – дүртенче кыз. Бишенчегә малай туса да, кыска гомерле булды. Виталийны искә алмаган, сагынмаган көнебез юк. 16 яшендә Сабантуйда аттан егылып төшеп, авыруга сабышты, – дип, туганын искә ала Мария. – Энемнең башына операция ясадылар. Ә ул бер дә зарланмады. Яшәп калырга ашыкты. Кайда нинди эш бар, шуны эшләде. Бик тырыш иде. Сочига барып та эшләп кайтты. Бер урында тик тора алмый иде. Китүе дә тиз булды.  Бу 2011 ел иде. Шушы хәл­ләрдән соң  үзем дә нык авырып киттем.
 
Мария хастаханә юлларын күп таптый. Әмма аның ни сә­бәп­ле авырганын озак вакыт ачык­лый алмыйлар. Мәктәпне тә­мамлагач, Түбән Камага шәф­кать туташы булырга укырга китә. Ике ай укыгач, әнисеннән шомлы хә­бәр килә.  Ул кызына кайтырга куша. Авыл табибы кызның үпкә­ләрендә ниндидер таплар күреп ала.
 – Миңа укуны калдырып торырга туры килде. Хастаханәгә эләктем. Манту да ясап карадылар, төрле анализлар да бирдем. Тик диагноз куючы гына юк.  Аптырагач,  Казанга җибәр­деләр. Анда да бу тапларның ни сәбәпле  барлыкка килгәнен белә алмагач, туберкулез авыруыннан  дәвалый башладылар.  Академик ял алырга туры килде. Мин озак кына  хастаханәдә яттым. Аннан ял йортына җи­бәрделәр. Хәтта инвалидлык та бирделәр. Алты ай саен тикшереп тора башладылар. Ниһаять, укуымны тәмамлап, районга эшкә кайттым, – дип искә ала Мария.
 
 Кияүгә чыгып, бала тапкач, аның үпкәләрендә теге таплар тагын пәйда була. Дүрт  айлык баласын алып китәләр. Сабыйны да шул авырудан дәвалый башлыйлар. 
– Шунда миңа бер шарт куйдылар: әгәр дәвалансаң, ба­лаңны бирәбез, – диделәр. Ризалаштым. Шул чакта мине, үпкәсе чирле икән  дип, бөтен җирдә  сөйлә­де­ләр. Кыен булды. Үзем­дә туберкулез таякчыклары булмавын яхшы белсәм дә, чи­ремнең нидә икәнен аңлата алмадым. Моның өчен профессор ярдәме кирәк булды. Аннан соң сукыр эчәгем авыртып, башка хастаханәгә күчерделәр. Ходай мине шулай саклап калды. Шуннан соң башка дәва­ла­мадылар.
 
Мин  соңрак яхшы табибларга күренергә уйладым. Табиб тикшерде дә, сиңа үпкә күчереп утыртырга кирәк, диде. Баксаң, үпкәләремдә фиброз дигән авыру икән. Тиз генә квота табып,  Мәскәүгә җибәрделәр, – дип сөйли Мария. –  Мин кечкенә вакытта җәй көне бронхит белән авырган идем. Табиблар, әнә шуның йогынтысы булырга мөм­кин, ахырга кадәр дә­ва­ланып бетмәгәнсең, диләр. Мин,  туберкулездан дәваланып,  шактый вакытымны әрәм иткәнмен. Хәзер инде  үз үпкәләрең белән яшә, дип тә киңәш бирәләр. Мин дә шул фикердә. Дарулар бик күп эчәм. Сулыш алуым начар булгач, йөрәгемә дә зыян килә. Тыным кысыла. Өйдәгеләр кислород биреп кенә коткарып кала. Ике тапкыр үпкәмдә нидер шартлады. Миңа каты итеп йөт­ке­рергә, тирән суларга, авыр күтәрергә ярамый.
 
Мариянең икенче сыйныфта укый торган улы бар. Авырулар белән көрәшеп-көрәшеп тә  исән калуын сабые бәхетеннән күрә ул.
 
– Ходайдан гомер, сәламәтлек сорыйм. Китеп барсам, балам белән әнием нишләр дип уйлыйм. Мин аларның икесе хакына яшәргә тиеш. Гомеремне озынайту өчен кислород баллоны кирәк. Әмма ул кыйммәт – 300 мең сум тора икән.  Даруларны да үзем сатып алгач, акчам җитми. Безнең кебек авырулар Татарстанда күп түгел. Шулай булса да, кирәкле даруларны көчкә табабыз. Яшисе килә бит. Кешедән ярдәм сорарга бик тә оялам, – ди Мария. – Хәзер һәр кешенең үз проблемасы, кредиты бар. Тормыш алып бару  кыен. Ничек итеп башкаларның акчасына өметләним? Дөрес, күңе­лемдә,  ярдәм итәргә те­ләге һәм акчасы булган кеше килеп чыкмасмы, дигән өмет яши. Андый кеше табылса, ярдәменә риза булыр идем.
 
Редакциядән: Мария Шароновага ярдәм итәргә теләү­челәр булса, 89274385613 телефон номерына шалтыратсагыз иде. Без сезгә Мария белән элемтәгә керергә булышырбыз.

Гөлгенә ШИҺАПОВА
Ватаным Татарстан
№ --- | 12.04.2019
Ватаным Татарстан печать

comments powered by HyperComments

Фикерләр

▲ Өскә
 
Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Түгәрәк уен
Татарстан китап нәшрияты
RAFINA/D
Милли Музей
Шаян