• 02.08-18.08 Салават концертлары. 31 сезон. Камал театры. 19:00
  • 03.08-23.08 Гигант шоу. Цирк. 13:00
  • 17.08-18.08 "Печән базары". Казан. Кабан күле яр буе. 12.00-22.00
  • 30.08 "Күтәренке күңел белән". Музыкаль-юмористик шоу. УНИКС. 18:00
  • 15.10 Әнвәр Нургалиев. УНИКС. 18:30
  • 25.10-28.10 Ришат Төхвәтуллин. УНИКС. 18:30
Туган көннәр
  • 18 Август Шамил Фәхретдинов
  • 18 Август Рөстәм Хәмитов
  • 18 Август Газинур Морат
  • 18 Август Маннур Саттар
  • 19 Август Харис Мусин
  • 19 Август Солтан Рахманколый (1889-1916)
  • 19 Август Сәгыйть Гыйбашев
  • 19 Август Рубин Абдуллин
  • 20 Август Рәшит Абдуллин (1951-2004)
  • 20 Август Ринат Нуруллин
  • Казан шәһәре Бр. Касимовых 22/7 адресы буенча урнашкан бүлмәгә начар гадәтләре булмаган ике кыз кертәм. Яшәү өчен барлык шартлар да бар. Тел: 8987 209 86 93
  • Казан шәһәр филармониясенә Видеомонтажер/видеоконтентщик эзлибез. Резюме җибәрү өчен электрон почта: [email protected]
  • Ат сатыла, сау сэлэмэт жигугэ ойрэнгэн, 75000 тел 89083425578
  • Казанда авиатозелеш районда урнашкан стоматология га мед сестра кирэк. Стажы булса бик эйбэт. Зп 25000 мен.89376293950
  • Начар гадәтләре булмаган ике кыз балага яки яшь парларга озак вакыт яшәп тору өчен бүлмә тапшырам. Яшәү өчен барлык шартлар да бар. Казан, ул. Бр.Касимовых, 22/7. 89506670933
  • Казаннын Киров районында Базарная 2 ур общ 18 м2 бетен унайлыклары булган булмэ озак вакытка арендага бирелэ. Тел. 89274544590. Т
  • Актанышта йорт сатыла. Мәйданы 128 м.кв. Су үзәкләштерелгән челтәрдән, канализаөия- септик, газ, электр - яшәү өчен бар нәрсә бар. Җире 16 сутый. 3 ой аркылы балалар бакчасы, Ерак тугел "Пятерочка", спорткомплекс, больница, 4-5 км да урман, елга. Ватсапп.89061165630.
  • Дача сатыла. Казан шәһәре Дальние Сады 4 сот. 89272491829
  • Дәүләт архивлары чыганаклары буенча ШӘҖӘРӘләр төзим. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 6 ел. Тел./Ватсап: 8–917–874–16–40 [email protected] Дамир Шәйхетдин. Чаллы
  • Казань совет районы ак губкина урамында зур булме сатыла 18кв.м балконы бар.89509469991

 

 

 
Архив
 

               

19.03.2019 Җәмгыять

«Ярдәм итегез: түбәдәге кар эреп, фатирыбызны су басты»

Авиатөзелеш районының Айдаров урамы, 8а йортында яшәүчеләр өчен 8 март «бүләге» күңелләрендә озак сакланыр әле. Көннәр кинәт җылытып җибәрү сәбәпле, түбә башындагы кар эреп, соңгы, бишенче катта яшәүчеләрне су баскан.

Өч көн буе фатир түшәмнәреннән кар суы агып торган. Аннары бүләк өстенә бүләк дигәндәй, дүрт-алты көнгә суны бетергәннәр. Су бишенче этаждан аскы катларга да төшкән. Аш бүлмәсенә яңа гына ремонт ясаган Нурия апа аптырашта. Редакциябезгә, беренче булып, ул ярдәм сорап шалтыратты. «Кухня гарнитурын берничә көн элек кенә куйган идек, су ага башлагач, дымнан аның кайбер өлешләре, өстәл өслеге күперде, тарттырылган түшәмдә таплар барлыкка килде», – ди Нурия апа.
 
Айдаров урамындагы әлеге йортны су басканы урам ягыннан ук күренә. Өченче подъезд турысында иң өске катта фасад юешләнеп торган урында штукатур коела. Карап торышка да йорт иске. 1968 елда төзелгән икән. Ремонт та күптән ясалмаган. Подъездга килеп керүгә, борынга сасы ис килеп бәрелде. Баксаң, биредәгеләр инде еллар буе шундый шартларда яши. «Канализация торбасы тишелгән, диләр. Бу ис башыбызга капты инде, шикаятьләр дә юлладык – файдасыз», – диләр яшәүчеләр. Бишенче катта яшәүче Резедаларга күтәреләбез. Түшәмендәге кайбер урыннардан хәзер дә тамчылар тамып тора. Аскы катларга су китмәсен өчен, Резеда торбаларга пластик шешәләр бәйләгән. Шкаф башларына табаклар тезеп чыккан. «Яңгыр яуса, түшәмнән болай да су үтә иде, тик моның кадәр су басканы юк иде әле. Табаклар җиткереп булмый. Беренче көнне төне буе ярты сәгать саен су түгеп тордым», – ди. Су басу эзсез узмаган, түшәмнәрдә сары, коңгырт таплар барлыкка килгәч, обойлар купкан, бар җир дымлы.
 
 
Татарстан торак-коммуналь хуҗалыгы өлкәсендә иҗтимагый контроль төбәкара үзәгенең җәмәгатьчелек белән элемтәләр буенча баш белгече Таһир Вәлиди аңлатуынча, чорма, йорт түбәсе гомуми кулланылыштагы милек булып санала. Аның торышы өчен идарәче компания җаваплы. Хәер, бу хәлләрдән соң торак-коммуналь хезмәткәрләре кыш буе селкенмәгән карны төшереп киткәннәр китүен. Тик судан зыян күргән гаиләләргә әллә ни вәгъдә итмәгәннәр.
 
Айдаров урамы, 8а йортында яшәүчеләрнең зарлары су басу белән генә чикләнми. Әйткәнемчә, канализация исе чыгып тору борчый. Нурия апаның фатирында краннан ага торган су басымы түбән икән. Вентиляция тиешенчә эшләми. Барысы да йортка ремонт ясауларын көтә.
Ә ремонт тиз генә ясалмас, ахры. Казан шәһәре мэриясеннән алынган мәгълүматлар буенча, «Татарстан Министрлар Кабинеты карары белән (№1081, 2017 елның 29 декабреннән гамәлдә), Татарстан территориясендә урнашкан күп катлы йортларны капиталь төзекләндерү төбәк программасы үтәлешенең кыс­ка вакытлы программасы расланган. Әмма Айдаров урамы, 8а йорты әлеге исемлеккә кермәгән. Дөрес, йортны төзекләндерү планлаштырыла. Программа буенча комплекслы капиталь ремонтны – 2042 елда, җылылык сис­темасын төзекләндерү, электр энергиясен исәпләү счетчикларын кую эшләрен 2043 елда башкарырга җыеналар. Мөһим момент: капиталь төзекләндерү вакыты үзгәрергә мөмкин. Дөрес, моны шәһәр мэриясе хәл итми. «Күп катлы фатирларда капиталь төзекләндерүне оештыру турында»гы 52нче законның 11нче маддәсе, 3нче бүлеге буенча, капиталь төзекләндерү датасын үзгәртү түбәндәге критерийларга бәйле: техник характеристика, гомум кулланылыштагы объектларның торышы, соңгы тапкыр капиталь төзекләндерү ясалу вакыты, милекчеләрнең капиталь төзекләндерүне сорап мөрәҗәгать итүләре, финанс мөмкинлекләр.
 
 
Ни гаҗәп, әлеге йортка хезмәт күрсәтүче Авиатөзелеш районының торак-коммуналь хуҗалыгы идарәче компаниясендә капиталь ремонтның кайчан ясалачагын бөтенләй белмиләр.
 
– Соңгы тапкыр капиталь ремонт 2004 елларда ясалган булган. Без капиталь төзекләндерү вакытын үзгәртә алмыйбыз. Быел кар күп булды, шуңа да төшереп торсак та, түбәдә калып, эрегән, берничә фатирны су баскан, хәзер берни эшләп булмый. Көннәр җылынгач, кар эреп беткәч, йорт түбәсен төзекләндерәчәкбез, – диде идарәче компаниянең торак-коммуналь хуҗалыгы буенча директор урынбасары Анатолий Власов.
 
 
Зыян күргән гаиләләрнең фатирларын подрядчы оешма хезмәткәрләре килеп ремонтлаячаклар дип вәгъдә иттеләр, ә канализация исенә килгәндә, Анатолий Власов шәхсән үзе бу мәсьәләне тикшерергә сүз бирде. Әгәр дә идарәче компания сүзендә тормаса, йорт милекчеләре Дәүләт торак инспекциясенә мөрәҗәгать итә ала.

Эльвира МОЗАФФАР
Шәһри Казан
№ --- | 19.03.2019
Шәһри Казан печать

Фикерләр

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Шаян
Ханский дом