|
|
Бүген кемнәр туган
|
|
Архив
|
13.03.2019 Мәдәният
Фидан Гафаров һәм Нурия Ирсаева – “Дуслык күпере”ндә (ВИДЕО)Башкорт сәхнәсе легендалары Фидан Гафаров һәм Нурия Ирсаева “Дуслык күпере” фестиваленең Казан концертында катнаша. Хәтерләсәгез, узган ел Фидан Гафаров “Дуслык күпере” фестиваленең иң популяр артистларының берсе булды. Быел исә фестивальнең Казан концертына Фидан Гафаров үзе генә түгел, ә Нурия Ирсаева белән бергә киләләр. Данлыклы дуэт иң популяр җырларын башкарыр, дип көтелә. Әлеге концертта шулай ук татар-башкорт сәхнәсенең чагу “йолдызлары” Айдар Галимов, Гүзәл Уразова, Элвин Грей, Әнвәр Нургалиев, Илсөя Бәдретдинова, Зөһрә Сәхабиева, Нәфкат Нигъмәтуллин, Илһам Вәлиев, Илмира һәм Руслан Кираметдиновлар, Алсу Әбельханова, Уфадан Руслан Сәйфетдинов һәм “Премьер” төркеме, Әлфинә Әзгамова, Алинә Шәрибҗанова, Алмаз һәм Айдар Юнусовлар, Азат Абитов, Гөлсирин Абдуллина, Рәнис Габбазов, Уфаның “Мирас” җыр һәм бию ансамбле, Татарстанның Дәүләт җыр һәм бию ансамбле, яшь җырчылар катнаша.
Гала-концерт 13 апрель “Пирамида” залында үтә. Башлана 17.00.
Билетлар – кассир.ру һәм “Пирамида” кассаларында.
Рәхим итегез!
--- |
Иң күп укылган
|