|
|
Бүген кемнәр туган
|
|
Архив
|
26.01.2019 Матбугат
Буа газетасы баш мөхәррире Гакыйл Камалетдиновка 50 яшьБүген 26 гыйнвар көнне Буа районында чыгучы "Байрак" ("Знамя") газетасының баш мөхәррире, танылган журналист Гакыйл Арәфетдин улы Камалетдинов үзенең гомер бәйрәмен - 50 яшьлек юбилеен бәйрәм итә. Гакыйл әфәнде район газетасын 2000 елдан бирле җитәкли. Бу дәвер эчендә басма күп уңышларга иреште. Бик күп журналистлар Гакыйл Арәфетдиновичны үзләренең укытучысы дип саный. Гакыйл әфәнде Бөгелмә районы Ирекле Стан авылында туган. 1997 елда Казан дәүләт университетында журналист һөнәре алып чыга. 1988-1990 - армиядә хезмәт итә. 1990 - "СК Хеопс" кооперативында баш инженер. 1990 - "Байрак" газетасының авыл хуҗалыгы бүлегендә хәбәрче. 2000-2008 - "Знамя" газетасы редакторы. 2008 - "ТАТМЕДИА" филиалы "Знамя" газетасы редакциясе директоры. Өйләнгән, ике баласы бар. "Матбугат.ру" редакциясе коллективы Гакыйл абыйны чын күңелдән котлый. Гаилә бәхете һәм иҗади уңышлар теләп калабыз!
--- |
Иң күп укылган
|