|
|
Бүген кемнәр туган
|
|
Архив
|
14.12.2018 Спорт
17 яшьлек Сафаҗай егете - дөнья чемпионы7, 8 декабрь көннәрендә Татарстанның “Биектау” универсал спорт залында 2001-2003 елларда туучы яшүсмерләр арасында билбалар белән көрәш буенча дөнья беренчелеге булып үтте. Бу ярышларда 10 илдән 150 иң көчле һәм талантлы егет-кыз бил алышты. Безнең 17 яшьлек Сафаҗай егете Ханнән Камалетдинов 95 килограммнан артык булган абсолют авырлыкта дөнья чемпионы исемен яулап кайтты. Без аны барча укучыларыбыз, иҗтимагый оешмаларыбыз һәм Мәскәү, өлкә татар көрәше федерацияләре исеменнән кайнар тәбрик итәбез, Нижгар татарлары данын дөньяга танытканы өчен олы рәхмәтләребезне белдерәбез һәм мәктәпне уңышлы тәмамлап, олы тормышта үз юлын чөнки дәү әтисе Хәмзә абый Ватан каршында хәрби бурычын үтәгәндә, ирекле көрәш буенча армия сафларында беренчелекне тоткан, аннары туган якларында күп тапкыр сабантуй батыры булып калган. Мәсәлән, авылдашы һәм фамилиядәше Вафа ага Камалетдиновның мәртәбәле Уразавыл сабан туе чемпионнарын теркәп барган исемлегендә күрсәтелгәнчә, бу региональ бәйрәмдә Хәмзә абый 1975-1976 елларда төп батыр исемен яулаган. Тагын шуны да әйтергә кирәк, бу яшь егетебез кушаклар белән көрәштә беренче дөнья чемпионы исеменә ирешкән һәм үз фамилиясен тарихка керткән адашы Ханнән Мусинның казанышын дәвам итеп, Нижгар өлкәсенең чын көрәшчеләр әзерләүче төбәк булуын кабат исбатлады.
Афәрин, Ханнән Хасыл улы!
Олег ХӨСӘИНОВ |
Иң күп укылган
|