|
|
Бүген кемнәр туган
|
|
Архив
|
07.12.2018 Мәдәният
Ерак сәфәрдән җиңеп кайттыкУзган көннәрдә генә Марий Эл республикасы башкаласы Йошкар-Ола шәһәрендә татар фольклорының “Гасырлар авазы” дип аталган регионара фестиваль-конкурсы булып үтте. Фестивальне оештыручылар һәм гамәлгә куючылар – ТРның мәдәният министрлы-гы, Марий Эл республикасының мәдәният, матбугат, милли мәсьәләләр министрлыгы, җирле татарларның милли-мәдәни автономиясе һәм “Республиканың татар мәдәнияте үзәге” дәүләт автономия учреждениесе. “Вокал”, “Халык уен кораллары”, “фольклор” һәм “Халык авыз иҗаты” номинацияләрендә барлыгы 85 коллектив катнашты. катнашучыларның географиясе дә киң иде – Татарстан, Марий Эл, Чуаш республикалары, Түбән Новгород, киров, Ульян өлкәләре. пермь крае һ.б. аларның чыгышларын дәрәҗәле белгечләрдән торган жюри бәяләде.
Түбән Новгород өлкәсен Спас районыннан Гүзәлия Зиннәтуллина җитәкчелегендә эшләп килүче “Арт-Септима” вокаль студиясе, Бозлаудан адилә һәм Үмәр Нафеевлар җитәкчелегендәге “алтын хәзинә” ансамбле һәм Сергач районы Мөтеравылдан Галина идрисова җитәкчелегендәге “Умырзая” коллективы күрсәтте (фотода).
Һəрвакыттагыча, буш кул кайтмадык фестивальдəн – “Арт-Септима” солистлары Рауза Невмянова ике тапкыр I дəрəҗə лауреат исемен яулады, Əминə Барсукова III, шəхсəн үзем I һəм III дəрəҗə лауреат исемнəренə ия булдык. Шулай ук“Алтын хəзинə” ансамбле белəн бергəлəпI дəрəҗə лауре-ат исемен яуладык. Бу ансамбль солистларының да уңышлары мактанырдый– Җəмилə Салихова белəн Светлана ЮнисоваII, Рабия Ситдикова белəн Җəүдəт Мтиуллин III дəрəҗə лауреат булдылар, ə Рəшит Салихов(җитəкчесе Равил Талипов) фестивальнең Дипломанты дип табылды.
Безнең өчен мондый чараларда катнашу инде гадəти хəлгə əйлəнеп барса, “Умырзая” коллективы əлегə беренче чирканчык алды, шуңа да карамастан II дəрəҗə лауреат исеме алып кайттылар. “Безнең коллектив əлегə яшь, мондый зур чарада беренче катнашуыбыз, тəэсирлəрне əйтеп-сөйлəп бетергесез. Каршы алудан башлап, фе-стиваль тəмамланганчы, əйтерсең, əкият дөньясында булдык. Югарыдəрəҗəдəге оешканлык, бердəмлек, дуслык атмосферасы– барысы даискиткеч иде. Коллективыбызның иң өлкəн əгъзасы, 77 яшьлек Хасəнə апа Мөхəммəтҗанова да: “Мине беркайчан да болай күтəреп йөрткəннəре юк иде”, - дип, балаларча куанып сөйлəде “Умырзая”ның əгъзасы Лима Жалилова. Барлык катнашучылар да Дипломнар, Грамоталар һəм истəлекле бүлəклəр белəн бүлəклəнде, җитəкчелəргə Рəхмəт хатлары тапшырылды.
Фестивальнең төп максаты– талантлы кешелəрне, коллективларны күрсəтү, татар милли фольклорына, җыр-моңга мəхəббəт уяту, гореф-гадəтлəрне саклап үстерү, иҗади коллективлар арасында элемтəлəрне ныгыту иде һəм оештыручылар куйган максатларга ирештелəр Без дə, ничек əйтмешли, үзебезне дə күрсəттек, бүтəннəрне дə карадык, тəҗрибə уртаклаштык һəм тупладык, жюри əгъзалары тарафыннан күп кенə киңəшлəр алдык, ТНВ каналына интервью да бирдек хəтта. Оештыручыларга иң олы рəхмəтлəребезне белдерəбез. Шулай ук Спас һəм Сергач рай-он администрациялəренə, йөртүчелəр Иван Евдокимов белəн Виктор Кныжовка зур рəхмəт.
Гүзəлия ЗИННƏТУЛЛИНА,“Арт-Септима” вокал студиясе җитəкчесе. Спас районы
--- |
Иң күп укылган
|