|
|
Бүген кемнәр туган
|
|
Архив
|
30.11.2018 Мәдәният
Габдулла Тукай исемендәге Татар дәүләт филармониясе коллективлары бүген кайда ни эшли?Татар дәүләт филармониясенең иң зур иҗат коллективы – Россиянең халык артисты, Г.Тукай исемендәге Дәүләт премиясе лауреаты Анатолий Шутиков җитәкчелегендәге Татарстан Республикасы халык уен кораллары оркестры бүген кич (19.00) Әлмәт шәһәренең «Нефтче» Мәдәният сараенда «Бәйрәм кәефендә» программасы белән чыгыш ясый. Солистлар – Россиянең атказанган, Татарстанның халык артисты Резидә Галимова (вокал) һәм Татарстанның халык артисты Ольга Вайссбеккер (балалайка).
Россиянең атказанган, Татарстанның халык артисты Айдар Фәйзрахманов җитәкчелегендәге Татарстан Республикасы фольклор музыкасы дәүләт ансамбле филармония сәхнәсендә, Айдар Фәйзрахманов җырларыннан һәм татар шагыйрьләре әсәрләреннән төзелгән «Борчылма» программасында (18.30) чыгыш ясый. Әлеге программа «Олы юл әйтте...» шигъри -музыкаль циклының дәвамы.
Сергей Васильев җитәкчелегендәге Татарстан Республикасы Филармония джаз оркестры якшәмбе – 2 декабрьдә (11.00) филармония сәхнәсендә узачак, балалар өчен әзерләнгән «Табигатьнең матурлыгы джаз төсмерләрендә» концертына репетиция ясый. Әлеге программада бик күп сәнгать мәктәбе укучылары да катнаша, шунлыктан бүген Татар филармониясе балалар чыр-чуыннан кайнап тора.
Татарстанның атказанган артисты Владимир Васильев җитәкчелегендәге Филармония әдәби-музыкаль лекторие балалар өчен Яңа ел әкиятләрен «шомарта». Филармониянең иң өлкән коллективы бу сезонда балалар өчен ӨЧ Яңа ел программасы күрсәтәчәк. Алдагы елларда күрсәтелеп хитка әверелгән «Буратино маҗаралары», «Нехочуха» һәм балалар өчен Яңа ел концерты. «Буратино маҗаралары»нда Татарстанның халык артисты Георгий Ибушев гаҗәеп инсафлы, нечкә күңелле, шигъри җанлы Шүрәле булып уйный. Ул «Минем исемем – Шүрәле, туган як – Кырлай...» дип җырлый башлауга аңа бер төркем татар кызылтүшләре кушылып бии башлый.
Татар филармониясендә бүген тормыш шулайрак кайный. Сездә дә тулы тәртиптер дип ышанабыз!)
--- |
Иң күп укылган
|