|
|
Бүген кемнәр туган
|
|
Архив
|
08.11.2018 Матбугат
«Түгәрәк уен» альманахы язмаларын бүгеннән «Матбугат.ру»дан укып булачак2011 елдан башлап республикабызда татар халык иҗатын яктыртучы «Түгәрәк уен» мәгълүмати-популяр альманах чыгып килә. Аны Татарстан Мәдәният министрлыгы каршындагы Республика традицион мәдәниятне үстерү үзәге гамәлгә куйды. «Түгәрәк уен» альманахы язмаларын бүгеннән «Матбугат.ру»дан да укып булачак. Басманың максатлары:
- Глобальләшү шартларында милли йөзебезне саклап калу өчен, тарих тузаны астында күмелеп яткан рухи-мәдәни мирасыбызны халыкка кайтару;
- Мәдәният хезмәткәрләренә һәм мәктәп укытучыларына методик ярдәм күрсәтү;
- Төбәкләрдә эшләп килүче фольклор коллективларын дөньяга чыгару;
- Укучыларыбызны авыл һәм мәктәп музейлары белән таныштырып бару;
- Халык арасында сакланып калган кадерле ядкарьләрне басмабыз аша киң катлам укучыга җиткерү;
- Музыка фольклорын барлау һәм милли уен коралларында уйнарга өйрәтү һ.б.
Кыскасы, «Түгәрәк уен» альманахының төп максаты — милли үзаңны үстерү, традицияләребезне тормышка кайтару, сибелгән-чәчелгән татар халкын бер түгәрәккә туплап, үз йөзебезне югалтмыйча заман белән бер адымда атлау.
«Түгәрәк уен» альманахына республикабызның теләсә кайсы элемтә бүлегендә язылырга мөмкин.
Индексы —16987.
Кварталга бер чыга.
Ярты елга язылу бәясе — 278 сум 53 тиен.
--- |
Иң күп укылган
|