|
|
Бүген кемнәр туган
|
|
Архив
|
18.10.2018 Ир белән хатын
Иремнән аерылыйммы? (ХАТ)Ирем белән 15 ел яшәгәннән соң аерылышырга булдык. Өч балабыз бар. Икесе мәктәптә укый, төпчек улыбызга – 3 яшь. Ирем гел ерак сәфәргә эшкә йөри. Акчасын юньләп күргәнем юк. Фатирга түләп бара инде анысы. Кредитларны түләүгә бирә. Ашау, балаларны киендерү өчен үземнең хезмәт хакымнан тотам. Элек барысы да яхшы гына кебек иде. Аның ярты айга бер кайтканына ияләндек. Ләкин соңгы айда ирем нык үзгәрде. Миңа кычкыра, кул күтәрә башлады. Үзем дә аның еракка китеп эшләвенә канәгатьсезлек белдерәм. Гел бәхәсләшәбез. Әни түзәргә куша. Өч балаң белән нишләрсең, ди. Үзе дә гомер буе исерек әтинең колы булып яшәде. Хәзер дә әти кыйный аны. Әни түзә. Аның хаталарын кабатлыйсым килми. Аерылсам да, берүземә генә авыр булыр кебек. Ирем үзенә хатын табар анысы, ә мине өч бала белән кем кияүгә алыр? 38 яшьтән ирсез яшәве дә җиңел булмас инде. Нишлим икән?
Исемем редакция өчен генә, Чаллы.
--- |
Иң күп укылган
|