поиск новостей
  • 19.03 "Ләйлә вә Мәҗнүн" Кариев театры, 18:30
  • 19.03 ПРЕМЬЕРА "Флешка, рэп һәм мәхәббәт" Тинчурин театры, 18:30
  • 20.03 "Ут чәчәге" Кариев театры, 13:00
  • 20.03 ПРЕМЬЕРА "Флешка, рэп һәм мәхәббәт" Тинчурин театры, 18:30
  • 21.03 "Анна Ахматова:Вакыт кайтавазы" Кариев театры, 13:00
  • 21.03 "Эх, алмагачлары!" Тинчурин театры, 18:30
  • 22.03 "Корт" Кариев театры, 18:30
  • 22.03 "Ай, былбылым!" Тинчурин театры, 18:30
  • 23.03 "Йосыф" Кариев театры, 18:00
  • 23.03 "Бәхетле көнем" Кариев театры, 13:00
  • 23.03 "Яратам! Бетте-китте!" Тинчурин театры, 17:00
  • 24.03 "Әлифба:Хәрефләр дөньясында" Кариев театры, 13:00
  • 24.03 "Мәдинә" Тинчурин театры, 17:00
  • 26.03 "Мио, минем Мио!" Кариев театры, 18:30
  • 26.03 "Җилкәнсезләр" Тинчурин театры 12:00 һәм 18:30
  • 27.03 "Гөлчәчәк" Кариев театры, 19:00
  • 27.03 "Идегәй" Тинчурин театры, 18:30
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
Бүген кемнәр туган
  • 19 Март
  • Татьяна Водопьянова - дәүләт эшлеклесе
  • Камил Гайнуллин - актер
  • Ренат Вәлиуллин - дәүләт эшлеклесе
  • Илшат Вәлиулла - язучы
  • Гөлнур Корбанова - шагыйрә
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
  • Ассаляму алейкум! Казанда, центрга якынрак булган гостинка яисэ булмэ снимать итергэ телим. Риелторсыз. 89872312932 (ватсап)
  • Кому требуется шпаклевка, обои, по городу Казани также Арск обращаться по тел +7 (917) 266-37-64.
  • Яр Чаллыда 2-бүлмәле фатир сатыла:Яңа шәһәр, 30 комплекс. Мәйданы 52 кв.м. Планировкасы әйбәт - распашонка. Җылы, яхшы хәлдә. Хуҗасы сата. Телефон:8-9631571216
  • Хәерле көн! "Салават Купере 2" торак комплексында бөтен унайлыклары булган 2 бүлмәле квартира арендага бирелә. 3 этажда. Өр-яңа ремонт, мебель. "Бәхетле" артында урнашкан. Тәртипле татар гаиләсе эзлибез. Йорт хайваннарсыз. Төп шарт: тәртип, чисталык, вакытында түләү. Риелторларсыз. Элемтәләр өчен телефон: 89534975861
  • Студентлар өчен өстәмә эш. 8-917-880-94-77
Архив
 
18.10.2018 Җәмгыять

"Догага кулым күтәрелмәде" (БУЛГАН ХӘЛ)

Өч елдан артык тәнәфес ясаганнан соң сезгә тагын язарга утырдым әле. Тәнәфеснең сәбәпләре төрле, ләкин бер - берсенә бәйле. Иңгә-иңне куеп, җанны-җанга терәп дигәндәй, 56 ел бергә яшәгән ирем үлеп китте. Бик авыр кичердем, аңлатырга сүзләр җитмәс. Инде хәзер, үлгән артыннан үлеп булмый бит дип, үз күңелемне үзем күтәреп яшәргә ниятләдем.

Мин укытучылар гаиләсендә туып-үстем. Үзем дә шул һөнәрне сайладым. Мамадыш педучилищесын тәмамлап, 18 яшемдә үз районыбызның Үрәсбаш мәктәбендә укыта башлаган идем, шуннан төрле җирдә гомер буе балалар укыттым.
 
Үрәсбаш мәктәбендә Әхмәт абый Заһриев җитәкчелек иткәндә рәхәт эшләдек. Күңелле иде, ни дисәң дә яшьлек бит. Кичен мәктәпкә киләбез, директор чыгып китүгә (мәктәп йорты янәшә генә), бер укытучы егет гармунын ала, уйныйбыз, җырлыйбыз. Завуч та яшь, Галим исемле егет, колакка “катырак”. Уен барышында аңа: “Ни хурлык бит армиягә ярамаса сөйгәнең...” – дип такмаклыйбыз. Миңа эндәшсә, ике кулны колакка куеп, “ә-ә?” дип үртим: балалык чыгып бетмәгән булган, күрәсең.
 
Өч ел эшләгәч, директорыбызны Түбән Арбаш балалар йортына җитәкче итеп күчерделәр. Аның урынына Галимне куйдылар. Декабрь аенда мәктәпкә эшкә флотта 4 ел хезмәт итеп кайткан Хатип исемле егет килде һәм бер елдан минем ирем булды. Бик тату, күңелле яшәдек. Ә Галим үзеннән 10 яшькә олы, ире үлгән керәшен хатынына өйләнде. Эш буенча миңа бәйләнә алмагач, төрле кыенлыклар тудыра башлады. Ул вакытта укытучыларны авылларга беркетәләр иде. Өч укытучы кыз була торып, яшь баласы бар димәде, мине дүрт чакрым ераклыктагы Красный Октябрь авылына беркетте. Читтән торып укый идем әле. Шулай бервакыт декабрь аенда җәяүләп ата-аналар җыелышына киттем. Җыелыш кичке җидедә генә бетте, ул арада урамда көчле буран чыкты. Укучыларымның әниләре: “Кунып кал, иртәгә генә китәрсең, бу буранда кич юлга чыкма”, – дисәләр дә, өйдәге нәни улымны кызганып, кайтырга уйладым. Әти-әниләр фонарь белән урман чыкканчы озаттылар. Тагын өч чакрым басу юлыннан кайтасы бар. Урман чыгуга юл бетте, күзгә бер нәрсә күренми, үзем һаман барам да барам. Кая атласам да кар көрте. Үзем Галимне “мактыйм”, ниләр генә теләмәдем мин аңа шул чакта. Шулхәтле арыдым, юеш буран, пәлтә итәкләрем бозланып катты. Утырсам йокыга китәрмен дә катып үләрмен дип куркып, барам да барам. Үлсәм улым ятим кала бит дип кайгырам. Шул чак еракта җемелдәп ут күренеп китте. Бата-чума шунда юнәлдем. Бәхеткә, авыл очындагы фермага килеп чыктым. Көч керде, куанычымнан өйгә таба йөгердем. Кайтып керсәм, Хатип биш айлык баланы караватта уйнатып утыра. Мине күргәч ирем дә, үзем дә сөенештек инде. Шул елны Киров өлкәсе, Нократ Аланы районы, Түбән Шөн урта мәктәбеннән ирле- хатынлы ике укытучы пенсиягә киткәннәр. Без моны ишетүгә, шул авылга бардык. Икебез дә Казанда читтән торып укыйбыз, документларыбыз чиста, әллә ничә рәхмәт хатыбыз бар язылган. Безне шунда ук алдылар. Татарчаны яхшы белү кирәк иде, анысын гына булдырабыз инде – татарлар бит без! Шулай итеп Галим безнең мәктәптән киткәнне сизми дә калды. Авыл халкы, укучылар яраткан, хөрмәт иткән ике укытучысыннан берьюлы мәхрүм калды. Галим үзенең мәкерле эшен дәвам итте әле. Ул вакытта фатир өчен 30 сум акча бирелә иде, безгә берничә айга шул акчаны да бирмәде. Мин дә югалып калмадым, бу турыда райисполком рәисенә язып җибәрдем. Шуннан соң бик тиз түләде акчаны, күрәсең, районнан каты гына эләккәндер үзенә.
 
Шөн мәктәбендә дә бик яхшы эшләдек. Хезмәтебезне бәяләп, медаль, мактау грамоталары, төрле премияләр бирделәр. Аннан без шәһәргә китәргә ниятләдек. Ике балабыз үсеп килә иде инде, өйдә торып институтта укырлар дип, Казахстандагы Усть-Каменогорск шәһәренә киттек. Анда 21 ел, пенсиягә чыкканчы рус мәктәбендә укыттык. Ил таралгач, читтә каласы килмәде, туган якка кайттык. Шөн балалары хәзер дә онытмыйлар, очрашуларга, кунакларга чакырып кына торалар.
 
Галимнең юньсезлеге гомер буе исемнән чыкмады. Хатыны үлеп, 10 ел тол яшәде ул. Хәзер инде үзен дә үлгән дип ишеттем, әмма догага кулым күтәрелмәде...
 
Әлфия ХИСАМЕТДИНОВА. Мамадыш районы, Олыяз авылы. 

---
Татарстан яшьләре
№ --- | 18.10.2018
Татарстан яшьләре печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»