• 21.09-22.09 Театраль солянка. Филармония. 18:30
  • 27.09 Татарча солянка. Уникс. 18:30
  • 29.09 Лилия Муллагалиеваның "Мин" концерты. Пирамида. 17:00
  • 29.09 "Мультизавры" мультимедийный спектакль. "Уникс". 14.00, 17.00.
  • 09.10 Ваһапов фестивале. Гала -концерт. 18.30
  • 12.10-15.10 Ришат Төхвәтуллин коцерты. Уникс. 18:30
  • 14.10 Рәмис Аймәтнең юбилей кичәсе. Пирамида. 15:OO
  • 30.10 ШТК югары лигасы. Уникс. 19:00
  • 01.11-05.11 Гүзәл Уразова һәм Илдар Хәкимов. Уникс. 18:30
Туган көннәр
  • 20 Сентябрь Кристиан Ансалди
  • 20 Сентябрь Заһит Хәбибуллин (1910-1983)
  • 20 Сентябрь Рим Гыйльфан
  • 20 Сентябрь Лилия Нуретдинова
  • 20 Сентябрь Валерий Власов
  • 21 Сентябрь Тәбриз Яруллин
  • 21 Сентябрь Гүзәл Гайнуллина
  • 21 Сентябрь Сәйфи Кудаш (1894-1993)
  • 22 Сентябрь Марат Гәрәев
  • 22 Сентябрь Заһир Бигиев (1870-1902)
  • Авиатөзелеш районы. Шәхси хуҗалыкта үстерелгән бәрәңге сатам 175 кг, (4 капчык) 15 сумнан. Тел: 89172968491 Марат.
  • Казанда метро Аметьево янында 4 булмэле квартиранын 1 булмэсенэ бер кыз эзлибез. Бэясе 5200+кварплата. Телефон 89179389041 (ватсапка языгыз)
  • Казан Совет районында зур булме 18 кв.м. Балконы бар ремонт ясалган. Садик кибетлэр остановка якында гына 89509469991
  • Казан Яна кер юу машинасын (СЛАВДА) 4кг юа ценнтрафугалы сатам 3000 сумга или 200кг бэрэнгегэ алыштырабыз. т.89872219128
  • Дәүләт архивлары чыганаклары буенча шәҗәрәләр төзим. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 5 елдан артык. Тел./Ватсап: 8–917–874–16–40 Tongekuk@gmail.com Дамир Шәйхетдин. Чаллы
  • Өч бүлмәле фатирның бер бүлмәсенә кыз(лар) эзлибез. Казан. WhatsApp: 89872147611
  • Кама-Тамагы, Антоновка авылында жир участогы сатыла, тулы 22 сот, аерым 11 сот. Каршыда кул. тел.89274173595.
  • Казан Зур рамкада көзге сатыла 89655808912
  • Кулай бэядэн бодай, арпа сатыла 89093070738 (Кайбыч)
  • Казанда озак вакыт тору өчен бер бүлмәле фатир эзлим. WhatsApp: 89874072271.

 

 

 
Архив
 

01.04.2010 Мәдәният

БЕР КОЛАКТА – ӨФЕ, БЕР КОЛАКТА – КАЗАН

Былтыр биш ай авылда яттым. Бу – июль башыннан декабрьгә кадәр вакыт арасында, таудан-тауга чабып җиләк, гөмбә җыю, аларны эшкәртү, су ташу, мунча ягу, кер юу, тавык ашату, өй җыештыру, пешеренү, эт-мәчеләр белән аралашу кебек күңелле шөгыльләр белән үткән гомер. Рәхәт ирек дигән нәрсә: пенсиягә чыгу – иреккә чыгу дигән сүз булды минем өчен.

Укыганда, соңрак – эшләгәндә, күп булса каникулга, ялга кайтып, айны, көнне сузарга азапланып интегә идем. Хәзер менә, җаның теләгәнчә яшә туган авылда, әти-әни йортында! Ләкин ике рәхәт бергә килми диюләре хак икән – һәр эшемне мактап, үсендереп торырга, чүкердәшеп сөйләшә-сөйләшә чәй эчәргә, тәмле бәлешләрне бергәләп ашарга әти дә, әни дә юк. Бер-бер артлы гүр иясе булдылар. Аның каравы, чире өстенә чир өстәлеп торган энекәш бар. Аның туктаусыз зарлануына, холыксызлануына түзә алсаң, калганы – җан рәхәте генә...

 

 Рәхмәт яусын Поповка

 

 Иркен агач өйнең ике бүлмәсендә ике радиоалгыч эшләп утыра. Түр бүлмә тәрәзәләре – Татарстанга, күрше Баулы ягына карап торгангадыр инде, ул яктагы радио Казаннан сөйләүче "Яңа гасыр"ны яхшы "тота". Аны күбрәк энекәш тыңлап ята. Мин, кухня ягында юып, пешеренеп вакыт уздырганга, Өфе ягына карап торучы радиоалгычтан башкортларның "Юлдаш"ын тыңлыйм. Кичләрен, йоклар алдыннан, радиомның "колагын" боргалый торгач, кыска дулкыннарда "Свобода"ны, "Азатлык"ны, "Би-би-си", "Радио Франции", "Немецкая волна"ны эзләп табам. Болары, "Азатлык"тан кала, һәммәсе дә урысча сөйли. "Международное радио Китая" белән "Голос Кореи"ны онытканмын икән әле. Болары да урысча, нәкъ безнең СССР заманындагы кебек, партияләренең генераль секретарьлары чыгышларыннан цитаталар китерә-китерә ялкытып бетерәләр. Озак тыңлап булмый үзләрен. Август аенда бугай, Кытайның Синхән-Уйгыр автономияле төбәгендә кытай гаскәриләре уйгырларны кырып салгач, тел һәм дин кардәшләребезнең язмышы хакында ни сөйлиләр икән дип теге "Международное..."ны тыңладым. Ни сөйләсеннәр: барысы да әйбәт, халык тынычланган,уйгырлар кытайлар белән дус-тату яшиләр, янәсе. Андагы хәлләрдән чын хакыйкатьне Көнбатыштан "Свобода", "Би-би-си" радиолары гына җиткерде... Ул радио дигәннәре бик шәп нәрсә, рәхмәт яусын Поповка – телевизор кебек, кул-аягыңны бәйләп куймый, эшлә, йөрен, теләсәң, күзеңне йомып, ятып тыңла шунда. Кул җитәрлек ераклыкка куеп, боргалыйм гына "колагын". Күршебездәге Оренбургтан татарча концерт тыңлап алдым. Якшәмбе көнне, көндез, Төркиядә яшәп ятучы Казан егете Сәгыйть Хәйринең каймактай куе тавышын ишетеп сөендем – "Төркия авазы" дулкынын тотканмын икән. Согуд Гарәбстаныннан үзбәкчә тапшыру "эләктердем"дә, кичке якта еш кына шуны тыңлый торган булып киттем. Күбрәк динне, аның хасиятләрен аңлата гарәпләр үзбәге, ә теле шулкадәр дә аңлаешлы, гел татарча диярлек. Соңгы араларда Казанда да, Башкортстанда да үзбәкләр еш очрап тора – транспортта эшлиләр, өйдән өйгә йөреп әйбер саталар. Хәтта үзбәк авылдашларыбыз да бар хәзер безнең, татар хатыннарына йортка кереп, тәмам татарлашып беттеләр. Теплицалар корып, кыш уртасында кыяр-помидор үстерәләр, кайберләре сәүдәдә, төзелештә эшли. Кыскасы, тел ягыннан караганда (динне әйткән дә юк!), без бик тә якын милләтләр дигән фикерем көчәя генә бара.

 

Дулкын санавың күпкә китте дисәгез диегез, тагын берсен әйтим әле: Ижаудан, чип-чиста татар телендә ... христиан тапшыруы тыңлап шаккаттым август аенда. Беләләр бит каян чыгарга эфирга – тирә-юне татар, башкорт белән чыкылдап тулган җирдән сөйлиләр, Татарстанга да, Башкортстанга да бик якын шәһәрдән. Аң бул, халкым!

 

 Туган көн саташуы

 

 Радиоманлыгым турындагы сүзнең башы гына, бисмилласы гына. Иртән вә көндез бөтен тыңлаганым – Өфедән "Юлдаш" дулкыны дип әйттем инде. Шул станциядән ишеткән гаҗәп нәрсәләрне, истә генә калмас болар дип, кәгазьгә теркәп бара башладым һәм шактый саллы "материал" җыелды.

 

Өфедән башкортча гына сөйлиләрдер дип уйласагыз, ялгышасыз: тәүлек буена эшләп утыручы "Юлдаш"та тапшырулар бер-бер артлы өч телдә бара – башкортча, татарча, урысча. Билгеле инде, татарчасы белән урысчасына вакыт азрак бирелә – өчәр сәгать, калган һәммәсе – башкортча. Татарлар күпләп кенә түгел, бик күпләп яшәүче Башкортстан өчен татарча өч сәгать аз тоелса да, булганына рәхмәттән гайре сүз юк. Бездә, Казанда, "Яңа Гасыр" бер телдә – татарча гына сөйли бит әле. (Урысча яңалыкларны исәпкә алмаганда). "Татарстан"да элек чувашча тапшыру бар иде, марича, удмуртча да сөйләп алалар иде, алары да бетте. Ләкин, "Юлдаш"ны мактап куйгач та, гаделлек өчен шунысын әйтми ярамас: татарча тапшырулар эчтәлек, сыйфат ягыннан, башкортчаларыннан нык кайтыш. Өч сәгатьнең берсендә кызыклы шәхесләр турында, йә бер-бер проблема тирәсендә гәп куерталар да, калган ике сәгатьне түләүле җыр-бүләккә биреп, юбилярларның озын-озак хатларын укып, үзләреннән төчедән-төче мактаулар яудырып, көн саен кабатлана торган бер үк җырларны тапшырып тик утыралар. Туган көнгә багышлап үзешчән авторлар болгаткан тозсыз сүзле тозсыз көйләр шарманкасы әйләнеп тик тора монда да. ("Да" кисәкчесе – Өфедә дә, Казанда да хәлләр бер чама дигәнне аңлата). Әти белән әни турындагы бетмәс-төкәнмәс "чидибыр"ларга хәзер, "апам", "абыем","җизнәм", "туганым", "күршем" дип өзгәләнүләр өстәлде. Әйтик, үзе "Юлдаш"та эшләп утыручы Зифа Нагаева, "Янганнарым, сагышларым, ялгышларым – уңышларым белән, апам, сиңа сыям, беләм" дип ах-ух килүче бер җырчының язмасын куймый калмый иде. Үз җыры чөнки. Татарчасы гына җитмәгән, шул ук җыр башкортча тапшыруларда да гаять еш яңгырап тора. Икенче берәве: "Җизнә-җизнә, җизнәгенәм, диям зур хөрмәт белән" дип уалып төшә. "Бигрәкләр дә матур, бигрәкләр дә сабыр, япь-яшь әле минем әнием" дип хәзер телсез генә җырламый бугай инде. Уразовадан отып, бер башкорт кызы: "Капка төпләрендә яшел чирәм", – дип, әсәен (әнисен) сагынып өзгәләнә. Казандагы язмаларны "Юлдаш"ның татарчасы мулдан куллана – гүя Өфене түгел, ә Казанны тыңлап утырасың. Резедә Кадыйровамы ул анда һаман: "Якынымның туган көне бүген, ул бәхетле, рәхәт яшәсен", – дип ыңгыраша. Вәт, малатчина, мәйтәм, һәммәсен дә уздырган бу – әтисенең дә түгел, әнисенең дә, абыеныкы да, җиңгәсенеке дә түгел, ә якынының туган көне! Универсаль сүзләр, теләсә кемгә ярый торган. Дежур җыр булса, әнә шундый булсын икән...

 

Бусы кем тагы (хәзер җырчыларның да, авторларның да исем-шәрифләрен әйтеп тормыйлар, танысаң – таны, танымасаң – таныма):

 

"Әткәй, бәгърем, кулларыңны Сыйпап-назлап үбәрбез, Озын гомер, ак бәхетләр Сиңа һаман теләрбез", – дип, открытка тышына языла торган дежур сүзләр белән теләк тели.

 

Бер кызый да шуннан ерак китмәгән:

 

"Әтием, әтием, Котлыйм сине, әтием!

Яннарыңда һәрвакыт Көлеп торсын әнием..."

 

Бусы безнең Ләйсән Гыймаева булды бугай.

 

Менә монысын ишеткәч:

"Әнкәемнең оекларын кисәм,

Очрамыйлар миңа киртәләр...

...

Битләремә куям мамык оек", –

 

тагын нинди киемен кайсы төшләренә куярлар инде безнең "даһи" авторлар һәм "не менее даһирак" җырчылар дип куркып китәсең, билләһи.

 

Менә шундыйрак котлаулар белән тулы ул "Юлдаш" радиосы эфиры. Иң гаҗәбе шул: редакциягә хат юллаган иптәшләр үз якыннарына (Резедәне кабатлыйм әле!) нәкъ шушы калыптан җырлар сорап язалар микәнни? Бик тә шикләнәм. Алар, мөгаен, "берәр матур җыр тапшырыгыз" дип тәмамлый булыр үз хатларын. Һәм болар тапшыралар. Хәер, бер көнне кемдер берәү, атап, "Хәмдия"не соратты. Сорый белеп сорасаң, эзләп табалар тагы үзләре – тапшырдылар. Ә радио тыңлаучыларның күбесен модага иярү, "үзләре беләдер" шаукымы тота, күрәмсең.

 

 Җырлашабыз, урлашабыз

 

 Бусы булды ике республика радиостанцияләренә дә хас, уртак чиребез. Әле тагын, укучылар белән "Юлдаш"ны тыңлап ясаган бер-ике ачышымны да бүлешәсем килә. Беренчесе. Өфе тарафыннан бик күп таныш, ягымлы, җанга якын татар көйләре агыла. Әйтик, "Шахта", "Сәрвиназ", "Зөләйха", "Су буйлап", "Сарман", "Башмагым" (Җ.Фәйзи), "Озата барма", "Минзәлә", "Озату", "Җидегән чишмә", "Вәгъдә", "Сибелә чәчем", "Ай былбылым", "Идел буе каеннары", "Күл буена килсәң иде..." Нәрсә, "Халык җырлый" китабы битләрен ачып, санап бара бу дисезме? Болар белән генә бетмәде әле, "Юлдаш"тан ишетеп язып бара торгач, бер атна дигәндә шундый 44 таныш җыр җыйдым. Ләкин алар үзебезнең, татар җырчылары башкаруында тапшырыла дисәгез, юк шул: башкортча җырлана алар! Татар җырын, аеруча халык җырларын башкортчага аударып җырлауларына элегрәк тә үртәлә идем, чөнки аларны чатнатып, "башкорт халык йыры" дип игълан итәләр иде. Хәзер әйтеп тормыйча гына "йырлайдар". Соңгы дүрт-биш елда әлеге күренеш тагын да киңрәк колач җәйгән. Алтмышынчы-җитмешенче еллардан килеп, инде эстрада классикасына әверелгән композитор көйләрен атамадым әле. Әйтик, Мозаффарның "Әй мокатдәс илем"ен (аны Илһам Шакирдан отыптыр инде, Илһам Вәлиев "йырлай"), Илһам абый яшьлегендә кинәнеп җырлаган "Казакъ кызы сөйгәнем" (Заһид Хәбибуллин көе) бүген башкорт эстрадасына менгән. Тик егеткәй "Әй, ватаным – Татарстан" урынына "ватаным – Башкортстан" дип җырлый. Авторлык хокукын боза, бер сүздә булса да, шулаймы? Илгиз Закировның "Керкәле таулары" башкортчага "Кәркәле таулары" булып авышкан. Безнең Лениногорск Керкәлесен, әнә шулай, Миякә районы Кәркәләсенә алыштырган ахры Фидан абыебыз. "Биек булһа ла меник" дип, боерык фигыль формасын татарча саклаган үзе, гәрчә башкортчасы – менәек булырга тиеш. Ритм бозылачак чөнки. Салаватның "Каен ауган, каен ауган"ын бер башкорт кызыкае үзенчә җырлый да, "әле яттарда булһаң да, кайтырһың яндарыма" дип куя ахырын. "Кайтырсың кулларыма" дисә артык эротик яңгырар дип уйлаган бугай. Безнең "Сарман" тегендә "Сәрмән"гә әйләнә. Бусы инде күптәнге "традиция". Ә "Минзәлә"не "йырлаудары" бер дә гаҗәп түгел: башкортлар Минзәлә, Актаныш, Мөслимнәрне, хәтта Мамадышны да үз җирләре дип саныйлар. Чөнки бу җирләрдә асаба башкортлар яшәгән, янәсе. Чынында исә, сословие билгесе буенча башкортлыкка язылган типтәрләр, нугайлар – монысы гына билгеле факт.

 

Җырлыйлар икән, әйдә, җырласыннар татар җырларын башкорт кардәшләр. Җырчылары арасында да шактый зур өлешне Башкортстан татарлары алып тора. Өстәвенә – Фиданы да татар, Фәдис Ганиев, Фирзәнә Абдуллина, Гөлчәчәк Шәрипова, Шамил Хәмәдинуров, Илһам Вәлиев – санап бетергесез. Хәтта бездәге керәшен җырларын да башкортныкы итеп бетерделәр. Георгий Ибушев җырлый торган (үз сүзләренә) "Безнең ил" дә хәзер башкорт җыры!

 

Бәлки бу, ахыр чиктә, татар белән башкортның икесе бер милләт икәнен тагын бер кат раслаучы факт кынадыр? Шулкадәр бер-беребезгә керешеп беткәнбез бит инде, җәмәгать, күп нәрсәләребез уртак. Казан радиолары архивларда гына саклый торган, инде яшьләребез танымый башлаган ул җәүһәрләрнең, ичмасам, Өфе ягыннан һәрдаим яңгырап торуына сөенәм дә әле мин. Ләкин бу күренешнең башкорт кардәшләр өчен бераз зыянлы ягы бар: җырчылары да, тыңлаучылары да, үзенчәлекле башкорт аһәңеннән читләшә барып, тәмам татарча көй калыбына җайлашып килә түгелме? Башкорт халык көйләренең сурәте бүтәнчәрәк бит, ни дисәң дә. Бу хакта моннан ун-унбер ел чамасы элек үк "Башкортстан" газетасында башкорт артисты Юнир Салаватов чаң суккан иде инде. Ул үз милләте тыңлаучысының башкорт көйләрен түгел, ә күбрәк татар көйләрен тиз отып алуына, үз итүенә аптыраган иде. Шулай шул, таяк ике башлы...

 

Инде килеп, икенче бер күренеш. Бусы, алдан үк әйтим, Башкортстан көйчеләренә хас галәмәт: моңарчы җырлап онытылган җырның сүзләрен аласың да, шуңа яңа көй әтмәллисең. Татарстан авторлары җырын алсаң, җаның тыныч – сине анда ишетүче юк, ә Башкортстанда тик җырлап йөре! Менә мисаллары. Элегрәк һәр мәктәп баласы белгән җыр – "Солдатлар", Роберт Әхмәтҗанов сүзләре, Фәтхерахман Әхмәдиев көе. (Балык Бистәсе данын күтәргән шәхесләр икесе дә.) Һәм менә Өфедән шул җыр сүзләренә, "Далан" төркеме дип истә калды, "өр-яңа" көй шыңгырдата. Көе юньле булса иде әле. Алга таба, "Илкәем" җыры. Нәкый Исәнбәт сүзләре, халык көе, Илһам абый җырлавында ишетеп беләбез. Һәм бер башкорт егете Нәкый ага сүзләренә йөгерек кенә бер көй җырлый. Яңа көй. Хөснул Вәлиуллинның "Акчарлаклар"ы да шундый язмышка дучар. Ганс Сәйфуллин көен, Гөлшат Зәйнашева сүзләрен язган "Әй, урман" җырын да, көеннән "чишендереп", яңа көйгә төргәннәр. Күптәнге бер таныш җыр көе ишетәм! Көе буенча сүзләрен хәтергә төшерәм:

 

Килермен мин тагын Бер сезнең якларга...

 

Ләкин, ни гаҗәп, иске көйгә башкорт дуслар яңа сүзләр язган икән! "Ишетһен бар дөнья, Дөньяны яңартам: яратам мин һине, яратам, яратам" дип җырлап ята берәү. Заманында Зөһрә Шәрифулина белән Асаф Вәлиев бергәләп җырлаган "Гитара" җыры да бөтенләй бүтән сүзләргә җырлана монда. Рөстәм Закиров җырлаган: "Китте ул ашыгып, китте ул хушлашмый..." дигән сүзләргә ия җыр да яңа "һүззәр"гә "йырлана". Бу ни бу, диясе килә, Айдар Галимов җырлаганча. Әлбәттә инде, урлашу бу, плагиат! "Агыйдел" журналы рекламасын "Таң атканда" дигән татар халык көенә төреп бирүләренә, радионың музыкаль заставкасы итеп Сәйдәш Гарифуллин җитәкчелегендәге Казан триосы язмасын файдалануга әле түзеп була, әмма мондый затсыз урлашуга күз йомарга ярамыйдыр дип беләм.

 

Менә шундыйрак күзәтүләр. Сүзем нигездә җыр, музыка язмалары хакында барды. Сәбәбе дә гади: FM ешлыгында эшләп утыручы радиолар тегендә дә, бездә дә җыр белән шыплап тулган бит. Саллы, эчтәлекле тапшырулары Өфедә дә, Казанда да бик аз. Бу радио-каналларны, җыр сәнгатендәге кебегрәк, попса-радиолар дип атап буладыр хәтта. Профессиональлек, сүзгә дә, музыкага да талымлылык, зәвык дигән нәрсәләрдән бик тә азат алар. Дөрес, Казанда, ачыла алмыйча ябылган "Тәртип" радиосы кебегрәк, чын милли аһәңле “Ашкадар”  исемле радио ачып җибәрде башкортлар. Бу яктан башкортлар янә татарларны узып китте. Яңа радиодан алда санап кителгән хилафлыкларны ишетмәм дип уйлыйм, чөнки ул – башкортның асыл көйләрен, затлы классикасын, гамьле сүзен, кыскасы, фондлардагы алтын мирасын халыкка ишеттерергә алынган радиостанция. Ә безгә, татарларга, бу хакта хыялланасы гына әле.

Зөләйха КЫДАШЕВА
Татарстан яшьләре
№ |
Татарстан яшьләре печать

 
comments powered by HyperComments

Фикерләр

№15 (63900) / 06.12.2010 23:55:58

Милләт араһында бүлешеп-талашып ултырырға яратыһығыҙ икән, хөрмәтле татар инәһе. Башта үҙегеҙҙә, Татарстанда булған плагиат осраҡтарын әйтеп үтәйемме? үҙегеҙ ҙә беләһегеҙ, моғайын. Ҡазанда урлап баҫтырылған башҡорт китаптарын әйтеп тә тормайым инде - тап татарса, имеш тәржемә лә ителмән, баштан татарса яҙылғандыр. Күпме башҡорт йырын белдермәй татарса йырлайһығыҙ - әйтеп тә тороу юҡ - Тәфтиләүҙән башлап.
Инде иҫәпләшеп ултырайыҡмы, \"туған\"дар?

№14 (59130) / 28.10.2010 18:19:52

№13 (42668) / 27.04.2010 00:19:26

Элек, без, татар-башкорт, тугандаш халык идек. Татарстандагы авыллар (бәлки шәһәрләрнең дә кайберләре) башкорт радиосыннан агылган татар-башкорт моңнары белән уяна идек.
Башкорт, татар - Тугандаш халык идек.
*Татар дип язылган башкорт баласы*,нәмәгә шулай язылдыңыз һоң, кем сезгә басым ясады, урысмы-татармы? Ай һай?!

Апа, гафу... тик сезлэр ни чендер буташтырып, булмаган эйберлэрне язасыз... Жырга гына, ике радио арасында тапанып кына йозак куймаксы буласыз. Мин татар тугел, башкорт. Амма лэкин - телем татар менэн башќорттоќо араўында. ЏЎемде башќорт тип белљм. ЉњмЈмљн, тњнъяќ райондар, шул иџљптљн ТатарстандыҐ кЈп кенљ њлњшњ борон-борондан башќорт ерЎљре булћан. Шућа, иҐ ўљйбљте - зинўар араларЎы ќуйыртмаћыЎ! Тынлагыз Юлдашты ла, татар радиоларын да... э халыктын башын бутар осон, Салауат агай Низаметдиновтын "ай былыбылым"ы татар халык йыры тип эйтеуегез - хеззен хакта купте хойлей. "Т.я" гэзитен мин дэ алдырмайым хэзер, элек бер нисэ йыл алдыра инем, улары хэзер туалетта хезмэт ите. Гомумэн, таныш-белештэрем араўында ла был гэзитке каршы кампания ойошторганмын. Хэзер минен курмексе 17 дусым уга язылмаска булды. Эле куптэн тугел башкортса донъя курген "Шонкар" журналын алдыра башланык. Эйтергэ телэгенем - "Толпар"зан караганда купке якшы. Э языучысы татар ни, башкорт ни - телдер якын тора. Шулай ук куптен тугел http://www.shonkar.ru тиген шактай шэп сайт табып алдым эле... Унда да журналдан озоклэр биреп баралар.

№11 (41132) / 07.04.2010 22:27:03

радио
Рәхмәт, андый радиом юк шул инде минем. Чуашча, марича сөйлиләрме соң анда? Сөйләсәләр, бик шатмын!

№10 (41124) / 07.04.2010 22:15:01

ул тапшыру- Татарстан радиосының иң озын гомерле тапшыруы әле дә бар Кигәвен!

№9 (41122) / 07.04.2010 22:11:09

Элек, СССР заманында, иртәнге сәгать бишләрдә Башкорт радиосын тыңлап, хозурланып уяна идек.Аннан, ике сәгатьтән соң татар радиосы моңнарын тыңлый идек. Бертуганнар итеп хис итә идек башкорт дусларыбызны.
Беләсе килә, аларда ничек булды икән? Татарны тыңлап хушландылар микән?
Әйе, \"Между Волгой и Уралом\" ,дип атала идеме соң ул - мари да, чуаш та, һ.б. да үз телендә сөйләгән тапшыру. Аларның теле Татарстанда радио-телевизорда яңгырамый.Яхшы түгел.
Бүген, татар телен үлемгә хөкем итеп яталар.
Әй, З.К. алсыннар, җырласыннар безнең җырларны яратып, үз сүзләре белән! Аннан гына бөлмәбез, бәлки, баеп кына китәрбез бер заман!

№8 (40715) / 03.04.2010 08:47:18

Ул башкорт радиоларын Татарстанга, татар FM радиоларын Башкортостанга трансляцияләү җайга салынса шәп булыр иде бит, ә...

№7 (40615) / 02.04.2010 17:47:32

1.Узбэклэр Эхмэтhади МакъсудинынХХ
гасыр башында басылган китапларынан
эледэ(тэржемэсез!.)файдалана...
Элек телебез бик охшаш булган.,хэзр
без Мэскэу диалектына кучкэнбез....
2.Башкортлар татар жыр-коен,э без
аларныкын монланганда ни \"крамола\"
Шул Мэскэу ягына..табыну тугелме?
Элек башкорт-татар никахы тыелуын..
язма(жэймэ)авторы б е л м и м е ?

№6 (40535) / 01.04.2010 17:08:59

Флүрә ханым \"татар белән башкортны сугыштр\"ырга теләми, аларның игзәк халык икәнлеген раслый!
Сарман себердә дә \"Сәрмән\" инде, һәркем җырны үз диаликтында җырларга һаклы. (Татарча \"Ламбада\",\"Их сез матур кызлар\" А.Вәлиев башкаруында,\"Безнеңчә\" дискасы, Флүрә сөләймәнованың \"Әниемә\"се - болар да аударылган җирлар бит).
Ишетүемчә Фидан Гафаровның инәсе Актаныштан бугай. Өзын сүзнең кыскасы, борынга чиертә башкорт дустар, МОЛОДЦЫ!

№5 (40530) / 01.04.2010 16:23:44

Ай-һай күпме проблемалар күтәреп чыккан автор! Афәрин!
Котлашулар турында языйм әле. Ямьсез, урам сүзе була инде. Андый төчеләнүләрне безнең авылда \"сигәкләшү\" дигән ямьсез сүз белән атыйлар. Гамәле нинди - сүзе дә бик таман туры килеп тора. ТНВ каналы да БСТ белән ярышып(узып та китеп!) акча эшләргә тотынды. Тик, язмаларда чагылуынча, тапшыру әзерләүчеләр файдасына булмады бугай ул нәрсә.

№4 (40525) / 01.04.2010 16:03:12

Зөләйха сез аппаем татар белән башкортны сугыштрасыгыз киләме?Юк сүзләрне бар итеп ялган язып ятасыз.
Гөмергә татар-башкорт ердары уртак булды,кем теләде шул җырлады.Ике халыкның күңленә хуш килүче җырлар булгач,җырлыйлар.
Әллә җырга да йозак такмак келисезме? Комсызлык!!!!!Үзе карак булган гына башканы карак дип атый.
Заказ белән язылган.
\"Т.Я.\"шушындай язмалар бирә икән,ихтирамым бетте бу гәҗиткә,яздырмаячакмын!!!!!
Әбием әйткәнчә:
-ятсызлык бу,җир ничек күтәрә сезне?

№3 (40518) / 01.04.2010 15:46:55

"Күбәләгем түгәрәгем"не марича иттереп тә җырлыйлар анысыыыы.
Татар җырларын маричә мариныкы дип тетерәләр генә.

№2 (40508) / 01.04.2010 14:54:10

нафталин! ул оекларны яңа заманча порошоклар белән \"юарга\" кирәк. исе җилләнеп китә аның!
мин дә кайчак нервланып алам ул туган көн, тумачи, җиңгәчиләргә багышланган җырларын ишеткәч. Тик соңыннан, урам саен бер радио, 99 Лилия, Чәчәк, Алсу, (тагын әллә кем).көн саен пылт итеп чыга торган җырчылар өчен каян җыр җиткермәк кирәк дип, тынычландырам үземне!

№1 (40504) / 01.04.2010 14:38:23

Жэмэгать иске язмларны тынлап утыру кон буена, ул эбилэрнен нафталинлы сандыгын иснэу кебек тугелме. Суз дэ юк эби сандыгында кулмэк, ыштан, яулыклар ностальгия тудыра, тик кэхар, нафталин исе килэ бит алардан!

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Себерке
Өмет
Диләфрүз
Татарстан Язучылар берлеге
comments powered by HyperComments